اول شي غداً زوارتي
الاربعاء 19 نوفمبر الموافق 21 ذي القعده
يعني باقي على الزواره اليوم
وامس اخر الليل اتصلت علي الطقاقه واعتذرت عن الحضور تقول عندها حالة وفاة
الله يرحم ميتهم ويغفر له ويسكنه فسيح جناته
هذا ظرف محد يقدر يجبرها على الحضور
والحمدلله ماهو احد من اهلي ولا من اهل زوجي
الحمدلله على كل حال
الوفاة تقول كانت الاثنين واليوم الثلاثاء وبكره الاربعاء
يوم زوارتي
بنات متوهقه مدري وين اروح
والمشكله ما خليت احد ماقلت له عندي الطقاقه فلانه وتجنن وتهبل
وانا ما سويت يا بنات زواج
يعني هذي فرحتي
انا تقريبا ما حطيت هالزواره الا علشان انبسط فيها
وجبت هالطقاقه بسعر غالي شوي علشان مالي الا هالفرحه في العمر
والحين توهقت
ايه توهقت بكره الزواره ولا فيه طقاقه
بنات
دبروني ابي طقاقه بدون اورج طقها حلو ومستواها كويس باي سعر كانت مو مهم المهم اني ما اتنكد بكره ولا اتفشل عند الناس اللي عازمتهم
وعلى فكره اللي انا حاجزتها قالت لي انا بشوف ظروفي بس احتمال ما اجي بس لو ما جيت برسل لك وحده بدالي
وانا اخاف تجيب لي وحده خايسه وتوهقني
ادعوا لي الله يكتب لي اللي فيه الخير
ويسهل امري ولا ينكد علي ولا عليكم بشر
وتمشي الامور زي ما ابي
يااااااااااااااااااااااارب
الروابط المفضلة