شكرا ليكي اختي
هذه كانت امنيتي ان اكون داعية او اني ادرس التربية الاسلامية ولكن لاني ما كملت تعليمي راحت الامنية بصح رغم هذا والحمد لله راني ننصح لبنات هنا ونعلمه الدين وهذا طبعا في حدود معرفتي وانا عرف جيدا ان هذا صعب كثير ولكن اذا شفت اني اقدر اعمل شئ او استطيع ان انصح اي بنت متعرض للخطر ويكون عندي ادلة على هذا واثق من كلامي لها فلا اتاخر عليها

بناااااااااااات انا حابه ادا فيكم نساااء تتطلع للمستقبل
شكون تاني عندها اهداف تانيه ...ممكن تشاركنا معاها؟؟؟

اهلا بيك الاخت هلولة, مرحبا بيك معانا

نسرين, انا تانى اقترحت عليك نفس الاقتراح , قريتى ردى؟

المفروض كل سفارة فرنسية يكون معاها ملحقة ثقافية ما تكونش بعيدة على السفارة.
انا مارحتش للسفارة , و لكن للمركز الثقافى وكانو فى غاية الذوق صراحة . و خديت منهم الكتب و قريت بيهم و كانو روعة . و الطلبة تاعى كانو يفرحو كى نقولهم انه الكتب اللى يدرسو بيها هى نفسها الكتب اللى تتدرس المركز الثقافى الفرنسى.

اما اهدافى الشخصية , الان لم تعد علمية. كانو عندى املين من قبل انى ندرس فى الخارج, ما كتبش ربى , و انى نعمل دراسات عليا , ولكن البيرقراطية حالت دون ذلك . كنت بديت نقرا السماستر الاول فى جامعة عنابة و جا موعد زواجى, راح كلش, ما قبلوش انى نكمل عن بعد.و هنا , الجامعة تاع المدينة اللى ساكنة فيها , كاين غير اختصاصات علمية مش ادبية . كانت تغيضنى روحى كى شفت هنا عربيات من بلد معين, جاو بشهدات مزورة و الماليزيين نية على رواحهم , يقبلو كلش, ناس ماعندهمش باك ضهرو مبعد داو ماجيستير.
اما الان فامنياتى مادية بحتة, نشرى دار فى بلادى .هادى هى اول الاولويات.

ممتاز الدال على الخير....كفاعله الله يفتح عليك واشووووفك في يوم من الايام من كبااار الدعاه
الشيخه شمس...حلو الاسم
تعرفي المخ مثل الكمبيوتر يبرمج !!!يعني تقعدي كل يوم مثل فرض الصلاه 10 مرات تقولي انا راح نحقق امنيتي و ندير كدا وكدا فهمتي ...و انشاءالله راح يتحقق
ولاتنسي الدعاء
انا يا كوثر البنا و البيت مازال بعيد عليا ...و مانقدرش نبني في الجي (الحمد لله بابا الله يتول في عمرو ماشي منقص علينا )هههههههه و انا مزوجه وهاكاك مازالو يصرف عليا
هادا شيء مخليني لازم نزرب و نحقق ميزانيه لي ولعائلتي باش نريح دارنا زعمه عايشه في السعوديه ...ديت الشيعه برك
راجلي مايحبش يخدم و عايشين عاله على خوه الكبير ...هديك الحشومه طول في عرد وما يشمرش على بدو و ينود...راح نهبل ..ولانقاش في الودوع ماتقولوليش اهدري معاه درت كل حاجه وهاكاك 2سنه وهوى في الدار كي الحريمه
وعلاش نقولكم الرجال تاوعنا مسؤووووولوووون
الله المستعااان
سلااام

الله يكون معك اخي العزيزة
ام اني نكون شيخة شمس بعيد شوية يكفيني اني نقدم النصح للتحتاجه وتستهله
ام انت اخي كوثر اولا اهلا بيك واش راكي الله يوفقك وتكون عندك دار هنا في بلادك ان شاء الله
سامحولي اذا مارجعج نقولكم مع السلامة

