كتبت بواسطة
النفس المطمئنة
سلام عليكم ورحمة الله وبركاته ...
اولا انا والله العظيم والله العظيم مش عارفة اقولكم ايه ... اولا طبعا الف شكر يا اينو انك نزلتي الموضوع وطلبتي من الاخوات انهم يدعو لابني ...جزاكي الله خيرا يا ايناس... وجزاكي الله خيرا يا وايت انجل على سؤالك وعلى دعائك... ربنا يكرمك يااارب اللهم امين ويباركلك في زوجك وفي والدتك ويرزقك بالذرية الصالحة عاجلا غير اجل يااارب اللهم امين ... وجزاكم الله خيرا كلكم ...
والله العظيم انا عاجزة عن شكركم ... بس بجد مفيش في ايدي الا اني اقولكم جزاكم الله خيرا جميعا ... وان يارب يااارب ياارب محدش يشوف اللي انا شوفته في ابني ... ولا في اي حد عزيز عليه ...ياارب يشفي مرضى المسلمين جميعا يااارب اللهم امين ..ز
انا ان شاء الله هابقى اكتبلكم عن الخطأ اللي وقعت فيه والله يسامحهم مستشفى تبارك الفرع الموجود في حلوان ... كان سبب انهم كان ابني هيروح مني قدام عيني عشان كان بقاله تلات ايام ترجيع واسهال وعرضته على 4 دكاترة هناك كل واحد يقولي ماله بقى زي الفل اهو ... لغاية لما ابني وقرة عيني وثمرة فؤادي كان بيدخل في شبه حالة من الاغماء ومن اللاوعي وكان مبينطقش وكان مبينمش لمدة 3 ايام متواصله وكان في الاخر مبيتحركش تماما وكانت حرارته اكتر من 40 ... وللاسف ولا جوزي ولا اخويا ولا والدي معانا بس الحمد لله ربنا كريم وهوا اللي كان معانا وهوا اكرم من الكل ...انا مش عارفة اقول ايه ولا اتكلم والله ... انا ان شاء الله هابقى اكتب على ركن الامومة والطفولة لما اقدر ان شاء الله ...عشان محدش يقع في اللي وقعت فيه
الحمد لله على كل شئ ..
كل اللي هاقدر اقوله دلوقتي ان يا جماعة حافظوا على اطفالكم ... والله الابن دا اغلى حاجة في الدنيا وعمر ما حاجة هتعوضه ابدا ... وبالله عليكم بالله عليكم لو حد من اطفالكم تعب لاقدر الله ولو حاجة بسيطة خدوه لحد شاطر ومتأجلوش ومتستهونوش باي حاجة ...
واستعينوا بالله وكونوا على يقين بالله ... والزموا الدعاء والاستغفار ...
وان شاء الله لي عودة بس لما اقدر والله باذن الله ...
بالله عليكم مش تنسوني من دعائكم لي ولابني حتى ولو بظاهر الغيب من غير ما تكتبوا
ربنا يحفظلكم ابناءكم جميعا ويقر اعينكم بيهم .. ويباركلكم فيهم كلكم يااارب يااارب يااارب اللهم امين ...
كل اللي طالباه منكم انكم تدعولي معاكم وابني ان ربنا يتمم شفاؤه على خير... ويلطف بالجميع يااارب اللهم امين ...
بجد جزاكم الله خيرا ...
واولا واخيرا طبعا اللهم لك الحمد حمدا كثيرا طيبا مباركا فيه يملأ السماوات والارض وما بينهما ...
وبجد يا ايناس الف شكر ليكي على الموضوع ربنا يباركلك في عمورة يااارب ويحفظهولك يااارب ويباركلك في جوزك ... ياارب اللهم امين
والف شكر ليكي يا وايت انجل على دعائك وعلى سؤالك ..ز ويارب يباركلك في زوجك وفي ال بيتك كلهم يااارب اللهم امين
حمد الله على سلامتك ياقمر نورتى المنتدى وعقبال مايتم شفاء حمزه على خير ياااارب
ايه يابنتى كل ده شكر ايه هو انتى فاكره حمزه ده ابنك لوحدك ولا ايه
انا والله باعتبره زى عمر بالظبط ووالله بادعيله كما لو كان عمر هو اللى تعبان ربنا يشفيه ويعافيه يااارب
حبيبتى انا بعتذرلك هنا ادام المنتدى كلللللللللللله انى معرفتش اكلمك انهارده والله انه تقصير فى حقك مش مسامحه نفسى عليه
بس انا كلمتك مره ومردتيش افتكرتك نايمه والله ظروف اليوم خدتنى ومعرفتش اكلمك تانى
انا اسفه يامرومه سامحينى
بكره ان شاء الله اطمن على حمبوزو وان شاء الله تقولولى انه بقى زى الفل ورجع يطلع عينيكى تانى وساعتها هافرح فيكى على فكره علشان كده معناها انه الحمد لله كويس
ربنا يعينك عليه ياحبيبتى وميوركيش فيه شر ابدااااا ويحفظ كل اطفالنا واطفال المسلمين من كل سوء
ويرفع عنا الوباء والبلاء والغلاء ياااااااااااااااارب
اللهم امين
الروابط المفضلة