آخر خبر سمعته يقولون القمل يباع بالمشاغل ومحلات الكوافير النسائية عندنا !!
الخبر من كبره ماقدرت ابلعه وأنا بين مصدق ومكذب القمل يباع القمل معقولة!!
يالله مساء خير
سألت وقالوا لي سعر القملة بريالين ( الله يديم الرخص ) ياهي تخفيضات على سعر القمل
قلت وش السبب اللي يخلي الحريم تشتري القمل
امحق من رد !!
يقولون يجدد بويصلات الشعر ويزيد من تكاثرها ؟؟
بكره المدرسات تهرش رأسها بالفصل وتعلك علك ومغمضةً عين وتقول "صادت" بدل ما تدرس مادتها
واذا جين بناتنا من المدارس يهرشهن قمل وصيبان وحنا نقعد نجمع كل قملة بريالين ؟؟
مازلت غير مصدق معقول هذا وهل هذا الخبر صحيح ؟
واذ كان صحيح كل قملة بريالين .. وكم قملة للراس 150 قملة يعني 300 ريال على الراس ..
و عدد المدرسات 35000 مدرسة في 300 يعني فوق 10 مليون ريال ..
وش رايكم من يشاركني؟
و نسوي مشروع تربية و إستزراع القمل المحدودة و نطرحها مساهمة .. ؟
الروابط المفضلة