..الــســلآم عليــكــم ..
كيف الحــآل وش لونكم وش مسوين < المعنى واحد ..!!
وقصم إني مشتاقتن لكم شوقن مهوب طبيعي
منذو مبطي وأنا مانيب أجي فيذآ لاعــآد التسذب خيبه أجي بس ماطول.!
موب بيدي ترى أنا ماودي < أحلفي ؟! بس أم قتيبه حدتن على هالشي
هع أتخيل
أم قتيبه طايرتن بوهته
هع هع
\
/
الموهيم:: مابي كثر الحتسي اللي مايودي ولا حتى يجيب
بقول لكم السولافه من طق طق لما السلآم عليكوو < توس تقولين ماحب الحتسي ..!!
مالكم شغل بهرج موب موضوعي وش دخلكم يالله منــآك ولا كلمه
هذآ الله مير يسلمكم ويسمنكم مرتن من المرارير كعادتي اليوميه أحووس بين
حنــآيآ الأركــان < لاحظو حنــآيآ متعوب عليه وربي
بهدوء ووش حليلي
فجــأه
طلع لي إشعار أنه أتت لي روساله مير أنقز من الفرحه < موب عادته تجيه رسايل.؟
رحت (دويس)= لغير الناطقين بالقصمنجيه يعني (سريع سريع)
المهم دويس للوارد وأثره روساله من أم قتيبه
ردت على رسالتي اللي ارسلته له < وشي؟ مهوب لازم تعرفون أتركو الشرافه أنتي وياها
الموهيم: تقول فيها وش رايتس نسوي مقلب< أنا من قريت (مقلب) دورون ماتلقونن طوالي قلت أيه هع
\
طبعآ أكيد وافقت مهبوله ماأوافق {حاقه كويسه قت لعندي أأولها لاء}
حددنا الضحايا كان عددهم أمممم 5 حبآت يؤ أقصد نفر< كحلتيه يقالتس يالشينه
طبعآ بدينا أو بالأصح (أستفتحنا) مقلبنا
بـ
بـ
بـ
بـ < موب بتله
¶°…°«¸ دآنــــــة جـــــــدهـ ¸»°…°¶
طبعا ماتعرفون وش أرسلت لدنو تبون تعرفون دحدرو تحت بالدووور أنتي وياها لاتدفون
.. السلآم عليكم ..
كيف الحــآل ..
الصرآحه أم قتيبه قالت لي إنك رفضتي الموضوع اللي طرحته عليه ..!
أبعرف سبب رفضك له يعني المفروض إن لاقررت مشرفه تكونون معه موب كل وحده بصوب ؟؟
وأنا الموضوع اللي حبيت أسويه كله عشان أبي القسم ينشط ويكون فيه روح..
بس بصراحه رفضك أحبطني وااجد
ماتوقعتك ترفضين
أكسر الخاطر أنا
ماجلست شي إلا ردت( دنو)
وكان محتوى ردها لي:
\
/
وعليكم السلااام
ياهلاااا وغلااا بالقمرررر
كيفك ؟
انا ولله الحمد بخيرر
وش فيك يااقمر داخلة عررض
والله ماني فاهمة عن ايش تتكلمي بالضبط
ممكن تفهميني
انا رافضة اي موضوع ؟
لان اي مشرفة
لااا يمكن ترفض موضوع الا لوجود اسباب
سلااامتك من الاحباط
وسوري
سببت لك احباط وانا والله ما ادري
انتظر ردك
ـخـخخخخخـ مآآش ماجآزلي رده أحسه (بارده) ماعصبت
سفهته أنا مارديت عليه !!
دنو طوالي طبعا راحت لأم قت قت وقالت له اللي صار قالت أم قت قت هذي تبي تفرق بينا
يعني أنكرت معرفة أي شي هع
ماقعدت شوي إلأ جتن روساله من
(دنو)
وكان محتواها
\
/
صوصو ياقلبي
فكرت في الموضوع اللي تقصده مالقيت اي موضوع انا رفضته وام قتيبة موافقة عليه لانننننننا دائما كلمتنا وحدة
ممكن تقوليلي الموضوع
اكيد اذا ام قتيبة قالت فهي ماتقصد اللي انت فهمتيه
انتظر ردك
طبعآ من قريت روسالته رجعت أستشير شريكتي وش ارد عليها قالت قولي لها كذآ وكذآ
طبعا أكيد ماتدرون وشو كذآ وكذآ < وش رايتس !!
شوفو ازين وشو هالكذآ وكذآ هع
/
\
والله انكم مشرفات آخر زمن
هذي تقول مدري والثانيه تقول مدري...!!
