في البيت,في المدرسة,في العمل:مواقف مضحكة,مبكية,محرجة..
اهلين اخواتي كيفكم ان شاء الله كلكم بخير
اكيد كل واحدة فيكم صار لها مواقف مضحكةاو محرجة
او مبكية
لكي او لاحدى زميلاتك في المدرسة وش رايكم نكتب هنا كل المواقف اللي مرينا فيها او سمعنا عنها ونوسع صدورنا شوي
انا راح أبدأ بموقف مضحك حصل في المدرسة في أيام الثانوي صار بين وحدة من زميلاتي ومعلمة المكتبة:
القصة ومافيها أن زميلتي هذي نسيت دفتر المكتبة في البيتوكان عندنا ذاك اليوم حصة مكتبة المهم جات عندنا المعلمة وقالت لنا يالله طلعوا واجب المكتبة وكانت تفتش على الواجب وتصحح الدفاتر في نفس الوقت يعني كاشفتها كاشفتها لامفر من ذلك
راحت زميلتي تحل الواجب بسرعة بس في دفتر الأنقليزي من جهة اليمين ,, وصلت عندها المعلمة وصححت الواجب ويوم جات تبغى تصحح بقية الدروس الا لقيت الدفتر دفتر انقليزي
المعلمة ماتحملت الموقف هذا
وقالت لزميلتي تطلع برا الفصل
وزميلتي هذي الله يهديها كانت عنيدة وراسها يابس كل المعلمات ماقدروا فيها تسوي اللي براسها ولااحد يقدر يسوي لها شي حتى مديرة المدرسة
المهم قالت لها المعلمة تطلع ومارضيت البنت ،، لا وبعد تقول انها ماسوت شي غلط
قالت لها المعلمة تحلين الواجب في دفتر انقليزي وتقولي ماسويت شي غلط ؟ قالت البنت اهم شي اني حليت الواجب ان شاالله مااحله الا على الطاولة ،،
شالت المعلمة دفترها ورمته عند باب الفصل وكررت عليها تطلع من الفصل / قامت زميلتي واحنا على بالنا بتطلع من الفصل الا قامت وشالت دفترها ورتبته كويس ورجعته في الشنطة <<<<<<<<<مهتمة ماشاء الله
واخيرا طلعت من الفصل بالقوة .وكنا احنا ذيك الايام في حر شديد جدا وكان عداد الكهربة برا الفصل أكيد عرفتوا وش سوت ؟؟
سكرت عداد الكهربة على فصلنا واحنا قاعدين في ذاك الحر نرجو رحمة اللهقالت المعلمة والله ان زميلتكم هذي مريضة وفيها شي
لازم نجيب لها دكتورة نفسية ..
جلسنا شوي ننتظرها نقول يمكن تجي وتعتذر للمعلمة ولاتكررها مرة ثانية يوم طلعنا من الفصل وهي جاسة تلعب مع زميلاتها لعبة فتحي ياوردة ، سكري ياوردة ( اكيد كلكم تعرفونها )ولا هامها شي واحنا خلاص ميتين من الضحك
وهي ولا على بالها شي
والمعلمة بتموت من القهر
ادري ان السالفة قصيرة وانا طولتها معكم بس ان شاء الله تكون عجبتكم وبانتظار مشاركاتكم الرائعة
رد مع الاستدلال
... 
وملامح وجه كأنه غربي مثلهم
الروابط المفضلة