بالنسبة للعادات والتفاليد والله مشكلة بالاعراس وبالاتراح وبكل شي عادات وعادات...

طيب شو رايكم بالصالون العروس كان 150 قبل 3 سنين وهلا 250 هذا باربد وبعمان اغلى واغلى ..
طيب دخيلك شو بتعمل العروس غير التسريحة والمكياج وقال شو مكباج من ديور و من ايف سان لوران.. بلا كذب عاد مهو من سو ق البخارية بليرة تقليد بتخوتوا عالناس ولا شو ؟؟ شو رايكم انتوا؟؟

والله انك صادقة
وبالعزا خصوصي. بتعرفي.. انا ما بهضم فكرة حضور الناس على اهل الميت من اول ما ييجي الخبر او اول يومين.. يعني اكيد بكونو بحالة كتير صعبة، يا دوب بدهم يستوعبو الصدمة، وشوي يهدو، يعني شو المنطق انه الكل ييجي وهات تعبيط وتبويس والواحد مش طايق حاله.. انا بالعادة، وبعد 100 ترجاية من اهلي، بروح 3 يوم.

بالنسبة للاعراس، احنا عائلتنا بيعملو بالعادة سهرة واحدة، بس بتكون حلوة كتير، وبعدين العرس وبكون فيه عشا او ما بكون ، فبكون الغدا تاني يوم.. اجمالاً بنبسط بالاعراس لانها مش كتيرة بعائلتنا
بالنسبة لعائلة زوجي، عندهم اشي غريب.. يعني انا لهلأ ما حضرت اي تجمع اجتماعي بخص اهل زوجي. مع انه صار في اعراس وعزايات، بس عادتهم انه الوالدين هم يلي بسدو، مع اني مرات بحب احضر حفلات اهل اربد. النا قرايب بكفر سوم، حفلاتهم بتجنن وبتختلف كتير عن طبع حفلات عائلتنا.

اهلا كوكو كيفك؟؟؟؟؟؟؟
وكيفها الامورة جنى؟؟

والله العادات مقرفة جدا يعني في اشياء ممكن تنهضم واشياء مستحيل نهضمها

وبالنسبة للصالونات كلامك سليم صحيح الغلا شي متوقع بس وين الضمان انه الميك اب اصلي
ويا ترى فيهم يضمنوا انها العروس تدفع الفلوس وتطلع حلوة؟؟؟

انا عكسك ام فارس بموت ولا اروح احضر حفلة حنا او تعاليل قبل العرس
السنة الماضية رحت حضرت حفلة ابن خالتي والله انجلطت ما هضمت فكرة انه العريس يتحنى
وصاروا يغنوله وخالتي تبكي
شو هو بنت لتبكي عليه؟؟؟؟؟؟؟؟؟

المهم الاسبوع الجاي حفلة ابن خالتي التاني ومن هلا هوشات انا وامي ما بدي اروح

اصلا انا بكره حفلات البيوت بحب الصالات اوسع وابرد وانضف

وما تحكوا عن حفلات الخطبة بالبيوت خاصة لما يكون العريس من جهتك وتروحي على بيت ناس غرب

ما تخلوني ابلش ترى انا كتير منقهرة من هالمواضيع

كل الحب مزيوط يلي بتحكي..
بالنسبة لعمان، اخر علمي وقت عرسي قبل 4 سنين، وفعلاً كان الاجرة 270 دينار. وعلى فكرة انا بلاحظ باربد انه العروس لازم تشتري او تخيط فستان العرس، واهل زوجي وقتها انه لازم اشتري واحد لانه كل سلفاتي اشترو. ما رضيت لانه لهلأ بحس انو حكي فاضي. استأجرت من وحدة ارمنية بعمان وكانت الاجرة 150، وكان فستان رااااااائع.. مع انه الاجرة العادية بعمان ما بتقل عن 250 اذا كان مستعمل، اما اذا جديد، من 400 وطالع.. (انا عمن بحكي عن المحلات المرتبة)
وفستاني كان احلى فستان، مع انه سلفاتي اقل اشي كلف 700 خياطة

احنا ما عنا عادة الحنة. يعني حفلة رقص وهيك.. وكل اعراسنا بعملوها بقاعات. هيك العادة لانه ما في بيوت بعمان بتوسع عرس ولشو يتبهدل البيت، القاعات بضلها افضل بكتير من هاي الناحية، يعني قديش بيعدو ينضفو البيت بعد العرس؟ اذا زيارة على الماشي بتبهدل البيت

هلا ما عاد فيه هيك اسعار
فساتين الاعراس صارت كتير غالية خاصة ازا بدك فستان مرتب ما تحسيه معلوك علك من كتر الاستعمال واللبس
وبعدين انا بتوقع الخياطة بدها اكتر من 700 ازا الفستان بده يطلع مرتب

ولشو الخياطة مهو لبسة مرة وحدة وبعدين عالخرانة فاحسن شي الاجار بس اكيد شي مرتب

والله العظيم يا ام فارس من شهرين رحنا حضرنا خطبة ابن خالتي ببيت الخطيبة
طبعا لما دخلنا على البيت ما نحنا ضيوف ما قام حدا رحب فينا ولا حدا قام قعدنا من اهل العروس وضلينا طول الحفلة واقفين برا البيت لانه ما النا مكان جوا
وبعد بساعة لما صحلنا ندخل نبارك لابن خالتي وخطيبته لقيناهم جوا قاعدين بنضفوا وبزيحوا بالناس شمال ويمين
يعني طردونا طرد من البيت
انه شو صار لو استنوا لحد ما روحنا وقعدوا ينضفوا

اشي بيقهر بصراحة

بتعرفي ام فارس عم بستغرب بس اللي بعرفه انه اهل اربد اغلبهم بيستاجروا يا من اربد يا من عمان .. بس قلال اللي بشتروا..
طبعا لا ضمان المكياج ولا ما يحزنزن انا مرة صار معي موقف وقت الجاهة رحت صالون قبل بكم يوم وقلت عندي حفلة وبدي ارفع شعري واعمل ميك اب بكم؟ حكولي ب 25 قلت اوكي وحجزت ..
لما رحت وبدو يعملولي التسريحة فاتت وحدة من صديقاتي بالصدفة وقالت يييي العروس مبروووووك
ولما اجيت بدي ادفع حكو انت ما حكيتي انك عروس لانه مكياج وتسؤيحة عروس عنا ب 75 دينار .. طبعا هم عملوا تسريحة ومكياج عادي بس الاسم او السمع سمعوا انه عروووس قرروا يغلو.. طبعا انا دفعت بس 25 ع الاتفا... شو رايكم؟؟؟

والله قوقو شي عجيب وغريب ...

صح مافي هيك اسعار .. بقولوا باربد الايجار صار ب 500