أجل من يدري الإداره ؟؟
الرد قوي كان بس أحسن
عشان يمشي المقلب هههههه
بعدين أرسلت( دنو)
رساله كان محتواها:
ههههههههههههههههههههههههههههههههههههههههه
والله ردك ضحكني بصرااااااااااااااااااااحة
اللي تعرف خالتي ام زوجي
هع هع هع هع هع
تبين الصدز
(دنو) مافهمت من الرساله الا الضحكه اما الباقي
مدري هو خطاآ منك أو دباشتن فيني
طبعا لما قريت روسالته قلت ماعلي ذي ماعنده نيه تعصب لازم ابين له إني صادزه موب وقت ضحك!!فا سويت حالي معصبه وماشوف قدامي وارسلت له رساله
هع يقالي (
معسبه قوووه )
بعدين أرسلت < وربي أرهقتنا دنو بالمووت عصبت كله منتس أم قت قت وشوله تختارينه تووبه أقوله شي الأخت ثلاجه تبريد عالي
محتوى رسالته كان
اقول صوص
حااسة انك تبي تكفخيني
اذكري الله وصلي على النبى وقولي ايش الموضوع بالضبط
تبين الصدز موب أكفختس بس نبي نلعب ( مليحق) همن أحبشتس همن أشوتس < مشوار
بس اخيرآ وبعد عناء وجهد وتفكير وتفحيط حسيت أنه عصبت وأخذت الكلام جد يعني خلاص وصلنا للي نبيه سفهناه وبقوووه بعد
دنو احبتس وربي دوتس
وأكلتي المقلب هوووووووع إلى باتسر
\
/
نجي للضحيه التاليه تبون تدرون منهي طسو تحت:
▼▬█░▇▆▅▄ لمــيس الجـــزائر ▃▅▆▇░█▬▼
أكيد تبي تعرفون وشي الروساله اللي ارسلته خبري بكم الشرافه بدمكم < علمي روحتس!!
\
.. السلآم عليكم ..
الصرآحه كنت حابه أشترك معاكي في موضوعبس أم قتـيـبـه قالت لي إنك رفضتي تشتركين معاي .!
ممكن اعرف السبب..!
واصلك عني كلام ..!
والله ماتوقعتك كذآ .!
أن اخترتك يوم شفت مواضيعك الرائعه .!
بس خســاره ماكنتي زي ماتوقعتك
للأسف الشديد
خشيت مقلعه عليه هع الرساله قووويه مآآآره
بس ترى السالفه لا به موضوع ولا هم يحزنون
لزوم المقلب يعني
فجــأءه ردت
( لموووسه)
ارسلت روساله يقول مطلعها < وين حنا فيه
وعليييييييييييييكم السلاااااااااااام
هلا هلا هلا و كراااتين حلا بالغلاااا صووووص
نوورتي بريدي ياااا عمري
كيفك؟؟
هااااااااااااااه و ش اللي اشوووفه ياااا صوص
ماافهمت شيء انا
واي موووضوع و ربي مااااقالتلي ام قتقت
ههههههههههههههه صووووووووص اعترفي تمزحين معي صح
يشرفني تعملي معي موووزوووع يالغلا
بس ليش ماقلتيلي انا مباشرة
خخخخ
صوص انتظرك حبيبتي تردي عني؟؟
مآآش هالبنت ذهينه تلقطه وهي طايره ماشاء الله
ماارسلت له شي همن أرسلت رساله تقول :
صوووووووووووووص قاعدة انتظر ردك خيتووووو
فهميني وربي ماني فاهمة شيء
وليش تسويين كذا صوص ادري ام قتيبة ماتسويها انها تقلك كذا
ابغى افهم بس
انتظرك صووووص بالله عليكي تردي
طبعا بعد مشاورات عديده بيني وبين شريكتي الموقره
ووصلنا إلى قرار نهائي وأجرامي بحد ذاته أنه (
نعطيها الخامس)
خلصنا من( لموووسه)
\
/
نجي للضحيه الثالثه :
இǁ҈ǁ‾−ـ‗_ǁ| ﺃ̲̿نــيــن الأمــــه̲̿̿|ǁ_‗ـ−‾ǁ҈ǁஇ
ارسلت له بصراحه رساله قووويه شوفو :
/
.. السلآم عليكم ..
كيف الحــآل ..
