بغدادالأمجادومعاناتها مع الصف الأول ابتدائي
تصدقون بالله اني ادرس صف أول ابتدائي والله انا مومصدقة تفسي
ومولايق علي اني ادرس أول
لكن وش اسوي ممشيه حالي معاهم
اول مااستلمت هذا الصف كان مرة كسلان وحالته حالة لأن ماكان احد
ماسكة يعني تشتيت مابين المعلمات
المهم جابوني بقوة السلاح عشان ادرسه طبعا جايبيني من مدرسة ثانية (أمر تكليف)
وسلموني الفصل وطلبوا مني معالجة المشكلة
المصيبة انه موتخصصي انا دراسات اسلامية
واستلمت الفصل على خيانة بأنه بنات شاطرين
وقالوابنات صفوة ودفعة حلوة واناياغافلين لكم الله
ماني دارية بس مقهورة من الغدرانغدرفيني وانتدبوني بالقوة بدون استشارتي
المهم سلمت امري لله وقلت يالله
وبديت معاهم
ومرة اعصب عليهم ومرة احن عليهم
ياربي ارحمني ماينضربون ولااقدراسوي فيهم شيء
واجيب لهم حلاوة وهدايا عشان يتشجعوا
واستلمتهم نسخ اخليهم يكتبون الواجب 3مرات
واخليهم يكتبون عندي بالمدرسة واوراق عمل واشرح الحروف من اول
واختبرهم كل يوم بالأملاء
تخيلوا الفصل كله 20طالبة
من بينهم 5شاطرات والباقي يخلف الله عليهم
وفجاءة اكتشفت ان في بنتين سايرات شاطرات
فرحت وربي فرحت ويافرحة ماتمت
الطالبتين الي اكتشفتهم شاطرات طلعوا غشاشات يغشون
تخيلوا قبضت على بنت كاتبه الجملة الي بأمليهم لها على ورقة وراميتها تحت الطاولة
والثانية كاتبة على الطاولة
والثالثة حاطة الكتاب بالدرج
ياربي ارحمني اول يغش مااصدق وش هالعقلية والله ماكنا نعرف الغش بااعمارهم
والمشكلة ينافقوا على بعضهم ياابله غشت واقوم اطلعها على السبورة يالله اكتبي
ولما تكتب تكتب لي ((خالد) بس هذا الي عارفينه
ولقيت وحدة كاتبة على الشباك والله كيف تبغى تغش الشباك ورآها كيف بتغش هذي
والله حالة ولما ابغى اكتب على السبورة القى الفصل كله جاي عندي واصرخ فيهم مكانكم
والله صوتي انبح كل يوم اقرأوهم يرددوا وراي كل الحصص كذا
جننوني بهذلوني سرت احس اني ارملة ولامطلقة ووراي 20 بنت يالله كرهت الأطفال والسبب هم
ولماتجي الفسحة قلت يارب لك الحمدخليني ارتاح شوي
ولاشوي ولاجت طالبة من الفصل ياأبله فلانة ضربت فلانه وصخنت
وتجي الثانية ياأبله فلانة تقول لي غشاشة
وتجي الي بعدها ياأبله فلانة تقولي كسلانة
وانا اطالع ساكته خلاص انتهيت
وكل يوم كذا حتى في الفسحة مافي راحة
والله تعبت منهم صرت احلم فيهم بلشة والله بلشة
ومرة جايوني ثنتين منهم يبكون وماسكين اصابعهم وفيها دم قلت وش صار قالوا فلانة قصت اصابعنا
قلت ياربي ارهابين كمان يالله ترحمني
واروح اشتغل لهم ممرضة واقعد الصق على اصابعهم
والبنت الي قصت اصابعهم تبكي وتقول ياأبله زليت
يالله ترحمني برحمتك
وبعدين جاني تفكير خطير قلت افجر نفسي بينهم هههههههههههههههههه
بس الحين الحمدلله البنات صايرين شاطرين وماله داعي التفجير
وهذي معاناتي مع الصف الأول ابتدائي وان شاء الله هذي آخر سنة اعطي أول
وسلامتكم
الروابط المفضلة