صباح الخير يمه
هلا فهد صبحك الله بالخير
شخبار ام فهد اليوم اشلون السكري معاج والضغط
والله يا ولدي الحمد لله ما يرتفع الا لا شفتك تدور وظيفه وتدور في الوانيت في الشوارع يوميا تبحث عن العمل
شسوي يا يمه انا ابحث كل يوم عن عمل علشانج وعلشان اخواني ابي اعيشكم مليت من تخرجت ماكو عمل
الله يوفقك يا وليدي حتي انا ادعي لك كل يوم اتجمع مع الجارات وندعي لك وان الله يوفقكم
يا يمه ما وقف عملي الا جاراتك وخاصتنا ام خالد عينها حاره ومجرمه كل يوم هوشه في الشارع مع الجيران
ولا خلصت من الهوشات تعال يا فهد ودني السوق ابي اشتري واوديها
وساعات علي ما تمشي
يمه هذ جنيه مو حرمه
يا فهد يا وليدي عيب تقول عن جارتنا جذيه مهما يكون هي من قطعت سرك
يمه خلاص ما ابي السر ابي اقطعه من الحيم علشان تنساني تبين شي يمه
يه يا ولدي جيب لنا حلويات وحب للحريم شوي يجون ونبي نسولف شويه ويمكن اخطب لك بعد وحده من البنات
لا يمه اجيب كل شي ولا انتحر معاهم اتزوج من بناتهم لا والله اكملت يمه المصيبه
يمه تبين شي
لا بس الي وصيتك يا ولدي
يله مع السلامه يمه
يطلع من الصباح الي العصر فهد يدور عمل
يمشي فهد في الشارع من الصباح الي المساء يدور علي عمل او يشيل واحد واقف علي الطريق وحصل له موقف من يومياته الحلوه
ايه هذا يبي يروح خلني اصفط عليه
مساء الخير الطيب
مساء النور يا راعي الوانيت
وين تبي اوديك او اوصلك
اشرايك تودين سوق داخل المدينة
يله مشينا يا اخ
ركب الرجال السيارة ومشي فهد الي المكان الي يبيه الشخص
فتح الموضوع الرجل قال يا اخي شسمك
قال فهد معاك وانت شسمك
ابوعبدالله
حياك يا ابو عبدالله
تسلم يا فهد
والله زين يا فهد ريال شباب مثلك ويشتغل علي سيارته يحمل الناس ويوديهم كل مكان
شنسوي يا ابوعبدالله نبي الستر من شغله حلوه وزينه نستفيد منها ونعيش اعيالنا
انت متزوج يا فهد
لا يا ابوعبدالله جان تزوجني
ههههههه تستاهل يا فهد مبين عليك خوش ولد
فهد يدور الفكه بس متي يصل الي المكان يبي الفلوس
قول يا فهد انت تدرس
لا يا ابوعبدالله تخرجت من الجامعه ولا لقيت وظيفه ناطر الطريق الي الان ما حصلت
الله يوفقك يا فهد
تسلم يا ابوعبدالله
احنا قبل مثلكم يا فهد ندور علي لقمة العيش باي مكان ولا نستحي من اي شغل نشتغل الي نبيه ولا لنا شغل باحد لانها لقمة العيش يا ولدي
اشتغلنا بناء وشيل وكل شي واستفدنا
صج يا ابوعبدالله انتم الرعيل الاول يام تعبتم واشتغلتم وانتم الحين شياب الله يستر عليكم
فهد خربها مع الريال يوم قال له شايب
يا فهد انا ماني شايب لهدرجة
الا بالله شايب شف نفسك يومين وانت في المقبرة ندفنك
فال الله ولا فالك يا فهد انت علامك علي قلبت بسرعه انا مثل اخوك
حشا يا ابوعبدالله تبي تصغر نفسك وانت شايب منتهي
وقف
وقف
نزلني انت ما تستاهل الي يركب معك ويسولف معاك
زين يا حجي ابي الايجار التوصيل
تخسي مالك شي عندي ولا ابي اعطيك
يله روح
مالك شي عندي
ويخسر فهد ويمشي وهو متحلطم كله من جارات امي الي بس حش فيني وقضم
اوريهم علي يوم شبي اسوي فيهم


