السلام عليكم ورحمة الله وبركاتة
والله اني ماكتبت هالموضوع الا من الضيقة اللي فيني
الموضوع وما فية اني اليوم شفت الغدر والخيانة بعيني من وحدة من صديقاتي
وصداقتي معها ماهي سنة او سنتين صداقتنا من ايام الثنوي السنة الاولى تقريبا الى السنة الماضية
يعني صداقة اربع سنوات والبنت دايم تجرح فيني واحاول اتغاضى ولا اشيل
بقلبي ولا شئ كنت اعاملها معاملة والله لو هي غيري كان سوت فيها اللي ما يتسوى ووالله اني في حياتي
ما قد فتحت لها قلبي وقلت لها وش اللي فية لاني خلاااص انا بس انتظرالغدر منها وبس
واليوم زودتها لما شافت وحدة من بنات الثنوي خلااااص البنت ابد ما عاد تعرفني حسبي الله عليها
وياليت معاملتي معها مي كويسة كان ما ضاق صدري بس المشكلة احسن لها وتقابلني بالاساءة
وانا والله ماني في حاجتها معي بنااات زي العسل بس انا احافظ عالعشرة اللي بيننا بس مو باين في عيونها
وانا افكر الحين اني ماعاد اتكلم معها ابد واتركها بس اسلم عليها وبس
لانها والله حتى انها ماتستاهل السلام وانا بصراحة كان بامكاني اشتكي لصديقاتي اللي فعلا هم دواء صديقات
افضل منها والله
لكن مايصير اتكلم عنها عندهم لانها كانت صديقتي من قبل شلون اسبها عندهم
وبصراحة انا ما احب اتكلم عن احد او اسب احد احاول ان كلامي يصير عادي
بس والله ان صدري الحين ضايق حييييييل ولوهي قدامي كان قسم بالله لأعلمها قدرها
ياليتكم تعطوني رأيكم في الشئ اللي سوته وتعطوني رأيكم في الاسلوب الافضل للتعامل مع مثل هالاشكال
وهي زادت همي هم انا نا قصة هموم اللي فيني مكفيني تكفون ابي احد يوقف جنبي وبالله عليكم هذي صديقة
محبتكم
شوووق المطعونة بسكين الغدر حسبي الله عليها
وبصراحة انا قاعدةاكتب هالموضوع وانا ابكي من القهر لانها والله قهرتني بتصرفها
وتعمدت اضع الموضوع في ملتقى الاخاء لان احس تواجد الكثيرين فية ويكفي ان اسمة ملتقى اخاء
عشان التقي فيكم اخواتي واسمع رايكم وافضفض شوي
يالله طولت عليكم بس والله من القهر
يالله لا تتأخرون علي
أنا في انتظاركم
الروابط المفضلة