السلام عليكم ورحمة الله وبركاته ..
حبيباتي والله وحشتوني من زمان ماكتبت موضوع في الملتقى .. قولت آجي ادردش مع حبوباتي شوية .
المهم مش عايزة آجي لكو بأيدي فاضية قولت اقولكو على موقف حصلي .. وهو بصارحه عجييييييب...
(( الموقف ))
انا ايام الكلية كنت في كليه عملية كل شغلي فيها قص ولصق وقصص اطفال وتصوير ورق وهكذااااا فكليتنا محيط بيها مكتبات مخصووووصة للاغراض دي يعني كل يوم لازم نشتري ونصور ورق من المكتبات دي <<< انجزي
ماعلينا المهم انا اتخرجت والحمدلله وقدرا كنت في دار التحفيظ عندنا وقابلت زميلة اتخرجت قبلي بسنه بعد السلاامات وكيفك وكيف الاهل والاحباب ووحشتيني ووو <<< خلصي .. قاعدين انا وصديقتي وبنستعيد ذكريات الطفولة .. يؤ قصدي الكلية وجت سيرة المكتبات المصونة .. قالتلي زروقة << نادتني بأسمي طبعا مش محتاجه ذكاء .. والله انا ضميري جدااااااااااا تاعبني !!! قولتلها مالك ياحبيبتي بعد الشر عنك ؟؟ قالتلي والله المكتبة الفلانية كان باقي لها فلوس عندي ومادفعتها يؤيؤيؤ بجد ؟؟ قالتلي آآآه والله بس للأسف ماعندي وقت اروح عند الكلية نهااائي لو روحتى الله يعزك اديهم الفلوس وقوليلهم كانت امانه عند صديقة قولتلها حاضر حبيبتي على راااااسي بس قوليلي المبلغ قد ايه ؟؟ قالتلي خمس قروش !!!!!!!!!! اييييييييييه انتي بتهزري يا ... ( اسم صديقتي ) .. قالتلي لا والله مابهزر .. أرجوووووكي ضميري بيئنبني وفعلا وعدتها اني في اقرب فرصة حاوصلها الامانه ..
(( انتهى الموقف ))
تحليل الموقف
اول شئ يابنات يمكن مش كلنا نعرف قيمة الخمس قروش .. الخمس قروش عندنا في مصر هي أقل عملة وصراحة لا يشترى بها ايييييييي شئ بمعنى ان ليس لها أي قيمة ولكن صديقتي أبت الا ان تقابل الله عز وجل وعليها دين لأي شخص حتى لو كان لايذكر .. فمابالنا بمن يأخذ الامانات ولا يردها الى اصحابها ؟؟؟ ومن تأخذ من صديقتها شريط كاسيت أو كتاب ولا ترده لها وتتعامل معه كأنه ملكية خاصه بها وتنسى او تتناسى مالكته الاصلية.. ولنتذكر نبينا المصطفى صلى الله عليه وآله وسلم يوم الهجرة عندما ترك سيدنا علي رضي الله عنه لتسليم الامانات الى كفار قريش وامانته الشديدة التي جعلت ألد أعداءه لا يستأمنون غيره على أماناتهم كما ان الامانه من صفات وسمات المؤمنين .. كما قال تعالى ( وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ )
قال نبينا الكريم في الامانة ...
- عن حذيفة رضي الله عنه قال : قال رسول الله صلى الله عليه وسلم – يصف مرور الناس على الصراط - : ( وترسل الأمانة والرحم ، فتقومان جَنَبتي الصراط يميناً وشمالاً ) رواه مسلم .
- قال صلى الله عليه وسلم : ( أربع إذا كن فيك فلا عليك ما فاتك من الدنيا : صدق الحديث، وحفظ الأمانة ، وحسن الخلق ، وعفة مطعم )
- قال صلى الله عليه وسلم : ( لا إيمان لمن لا أمانة له ، ولا دين لمن لا عهد له )
- قال صلى الله عليه وسلم : «أدِّ الأمانة إلى من ائتمنك، ولا تخن من خانك»
نصيحة أخيرة وواجب عملي
هيا نستعين بالله عز وجل ونبحث في أشيائنا الخاصه ونحاول نرد الاشياء التي لا نملكها الى اصحابها .. وان كان كتاب اسلامي او شريط ولا نستطيع رده او نسينا مالكه الاصلي نضعه في مكتبه اسلاميه او مكتبة اي مسجد بجانبنا ليكون صدقة جارية لمالكه وان شاءالله ربنا عز وجل يتقبل منا ولا يسألنا عنها يوم القيامة ..
وانا اولكن خصصت شنطة للأمانات وبحثت في كل اشيائي والكتاب او الشريط الامانه عندي وضعته في الشنطة وبدأت في رده بالتوالي .. اما ان وجدت شئ لا اعرف صاحبته سأضعه في مكتبة المسجد ... وفي انتظار تطبيقكن للواجب
الروابط المفضلة