كتبت بواسطة تاج النساء

صباحو بنات انا رجعت
بع عليكووووووووووووووووووووووووو

واخيراً تاججججج كيفك وشو اخبارك نورتي الدردشة بد الغياب.. نشالله كل شي تمام معك؟

كتبت بواسطة فيوليتا

تاااااااااااااااااااااااااج وينك خية ( على قولتك !!!!)
والله فقدناك كتير كتير
كل يوم بنقول وين مدام بالدوين عنا ؟
ام فارس عن شو بتحبي نحكي ما عنا مانع بس مش تقومي ما تطلي علينا اليوم ؟؟
ا

اهلا فيثكي اكتر
ولو.. انا ما اطل؟ انشالله رح اضل متابعة حسب ما بقدر.. بالنسبة للموضوع اختارو وانا جاهزة، حسب ميولكم

اهلين ام فارس خلصت شغلك والطبخ ؟ ما قلتي لنا شو بدك تحكي عن اي موضوع

هلا ام فارس
بستأذن الى السرير سر النوممممممممممممممممممممممممممممم م م م

صباح الخير جميعا كيفكم ان شالله بخير
يســـــــــــلمو ام فارس على الدردشة الجديدة

واهلا وسهلا بمدام اليك بالدوين والله الك وحشة بكرا لما تسافري ضلي طلطلي علينا كل شوي مو تقطعينا نهائي
ما بتشوفينا غير جايينك غارة على جرش ولا عجلون

اهلا فيكم كلكم .. كيفك قوية الارادة...
عندي اقتراح لموضوع...
كيف بتحسو عاداتنا وتقاليدنا الاردنية بتأثر بحياتكم..
يعني شو هو تاثيرها الجيد وشو هو تأثيرها السلبي عليكم

اهلا ام فارس
انا تمام الحمد لله انت كيفك اليوم
الجو كتير حلو اليوم ورايق وبراد
الحمد لله الي خلصت موجة الحم على خير

عاداتنا وتقاليدنا بحسها عم تتلاشى مع الوقت
حتى جيلنا والجيل الي طالع هلا عم بحاول عمدا انه يكسر هادي العادات والتقاليد
يعني انا شخصيا بكون مقتنعة بشغلة بدي اعملها بتيجي امي بتقولي منيح لانه هيك العادات ببطل فورا

صحيح في عادات وتقاليد بتنفرض على الواحد وما في يتملص منها نظرا لانه مجتمعنا مجتمع عشائري قبلي وبعده بيهتم بامور العشيرة
بس في عادات اندثرت وما عاد التمسك فيها شي مهم<<<طبعا من وجهة نظر الجيل الجديد وهون اكتر نقطة بتخلق خلاف بين الاجيال

المهم بالنهاية هاد بيعتمد على الشخص نفسه اذا هو بيسمح انها هالعادات تاثر فيه ايجابا وسلبا انا هيك رايي

حلو..
طب شو هو اكتر شي بدايقك من العادات؟

اكتر شي بدايق منه هي العادات وقت الاعراس ووقت العزاءات
كتير بنجن من هادي العادات يعني الواحد ما فيه يكون على طبيعته ابدا
طيب انا بحب اروح يوم العرس ما بحب ليالي الحنا والتعليلة وما بعرف شو<<<<بتيجي امي تقلي العادات والتقاليد

العزاءات ما بحب حضورها وملا بحب سوالف النسوان هناك ولا عم بهضم فكرة انه يقدموا غدايات وعشايات بوقت الحزن
انا بحب بعد العزا ازا الشخص عزيز علي بروح بعزيه ببيته على رواق
وازا مو هالمعرفة الكبيرة تلفون بكفي
ولما احكي لامي هالحكي بتطلعلي بقصة العادات والتقاليد

اختي قبل اسبوع اشترت سيارة وامي عملت مشكلة طويلة عريضة انه ما بصير بنت تسجل سيارة باسمها لانه هيك العادات
ابوي قلها عادات انقرضت من سنة جدي وسجلتها باسمها وطبعا سمعنا حكي بس شو هالعادات شي بيجلط

لسا في كتير عادات بكرهها بس هلا مو خاطر على بالي شي

صحيح انا عمري ما حضرت ولا عزا بحياتي
بس مرة جبرتني امي اروح اعزي بيت جيراننا لانه توفى ابنهم وكانت اول مرة وكنت كتير معصبة
قلتلها بروح عليهم بعدين ما رضيت
المهم رحت وكشرتي كانت تقطع الرزق هههههههه
وهناك اول ما دخلت وشفت منظر النسوان وهن مجتمعين واغيب من الضحك وما عاد امسك حالي
ورحت ما اقلب من على الكرسي على قد ما ضحكت بالاخير امي طردتني وقالتلي روحي روحي
ومن يومها ما بتاخدني ولا مكان