ماكاش حاجه بعيده على ربي...ادعي وفي يوم من الايام راح تلقاي روحك وصلتي و تفكريني وقولي الله يذكرك بالخير يا نسرين ..كان عندك الحق
و مسامحه يا قلبي ...كل مين عندو اشغالو
الله يعين الجميييييع
بنااااااات ادعو للعراق و فلسطين و السودان لاتنسوهم
الله يفرج على كل الامه العربيه و المسلمه
ااااااااااااااااااااميييييييييييييين

سلام يا البنات
وشراك كوثر لباس
نيسا تعرفس اني حبيتك ننصحك بالدعاء على زوجك ربي قادر على كل شيء
سلام للغائبات
عندي مشكلة و نتمنى نلقى الحل عندكم
انا كيما قلتلكم عندي شهادة جامعية و خدمت عند الخواص و حبست الحقرة و الذل ياسر حبست
قعدت في الدار و السيد لكنت نخدم عندو حاب يرجعني و انا رفضت لأني عشت جحيم كان يتهمني بسرقة الخدمة تاعو و لا يزي السكرتيرة محبتنيش و دارنا يمارس علي الظغط روحي تخدمي ما قريتيش باطل مهمش حاسين بي و يحترموش رأيي و يقوليواي مازلت صغيرة ما تعرفي والو في الدنيا في بالهو و كتاه الانسان يدي قراراتو معلباليش و يقولو احنا الجيل تع درك ما تصبروش
قولولي اذا كنت غالطة و لالا

السلام عليكم و رحمة الله و بركاته
حبيــت أســلم عليـــــكم أخواتي الحبيبات

السلام عليكم واش لحوال ما شاء الله يا فاحلات راكو دايرين لمه تاع الصح ووصلتوا ل 11 صفحة لا عين عليكم
نسرين إقتراحك رائع وهدفه كمان رائع وهدفك جميل جدا ربنا يوفقك تعرفي أوحيتلي بفكرة جيدة بتدريس العرب هنا الفرنسية لكن مثل ما قلتي لازم الواحد يتقنها إتقان جيد عشان يقدم نفسه في أحسن مستوى
مشكلتي أنا نسيت الفرنسية واختلطت معي الإنجليزية لأنه في ماليزيا يتكلموها بعد لغتهم لكن الأخوات اعطاوك اقتراحات مليحة بزاف شكرا لكم جميعا
كوثر واش راكي
شمس الله يقويك بدينك أنا بحكم زوجي إمام إتكلت عليه في كل شيء دينيا يعني فعجزت عن قراءت الكتب الصراحة شيء مش مليح لأنه قد ما تعلمتي في دينك تقولي مازال ما ديت والو
سلمى واش راكي يا الحنونة أنا ننصحك شوفي الخير وين راه وديريه وما تخلي حتى واحد يتحكم في قرارتك لأنه الإنسان لما يعمل شيء رغما عنه ما يتقنه وتمرضي روحك أنت لي خدمتي عند هذا الراجل ما شي هما يعني تعرفيه مليح إذا شفتي بلي ما ينفعش تولي عندوا سري في رأيك وإذا شفتي بلي ممكن فيه الإصلاح جربي مرة أخرى وما راح تخسري والوا وربنا وفقك لما يحبه ويرضاه وما تنسي تستخيري لرب العالمين وهو ميسر كل شيء
وأن شاء الله نكون خففت عليك شوي
أم أنس إن شاء الله زيارتك للطبيب خير برك
مريام كيفاش راهو الصغير ديالك وأولاد إن شاء الله يكون مريحك شوي
أريام وين راكي ما طليتش اليوم
أم بثينة ربي يوفق زوجك في مشروع تاعو
مهاجرة وين راكي اضربي طلة بببببببببببببببووووووووووووه

السلام عليكم ورحمة الله وبركاته
واش راكم يا بنات بلادي العزيزات انشاء الله تكونو بخير نتوما وكل عائلاتكم
يعني اذا كان ممكن نشارك معاكم في هذه اللمة
صراحة لما دخلت حسيت روحي في وسط أهلي
والله يدوم قعدة لحباب---آمين يا رب العالمين---