هذي بدايته وراح تشوفون روائع فهد
انتظرونا
شكرا لكم

السلام عليكم ورحمة الله
في انتظار البقيه

اعز الحبايب
شكرا لك حضورك هنا
ومتابعتك الطيبه
دمت بكل ود لنا


السعاده مصدر لنا

رجع فهد وهو زعلان من الشايب الي وصله والي تهاوش معه يوم وصل المكان الي يبيه ونزله وتهاوشهم
وصل فهد الي القهوه التي يشرب فيها المعسل والشيشه ويطرب نفسه من ضيقة الخلق وصل فهد ولقي صديقه حسنين جالس يسمع اغنائي ام كلثوم وهو منطرب الي ار درجه وناسي كل هم مر عليه اليوم
مسا الخير يا حسنين
اهلين يا سيد فهد يسعد مسائك يا حبيبي
منطرب اليوم يا معلم حسنين تسمع ام كلثوم وناسي كل جوي وداخل جوي القاهره
انسي يا فهد دي الدنيا عاوزه نسيان هم وحزن وانا اسمع السيدة الغطمة ام كلثوم علشان هي الي تنسين كل شي
السيده ما هي مات وشبعت موت يا حسنين وتبي تلحقها وتروح معاها في الطريق
كله ميت يا فهد بس اغانيها لسه عايشه وعايش روحي فيها اسمع وانطرب
يا معلك وعندك واحد شاي كشري وراس شيشه للسيد فهد
عقبال ما تعمل لنا الفيزا ونجيب العئله من مصر يا فهد
يخرب عقلك يا حسنين لسه عايش علي هالسالفه وتبين اجيب العائله انتا ما تعرف انني ما اشتغل ولا يعطوني فيزا في الجوازات
ولو يا سيده فهد العائله بس مراتي وعيالي الخمسه وعشرين بس والله حتت عيال كويسين
يخرب بيتك يا حسنين بس خمسه وعشرين درازن يبي لهم بيوت الاسكان او معسكرات علي ما يشيلهم
اذكر الله يا فهد هم مثل اخوانك والله حلوين وانا لما يجوا الدولة راح اخليهم يشتغلوا ويكسبوا من عرق جبينهم
انتا جيبهم بعدين شغلهم وانا ولد البلد ما لقيت عمل تبي تلقي لهم شغل انتا
يا باشا يا حبيبي يا فهد لك شغله عندي ما تخرش الميه والله وتكسب ذهب
وما اتعبك وتشتغل بس تقريبا ثمن ساعات يوميا فقط لا غير وراح تدعيلي كل يوم والله
صج يا حسنين
وشهي الشغله وشنو العمل لحق علي تري انا تعبان وواقف ما لقيت عمل من ستة شهور تكفي يا حسنين لا تخلين عمل ويدخل ذهب ممتاز جداا
انا حسنين ابو الذهب اخلق عمل من كل مكان يا فهد بس انا اصير لك واسطة واكلم صلحب العمل يوظفك بسيطة دنت اخوي يا فهد وابن عمي ومن وفيني
مش مشكلة يا حسنين لو تبي اصير امك كمان حاضر بس وين الشغل وشنو نوع العمل خبرني يا حسنين انا تعبت والله
روق يا فهد بس نجيب لك شويه شاي منعنع مع راس معسل علي حسابك ونشرب لمي نريح واشرح لك العمل
حاضر يا حسنين يا عبده جيب شاي وراس شيشه خلي المعلم حسنين يروق ويعلمنا شنو العمل الي حصله ليه
قولي اي حسنين ايه العمل بعد ما شربت الشاي وروقت اخر رواقه وخليني اروح ابشر اهلي انني حصلت عمل حلو يكسب ذهب
حاضر يا باشا يا عيوني انت يا فهد عقبال ما اوظفك وازوجك بنتي علشان تعمل اقامات لاهلي
وليه بعد زواج انت تعرف امي عمشه يا حسنين
لا والله ما اعرفهاش
مثل بس تسولف في الزواج انت الحين خبرني وش العمل والزواج بعدين ربنا يخرب عقلك ويخليك ليه يا معلم
شوف يا فهد العمل صباغ
تشتغل ثمن ساعات وتكسب يوميا شره الي عشرين دينار
وهي عمل وتكسبك ذهب كثير
ايه رايك قولي
يطالع فهد في حسنين وعيونه صارت حمراء اللون واصبح وجه يعرق من الغضب
وطالع في حسنين من فوق الي تحت وهو يقول في نفسه جامعي وابن البلد ويبي يتوظف صباغ
يخرب بيتك ويخرب بيت الي جابوك يا حسنين تطلع ذهب
ويقوم فهد ويصب الماي علي حسنين ويتهاوشوا ويهرب حسنين منحاش وفهد علي الوانيت يطرده يبي يصدمه
والناس تضحك
من امي الي الشايب الي حسنين
خلني اروح البحر استريح شوي
قال صباغ يخرب بيتك يا حسنين



