السلام عليكم و رحمة الله و بركاته
.
.
.
. . . ( اختناق ) . . .
. . صديقتي . .
،
لي معاها 5 سنين ..
كنا أقرب من أي شي ..
كانوا دايما لما يبون يعبرون عن معاني الصداقة الحقيقة يأشرون علينا ..
كنا نتشارك في كل شي حلو ..
كانت سعادتنا أكبر من أي شي ..
كنا دايماً نملي المكان اللي نروح له ضحك و فرح و سعادة و وناسة ..
كنا غير عن كل الصديقات ..
ما عمرنا زعلنا من بعض ..
و لا عمرنا تضايقنا من بعض ..
و لا عمرنا ابتعدنا عن بعض ..
...
في المدرسة ، كنا كل سنة سبحان الله نطلع في نفس الصف ..
كأنه حتى مدرساتنا يدرون بمحبتنا اللي مالها حدود و ما يبون يبعدونا عن بعض عن بعض ..
كنا ندرس مع بعض ..
و نتفوق في دراستنا مع بعض ..
و نفرح بتفوقنا مع بعض ..
حتى كنا نتشاغب في المدرسة مع بعض ..
و نتعاقب مع بعض ..
و نضحك لما يعاقبونا و نفرح ، لأننا مع بعض ..
كانت نشاطاتنا اللي نشترك فيها بالمدرسة مثل بعض و مع بعض ..
ما كنا نحب العطلة رغم ان الكل يعشقها و ينتظرها .. لأنها كانت تبعدنا شوي عن بعض ، رغم اننا كنا نلتقي فيها و رغم ان النوادي اللي اشتركنا فيها كنا فيها مع بعض ..
كانت أحلامنا مثل بعضنا ..
أمانينا مثل بعضنا ...
و أهدافنا .. نفس بعض ..
حتى هواياتنا مثل بعض و نمارسها مع بعض ..
حتى طلعاتنا .. روحاتنا و جياتنا .. مع بعض .. !
سوالفنا مثل بعض ..
و الألوان اللي نحبها مثل بعض ..
و الاماكن اللي نستمتع فيها ، نفسها ..
كنا غــــيــــر .. غـــــيــــر ... غـــيــــر ..
ما كان في أحد مثلنا ..
الكل لاحظ ترابطنا و تماسكنا في بعض ..
خصوصا انه محبتنا ما كانت زايدة عن حدها ..
كنا فعلا مرتبطين بـ بعض ..
إن كان أحد يبي وحدة منا ، يلقاها مع الثانية ..
كنا متلازمين طول الوقت ..
كنا فعلا غيييييييير !!
ماكان في أحد مثلنا
.
.
.
[ و فجأة ]
و بعد 5 سنوات من المحبة و الصداقة و السعادة ..
بعد 5 سنوات من التلازم و الإرتباط و الوفاء ..
بعد 5 سنوات من الذكريات الجميلة الحلوة ..
تفرقنا ... !!!
و يا قلبي آه !
نمر عند بعضنا ..
نناظر بعضنا ..
تلتقي النظرات ..
و كل وحدة تكمل طريقها ..
و لا كأن 5 سنوات من المحبة و الصداقة جمعتنا في يوم من الايام .. !
و لا كأن معظم ذكريات حياتنا كانت مع بعضنا و تشاركناها مع بعض .. !
حتى كلمة الـ ( سلام ) ما عاد نتبادلها .. !
.......
أسوأ شي ، إني مضطرة أشوفها كل يوم ..
أناظرها .. و تجيني ذكرياااااااااااااااااااااااااااااااااااااااااااااا اااات ..
و أحس فيني بكي ..
بس ما أبكي .. ما ذرفت عليها و لا دمعة .. !
،
ليش ؟
و شلون ؟
و شنو صار ؟
أسئلة وجيهة ..
لكن للأسف الإجابة تافهة ، و مرررررررررررررة .. !
يصعب علي أتخيل إن السبب اللي فرقنا هو فعلا السبب الوحيد !!!
ما راح أذكر السبب ..
حفظاً لسمعتها ..
لكني رضيت ببعدها .. و تخليها عني فجأة ..
و قرارها المفاجىء بأن الفراق هو أحسن شي لنا ..
لأن أفكارنا تغيرت .. و مبادئنا اختلفت ..
يمكن اني ما اعترضت عليه .. لكن سكوتي ما سمح لي أوافق عليه !
لكني رضيت ببعدها لأني أحب الله أكثر .. !
و اللي يعرف سبب فراقنا .. بيفهم .. !
يارب ، اغفر لها .. !
و اهدها يارب ..
و وفقها لما تحب و ترضى ..
و يااارب ، أعِدنا كما كُنا .. !
[ مجرد فضفضة ، و تنفيس عن ضيق احتل فؤادي ]
و الــســلام .. ،
[ يمكن الفيض أنسب للموضوع ، لكني ما حبيت يكون في فيضنا شي بغير الفصحى ]
الروابط المفضلة