بصرآآحه شفت شي بمواضيعك وحبيت أقولك عليه اللي ألاحظه أنك تكتبين المواضيع على إنها منك وهي بالأساس مو منك لأني بحثت عنها وحصلتها بمنتديات اخرى..!! بصراحه كنت أبي أقووول للإداره والمشرفاات على قسم الفيض ..لأنه اللي انا اعرفه انه مايجووز أنك تنسبين المواضيع لك وهي موب لتس أصلآ .. بس قبل قلت بأخذ رأيك لأاني انا بطلع من المنتدى بس قلت خليني اخربها واعدل اللي كنت أشوفه غلط ..!! لأنو بصراحه إنصدمت لمن شفت المواضيع بمنتديات ثانيه ؟
لاأخفي عليكم إني كدت آكل أظافري ندمآ على تلك الحروف القاسيه
لاكن يالله معليش أنونه كم مره نبي نسوي مقلب هالمره وبث
ردت علي:
::::::::::::
صوص الغاليه !
يااهلاً بالحبيبة أهلاً وأهلاً أنرتِ واردي ياغاليه .. سعيدة بحروفك
رغم أني كنت أتمنى أن تكون أول رسالة اتلقاها مِنكِ ليست كذا
لكن لامشكله المهم أني تشرفت بهطولِ حروفكِ على مرج بريدي ..
أمممممممممممممم
بالنسبة لفحوى موضوعكِ فاأقسم لكِ بإني لاأعلم بِما أرد !
أأصمت وارضى بقسوة اتهامكِ ؟ والذي كان جارحاً لقلبي وربي ..
أم أشكركِ لأنكِ أهديتيني ألماً ؟
أم ماذا ! بِحق مصعوقه وربي !
عموماً ..
صحيح خواطري منقوله كثيراً في المنتديات وأعلم أنا بذلك فدائِماً وبعد كل فترة وأخرى أبحث عنها في قوقل لأراها وقد خطفت مني وسُلبت ! بكل وقاحه وجرأة .. فأرمقها بحزن ! ولكني أصمت كتماً للغيض وعملاً بنصيحة إحدى أخياتي هنا جعلتُ فِداها
::
ثم أيعني كون خواطري مسروقه بإنها ليس بقلمي وأني أنا من سرقتها والعياذ بالله !
أتتهمين أخيتكِ بالسرقه ! السرقه ! السرقه ياصوص ! وخصوصاً السرقه الأدبيه والتي امقتها وأحتقر فاعليها
/
/
وتقولين كنتِ ستقولين للإدارة والمشرفات !
يالله الهذا الحد وصل بكِ الاتهام !
أتبينتِ قبل أن ترمين أخية مسلمة لكِ ؟
اليس يقول جل وعلا ( فتبينوا )
بربكِ أترضين أن تلصقين بي تهمة أنا منها براء !
أشققتِ عن قلبي ؟ ألديكِ دليل ؟
يالله ياصوص ! قسوتِ قسوتِ ..
:
:
وتقولين بإنه لايجوز أن أنسب لنفسي ماليس لي !
أتظنين بإني لاعلم عن هذا !
وهل فعلتها حتى تنبهينني !
لا وألف لا فأنا أنزه نفسي عن نسبِ ماليس لي لنفسي .. وأُشهد ربي على ذلك ْ
وأقول
( بإن أي خاطرة كتبتها ) فهي لي وبمشاعري ولن أحلل لصوص خواطري !
ثم ياغاليه ..
لكلِ منا أسلوب يخصه ويتميز به ويفرقه عن الآخرين .. وأسلوبي في كتاباتي لايختلف ..
فهي كلها تحمل ذات الأسلوب ولكِ أن تقرئيها وتلاحظي ..
سؤال آخر ؟
لم لمْ تنصفي ؟ أين العدل ياحبيبة ؟
أتهمتيني بسرقة خواطري ؟
ولمَ لم تتهميهم هم ؟ أو على الأقل تبقين على شك ؟ أهي لي أم لهم ؟ إما أن ترمين سهام الأتهام علي ! فوالله أني تألمت كثيراً ..
( يعلم الله بِما أصاب قلبي يوم قريت رسالتك )
الله يسامحكـ
(( همسه ))
رغم الألم الي أصابني إلاأن صراحتك أسعدتني
/
أنتظر ردكـ صوصتي
أهئ أهئ أهئ
وش تنتظرين لي وجه أرد عليتس.!!
لاتعلمين إني كدت أبتسي بتسيآ مبرحــآ لامحاله بعد رؤيتي لرسالتك القاسيه
نعم قاسيه أأتت بكِ الجرئه أن تدعيني أدحدر دموعي ..!!