نكمل غدا انتظرونا مع روائع فهد العزوبي
شكرا لكم

السلام عليكم ورحمة الله
سلمت يمينك
وفي الانتظار

اعز الحبايب
شكرا لك حضورك هنا
والمتابعه الرائعه
وانتظر المزيد منك
شكرا لك


السعاده مصدر لنا

يطلع فهد ال البحر بوانيته اخر الليل تقريبا بعد منتصف الليل ويتمشي علي الكورنيش ويقرا احلامه التي لا تخلص ولا تنتهي ابدا وممشي مع الطريق علي البحر يوسوس ما في راسه علباله عنتر زمانه
وانيته يشوفه احلي من اي سيارة حتي يوم صفط عند الاشاره شاف بجنبه مرسيدس اخر موديل راكبته بنت وقام يطالع المسكين في السيارة ويشوف سيارته ويلعن حظه العكس دايما وصاحبت السيارة علبالها ان الريال يغازلها وما يستحي حاط عيونه عليها من وقفت الاسارة الي الاسارة الثانيه وهنيه تبدا مشكلة فهد الثالثه
فتحت البنت زجاج سيارتها وطالعت في فهد الي يركب وانيت بدون مكيف وفي الحر يتمشي وقالت الاخ فيه شي وهو ما يرد بس يطالع ويقول يا ليت السيارة لي
فتحت الاشارة ومشي فهد علباله ما فيه شي ودخل مواقف السيارات علي البحر والبنت تمشي وراه تبي تعرف سالفته وليش كاشت فيها ومن اليوم بس يطالع بسيارتها ويوم صفط السياره في الموقف
قالت له يا اخ انت ما تسمع
امري يا بنت الحلال
انت اشفيك اصمخ ما تسمع من اليوم اكلمك ما ترد اشفيك مينون انت
والله يا بنت الحلا ما شفتج انا فهد
واذا انت فهد مالت عليك انت ووانيتك الي تقول باخره ضايعه في البحر باخرة اشباح ما تشوف شكلها الخايس
يا بنت الحلال انتي اشفيج علي تعرفين اعرفج من وين ما اروح بس مشاكل خلاص انا اسف جداا
علي ما حصل بس فكيني
افكك من اليوم اناديك بس مفتح اعيونك علي سيارتي جنك جني يا الجني
ما تستحي بس تغازل فيني
فهد يفكر وايد قبل ما يرد انا ما اخنقها في المواقف واقطها في البحر احسن لي ادخل السجن يمكن القي وظيفه هناك لو طباخ
يا بنت الحلال فكيني انا ياي البحر اتمشي من ضيقة الخلق ومن التعب وابي راحة نفسيه روحي فكيني هناك فيه حفلة موسيقيه روحي لها
شنو شايفني فنانه او رقاصه مالت عليك صج ما تستحي علي ويهك
فهد يجيب له مشكلة يديده
يالي ما تستحي روح يا الزبال شوف شكلك مالت عليه جنه خمسة فلوس ما يسوي
لا حول ولا قوة الا بالله
يا بنت روحي فكيني انا وين والمشاكل وين صج الي اختشوا ماتوا
شنو تقول يا البدوي شنو قلت سمعني الحين انزل عليك بالكعب اكسر راسك
يا ويلنا كعب فيها السالفة خلاص اسف ابوس ريلج بس فكيني ما اقول شي اسف وهذا سيارتج انظفها لج بعد شتبين امري تدللي بس فكيني انا ما ابي مشاكل من الصباح وانا في مشاكل والحين اخر الليل حتي ما انقبل الوقت الي النهار الثاني في مشكلة
اسف جدا بس روحي الي بيتكم
خلاص اسكت انت الحين تروح بيتكم ما ابيك في البحر اتسوي شي يلا روح بيتكم البحر يخلا منكم يا الدريوليه
ما ابيك الليله في البحر ضيقة خلقي الله ياخذك
يا بنت الحلال ابي ايلس بس شوي في البحر اتمشي وانفس عن نفسي انا ضايق خلقي
شوف بعد ربع ساعة امر المواقف اذا لقيتك اوديك الشرطة وابهذلك تري انا ابوي واصل وضابط شرطة فهمت يا القطوة الشاذي
شرطة
شرطة
لا يا معوده كل شي ولا الشرطة ما ابي اروح مو البحر ابي اروح البر احسن منظر من البحر وبعدين براد هالايام وما فيه الا الحيايا والعقارب اشياء حلوه وايد وتليق في مقامي
بعدين البر تقدر تجلس بروحك تفكر وانتا سعيد جدا بدون هموم وحزن لا اختي الحين ماشي بس ما ابي شرطة فكينا تبنا من الشرطة
فهد له مواقف كثيره مع الشرطة ياما طقوه وجحشوه ويسكت ما يتكلم
يحرك فهد ويمشي من البحر حزين جداا


