سلمى انت قلت للاخت نسرينك
"نيسا تعرفس اني حبيتك ننصحك بالدعاء على زوجك ربي قادر على كل شيء"
تقصدى الدعاء له و ليس عليه هههههههههه

اما بالنسبة لمشكلتك
انا ننصحك ديرى صلاة الاستخارة و تانى تحطى النقاط على الحروف مع المدير تاعك باش ما تحطيش روحك فى موقف. تخدمى سمانة و مبعد تقولى لداركم انا حنحبس. ما يفهمو والو

نسرين
كيما قلتى شىء ماهو بعيد على ربى سبحانه ان شاء الله الدار ليا و ليك و لجميع الاخوات

امنار
اهلا بيك و بكل الاخوات المغربيات
فرحتونا بطلتكم اليوم
ان شاء الله دايما نكونو يد واحدة

عزيزتى خيرة
واش راكى
ما شاء الله عليك
منورة دائما يعنى انت زى pseudoتاعك هنا

ام رائد
واش حوالك
ان شاء الله بخير
انا الحمد لله على الساعة
الليامات هادى سخانة ما نقولوكش
تخرجى راسك من الطاقة ايجيك coup de soleil على الراس

حقا البنات , ما تكملوش لعبة المجهر؟ دالة شكون دركة
انا حكيتلكم قصة حياتى بلا شىء , الثرثرة واش ادير فى العبد,
نحبو نتعرفو على الاخوات لخرين
ام معاذ مازينا, الجديدات .........

اهلا بيك اختى راضية
مرحبا بيك معانا
انت وين تسكنى ؟ اكيد مش فى الجزائر و الا ماتكلمتيش على الكتب اللى فى دزاير

نخليكم دركة
تصبحو على خير

صح أناما نسكنش في الجزائر بل مقيمة بفرنسا
لكن عندي عامين برك لكن نقسملك بالله غير رانحس كلي راني هنا من20سنة وذلك بسبب الظروف الخاصة
ما يهمش كيراني مع خواتاتي قلبي اتفتح
ربي ايخلينا لبعضانا

أهلا وسهلا بيك أختي راضية إن شاء الله ما خلطتش في الأسم
راكي في وسط خواتاتك وكل ما تزيد وحدة تزيد حلوة اللمة وبردي قلبك معانا
هي أول سنين الغربة دايمن تكون صعيبة الله يرجع كل غريب لبلادوا
كوثر راكي سهرانة يوم الله يكون في عونكم راني جربت سخانة ماليزيا حتى هوما ما شي مكثرين المكيفات كيما هنا معتدمدين على المراوح أكثر تعودوا هما المشكل معانا

الله لا يخلي مؤمن إنشاء الله هكدا الواحد اينحي على خاطرو
و يبعد علينا الله المشاكل
بلا ما ننسى نشكركم على الاستقبال

سلما واش راكي نشاله مليحه نتي والبنات كلكم ...
حبيبتي انتي كبيره بما فيه الكفايه...وقرارك بيدك صحيح الدغوطات هبلتنا بسح ديري الي تشوفيه مليح ليك!!
الخدمه راح تقعدي فيها وقت كبير في كل يوم ادا شاكه 1% انو ماكيش راح ترتاحي متوليلهاش
سوغتو اتهامات بالسرقه وين قاعدين !!!!الكرامه المفرود تحبسك هناك
المهم الفرص موجوده حوسي عاى حاجه اخرى ....تتعبي شويه وانشاء الله راح تلقاي الشيء الي ترتاحي فيه ...والدنيا فرص المهم الصبر و الدعاااااء

لوكان غير جات السعوديه كيما فرانسا معمره بالجزائرين
ماعليش الواحد يوالف

العايله تاع ماما نصهم عايشين في فرنسا و ولاد خالتي و الله لو كنت في فرنسا ما نكرهش روووحي قاع ...و في احياء معينه تحسي روحك في الجي ....شيء عجيب

السلام عليكن و رحمة الله تعالى و بركاته يا أخواتي,

ما شاء الله عليكم, صدرو الصفحات بزاف, و أناي ليوم كنت مشغولة بزاف و ما قدرتش ندخل و ما قدرتش درك نقرا كل شيء, الله يبارك, الهدرة بزاف, على أية حال, من بعد نحاول نقرا كل اللي فاتني.
مرحبا بأختي راضية معنا, و إن شاء الله تعجبك القعدة و الدردشة معانا, رانا بكل أخوات هناي يجمعنا الحب في الله و الحمد لله.

تعرفي يا نسرين فيما يخص نصيحتك عن الفيتامينات, مش لازمة لما يكون طفلك يرضع حليب الأم لأنه فيه كل شيء يحتاج إليه, عمري ما شربتها لمعاذ رغم طلب طبيبته و كذلك بنتي درك, راهي تقريبا 18 شهر و ما زالت ترضع مني و الحمد لله, ما تشربش خلاص الحليب العادي, و نفس الشيء مع بنتي في وحدة المرة كانت ما زالت شوي صغيرة و طلبت مني الطبيبة نتاعهم (لأنها نفس طبيبتهم, تعرف معاذ و خديجة من يوم ولادتهم لحد الآن) أني نعطيلها الفيتامينات, قلتلها لا لا, راني أناي ما زلت نشرب في الفيتامينات نتاعي و راهم رايحين يمشيولها في الحليب نتاعي (هذا كذلك ثُبت علميا و مستحسن أن تكمل الأم المرضعة أخذ فيتاميناتها), و لكن ما حباش نمدلها لأنه معروف و ثُبت علميا أن حليب الأم فيه كل شيء, كامل متكامل و يكفي حاجيات الطفل.
الحمد لله أنها لم تعارض, رغم أنهم هناي يقدرو يعملو مشاكل للوالدين و يتهموهم بأي تهمة.