بسم الله الرحمن الرحيم
اجينا لذكرىالمواجع
انا تعرضت له نعم
فقدت نقدت والدي والحمدلله فقدتهم وانا صغيره أي لاكنت اعي تماما
كنت لازالت طفله ولا افهم معنى الفقدان والموت!
من فقدت ابي كنت حزينه لسبب واحد يوم وفاته يوم سفرنا !
حزنت لان تلغى السفر كله
!!! واتسأل طيب لي نسافر ومن نرجع يجيو يعزونا
بس لليوم بذكر ردة فعل اختي الكبرى اللي كانت توعي عليه مضبوط
مسيكنه لليوم مأثر فيها رغم مرور اكثر من عشرين سنه!
كانت نايمه وفجأه فاقت على بكاء ماما
سألت شو في خير !
انا بكل بساطه وبراءه قلت لها ولا شي هي بتبكي علشان بابا مات
صارت تصرخ بشكل هستري ومن يومها لليوم !
من حد يفيقها من النوم بتقوم ملموسه كانها مصروعه تتسال بخوف شو في ايش في وين ولادي
مسكينه بحس صار عندها عقده
بالنسبه لوفاه الوالده
كنت شوي اكبر وكنت بالابتدائي وكنت افهم لاني كنت دائما انام عندها واعرف ان تعبت واحس فيها
ويوم رجعت من المدرسة
مجرد دخلت البيت شفت خواتي الكبار !وقريباتنا واحدى قريبانات من زماااااااااان ماشفتها
اول ماشفتهم بالبيت فهمت انها توفت
دخلت الغرفه وصرت ابكي شوي واسكت شوي ارجع ابكي بعدين اسكت
لانه ماكنت اصلا واعيه ولا فاهمه معنى انها ماتت وايش عواقب فراقها!
بعدين اجو خواتي اللي اكبر من المدرسه ومسكينه اختي ماغيرها دائما بالصدمه
بعدها نازله من باص المدرسه مجرد شافوها ولاد الجيران خبروها
الحقي الحقي امك ماتتت طبعا انا وقتها بكيت على حال اختي لانه كانت مأساه !!
ورجعت فرحت باللليل ! لانه اختي المسافرة اجت عنا طبعا مشان تحضر العزاء
كنت مبسوطه لانها اجت ! شوفي البراءه ولا واعيه شو مخبي لنا
آآآآآآآآآآآه ايام ومرت علينا وحياه عشناها قضاء وقدر كتب علينا
والان من كبرت عرفت شو معني فقدانهم ...عرفت قسوة الحياه دونهم
رغم الله يخلي لي ياهام خواتي واخواني ماقصرو كفو ووفو....
صرت احس كل الدنيا عندي عادي
الللي يروح يروح وللي يجي يجي بكينا على اغلى الناس ماضلنا شي
بس بقول يارب تمد لي بعمر خواتي واخواني يارب ولا تبعدني عنهم
الآن بس اشوف حد شايب ولا عجوز كبير بالسن ولا مريض ولا مبين عليه تعب السنين
بقول الحمدلله توفو وهم بعز شبابهم وصحتهم ولا احتاجو ولا اعتازو لحد
بكامل صحتهم وعزتهم .. افضل من التعب والشيخوخه
الحمدلله على كل حال
الله يرحمهم ويتغمد روحهم يارب
اروح اغسل وجهي وارجع... الدموع والكحله شحبرو وجهي
الروابط المفضلة