يالالكِ من وحشه نعم وحشه ومتوحشه أيضآ < بوه فرق ..!
هيا أنزلعي ولا عاد تحاتسينني يامجرمه < كيفي بهرج زيه لاتشرهين أنونه بس بقلدتس
لا عاد الصدز
أنونه رسالتس قويه ترى وترى كل اللي ورد وكتب بالروساله مجرد حروف يعني موب من انا وربي ويخسآ الي يقول عنتس هالهرج هاتيه أكوفنه لتس
ياحبي لتس لاتزعلين ترآه
(مزوح تجي وتروح)
دوتس
طبعا ماأرسلت له شي لأنه كافي ماقلت أنا وخشتي يعني خلصنا من
أنونه
\
/
اللي بعدو طنقش طنقش عاد هالمره أم قت قت اللي أرسلت بس أنا اللي أخترت شوفو من الرابعه
₪ΔЖنــــاني أنا ЖΔ₪
طبعا أخترته لأن مطري هالبنت أحوبها ولأنه علطوول تصدق < هذا المطلوب هع هع
أرسلت له أم قت قت روساله شوفو وشي :
\
السلام عليكم ورحمة الله وبركاته
مرحباً عزيزتي ناني
نظراً لنقلكي للمواضيع دون كتابة منقول !1
أو ردودكي على بعض العضوات !!
أنبهكي بالأبتعاد عن هذه الأمور
وإلا سوف يتم توقيفك
بأنتظار ردك وبسرعه
ايه عاشت أم قت قت ياقويه
ردت ناني تقوول :
/
وعليكم السلام ورحمة الله وبركاته
أولاً : أهلا وسهلا مشرفتنا أم قتيبه نورتي البريد الوارد
ثانياً : يا أم قتيبه أنا إذا وضعت موضوع أكتب انه منقول وأذا ما وضعت كلمة منقول في نهاية الموضوع أكون قد أشرت في بداية الموضوع إلى أنه منقووول
ثالثاً : فضلاً لا أمراً أعطيني أمثلة لمواضيعي التي لم أذكر أنها منقوله ,,
رابعاً : بالنسبه لردودي للعضوات مافهمت وش فيها ردودي ,, يعني هل تجاوزت حدودي مع احد لاسمح الله أو اخطيت بحق أحد ؟؟
معليش أنا للآن مافهمت وش هي الأمور اللي تبيني ابتعد عنها
أم قتيبه أرجووووووكي أبي رد الحين ,,,,,,,,,
خخخخخخخ أحس ناني ساعتها تنحت
بس أحسن هع هع
سوووري قووه ناني مالقيت أحد غيرتس قدامي ياعــ س ـــل ..
طبعا ماردت عليها أم قت قت سفهناها.
\
/
نجي للضحيه الخامسه والأخيره قهــــر شوفو من هي :
اْई‾־־−ـ…_‗ـ•ֺالــغــــــلآ كـــلــــهֺ•ـ‗_…ـ−־־‾ई
طبعا أرسلت له أم قت قت نفس رسالة
ناني بس غيرت الأسم هاااو
ماخبرتس عجاازه هيييك يأم قت قت
كان رد (الغلا كله):
الســـلام عليكم ورحمة الله وبركاته
هلا فيك أم قتيبه
أنا أكتب مواضيع بدون منقول..!!
سـا محكِ الله وغفر لكِ
ياليت تجيبين لي موضوع واحد بس من مواضيعي منقوله
كل اللي نزلته من قلمي ياغاليه
...
ربمــا لبس في الموضوع..
أتمنى ذلك
طبعا ماردينا عليها عشان تعسسسب
مير ترسل روساله شوفوها:
أتمنـــى إفـــــــــادتي
وضح اللبـــــــــــس غاليتي ...؟!
/
\أم هنا ك شي مــا.!!
لا لبس ولا فصخ الموزوع فبركه ياحيي أكلتي المقلب
هع ماردت عليها برضو
وهنا نكون قد وصلنا إلى ختآم ضحايانا يؤ أقصد موضوعنا
والدعوه مزح ترى لحد ياخذ بخاطره خصوصآ أنونه ..!!
وتعيشوون وتاكلون غيرها إن شاء الله .
\
/
كانت معكم محدثتكم من أرض الحدث
:,: صوص:,: < ياحبي لي وه بص
فكرة: أم قت قت
التنفيذ: أم قت قت / صوص
السيناريو والحوار : < مدري وشو بس أكيد أنا وأم قت قت
الإخـــرآج: بوه غيري أنا < طسي بس!
الروابط المفضلة