السلام عليكم اخواتى
انا ليا طلب عندكم
وهو ممكن لو تسمحوا تطلوا على صفحتى من وقت لاخر وبصفة متقاربة بحيث يكون دخولكم ليها الترحم على فقيدى والدعاء له دوما
وبالصلاة على نبينا محمد عليه الصلاة والسلام
فقيدى يحى
كأنه بالامس غادرنا
رمضان السنة له ثالث رمضان لا يحضره معنا ومع اهلى احبائى
تعرفوا اخر رمضان ليا انا معاه بالاخص لانى بعدها سافرت وتغربت
وكأنى حاسة بانه راح يرحل عننا
عملت له عزومة خاصة فيه وعملت كل الاكل اللى بيحبه
وكان ياعينى عليه سعيد
هو دايما سعيد بس بيومها كان يا الله على يحى
يوم سفرى
الوحيد ما تركنى من بين احضانه
وكان بيشهق من زعله لسفرى
وياعينى تقولوا كان عارف انها اخر مرة اشوفه فيها
ولاخر لحظة وهو ماسكنى ويقولى لا اطولى الغيبة
حنشتاق لك
وقبل رحيله من الدنيا بيوم
كان يكلمنى عالماسنجر وانا مو موجودة
يعنى تركلى رسالة يقولى
كلمينى انا خلاص مشتاقلك موت
خلاص ارجعى
وياقسوة قلبى
ما كنت اعرف انه كان بيودعنى
هو وبس حبيبى
هو وبس كيانى
هو ولا غيره احد كان مالى عليا الدنيا
بسمة وبهجة
حبيبى كان بيضحكنى ومالى نفس اضحك
كان بيدلعنى بيفسحنى بينور الدنيا فى عينى
كان كل شى هو يحى
يارب ارحمه واغفر له واسكنه بجوار النبى عليه الصلاة والسلام
يارب يارب يارب
الروابط المفضلة