فقدتهم قبل ما افرح بضحكة حد فيهم
قبل ما يقولولي يا ماما
الكلمة اللي عشت طول عمري احلم بيها حتي وانا طفلة
وحشتوني اوي اوي يا اولادي
والله لسة مش ناسية حتي حركتهم في بطني مش ناسية قاعدتهم علي رجلي وانا برضعهم مش قادرة انساهم رغم ان مر علي موت انس سنة ونص بس فاكرة حركتة في بطني كانها امبارح
انا عارفة انة قضاء ربنا بس انا ام ام ام حملت تسع شهور وولدت ورضعت وفي الاخر اتقهرت علي بعدهم عني
لما بشوف اطفال في سنهم بخاف عليهم
بخاف لامهاتهم تخاف مني علي اولادهم حاسة اني يتيمة برغم وجود امي وابويا ربنا يحفظهم
حاسة اني وحيدة بالرغم من وجود كل الناس حواليا
بعد ما كنت مشغولة ببنتي كل الوقت دلوقتي بقيت فااااااضية من غير اي لازمة
حاسة اني في حاجة نقصاني روحي رايحة مني
انا شفت احزان كبرتني ثلاثين سنة
انا عمري 22 سنة حاسة اني بقلب وحزن سيدة عندها 50 سنة
كنت اكتر واحدة بالها طويل علي كل اللي حواليها
دلوقتي حاسة اني خلقي بقي ضيق ومش طايقة كلمة من حد
اعزروني طولت عليكم بس نفسي افضفض
اللي راحو مني ثمرة فؤادي زي ما قال رب العزة هو عندة العوض
يارب الهمني الصبر علي فراقهم
حاسة اني كل لما اولد طفل هفرح بية شوية وبعدين يروح مني
نفسي طفلي يكبر بين ايدي اعلمة المشي والكلام ااكلة افرح بكلمة ماما
يارب عوضني عن فراقهم خير يارب
ان القلب ليحزن وان العين لتدمع وانا لفراقك يا جنة لمحزونون
ان القلب ليحزن والعين لتدمع وانا لفراقك يا انس لمحزونون
ولا نقول الا مايرضي الله
انا لله وانا الية راجعون اللهم اجرني في مصيبتي واخلفني خيرا منها
......................
ولدي كان حبيبي ورجائي وحياتي
ولدي كان أبي... كان أخي... بل كان ذاتي
كان لي تاجاً على رأسي كتاج الملكات
كان إلهامي وإبداعي وأحلى أغنياتي
شاعرياً وندياً كأرق النسمات
وعطوفاً وأبياً وكريم اللفتات
ولدي كان سنى عيني وحلمي في سباتي
ومتاعي في وجودي ودعائي في صلاتي
(انس)
...............
دعينا وارحلي كالشمس
أطيافاً وألواناً
دعينا نلثم التذكار
ألعاباً وأحزاناً
ونزرع في خريف الحزن
أوراقاً وأغصاناً
دعينا وامرحي في الخلد
أسماعاً وأجفانا
فوعد الله جنته
زهت روحاً وريحانا
(جنة)
..........
الروابط المفضلة