شكرا لكم
وتابعوانا في حلقات عزوبي المدينة
شكرا لكم

رجع فهد الي بيتهم حزين جدا بعد الموقف الي حصل له في البحر ومن استهزاء البنت فيه ومن مشاكله التي حصلت له اليوم
رجع وهو متالم جدا من البنت وصاير له ساعة في السيارة ما يبي ينزل والسبب البنت التي اهانته اليوم وطردته من البحر لا ينفس عن نفسه شوي
رجع وهو يقول الفراش احمد لي واحسن سانام وبكره اصحي باذن الله ابحث عن العمل اي عمل يضمني بدون اي مشاكل تحصل بين وبين احد
مساء الخير يمه
ليش جالسه ال يالحين ما نمتي عسي ما شر يمه
فيج شي اشفيج ما نمتي خرعتيني يمه عسي ما شر قولي لي
لا والله يا وليدي اخوك كان تعبان وجلست علشانه وقلت اتابع التلفزيون ولقيت فيلم اجنبي القلب الشجاع وقمت اتابعه الي ان خلص والحين اخوك تعبان ابيك تؤديه الطبيب يتعالج ويشوف شنو فيه
يمه من صجج اخوي هذا هو يلعب شنو حلاته وزينه وما فيه شي يطامر جنه البخث
اقولك انا امك تؤديه يا وليدي الحين وتشوف شنو فيه لا اكسر راسك
واليه فيه تكسير راس لا بله اوديه وراسي سليم
يله طلال مشينا ابي اؤديك الطبيب علشان نكسف عليك وعلي قواك العقلية هل هي سليمة
شنو تقول فهد شنو تخربط
لا يمه ابي اؤديه علشان نطمئن علي صحته وزير التربيه مو طلال
يله مشينا يا طلال
دير بالك عليه يا وليدي هذا طلوووول ما يحتاج حبيب وابيك تشتري له اكل ياكل تري ما تعشي
تسمع فهد شنو قالت امي تشتري لي اكل
زين سمعت يله خلنا روح قبل زحمة المستشفي
ويمشي فهد ومؤدي اخوه طلال الي المستشفي الذي يبعد عن بيتهم ربع ساعه علشان يشوف شنو فيه ويتعالج
وصل فهد ودخل المستشفي الا زحمة ما تخلص الصباح
ويلي بعد الحين زحمة كل الناس مرضي شسوي الحين فيك شسوي شنو هالحظ المتعوس يا ربي
فكني اليوم خلني اروح انام وارتاح شوي
لو سمحت طلال خالد محمد
كم عمره يا اخ
16 سنة
تفضل الورقة وروح عرفة سبعه الدكتور الباطنيه
شكرا لك اخوي
كم الرقم طلال
152 فهد
ورقم الطبيب جم 85
من صجك طلال
والله فهد الرقم توه بس اشرايك ننطر وش ورانا
وش ورانا فهد وده يخنق اخوه ويقول حالة وفاة اختناق بس مو قادر لاني كتيبة الادام امه والجارات موجودات كل صباح
ننطر طلال وشنسوي امرنا لله سبحانه وتعالي
تمر الساعه والساعتين وفهد مرات صاحي ومرات يصحيه اخوه يقول له انت نمت وتشخر فضحتنا فهد
ما عليك يا طلال ابي انام شوي
يله طلع رقمنا خلنا ندخل
روح انت للطبيب انا انطرك
لا فهد تدخل معاي انا اخاف من الدكتور ابيك وياي
يله دخلنا واتكلنا علي الله
دخل فهد وطلال علي الدكتور
وشاف الدكتور فهد وقال له الحمد لله علي السلامة يا ابني
انت تعبان جداا وباين علي وشك انك تعبان وعيونك حمراء من شدت التعب
فهد قال مو انا يا دكتور التعبان اخوي الي معاي
غمز عيونه طلال للدكتور وقال والله يا دكتور اخوي من العصر بس يبجي ويصيح من التعب وهمس في اذن الدكتور وقال لم يا دكتور فيه حالة نفسيه من المستشفي يمكن يقول مو تعبان بس نعطيه ابره يرتاح منها شوي
قال فهد وش تسون وش تسولفون عنه مسك الدكتور فهد ونومه علي السرير
بسرعه يا ممرضه نبي ارة تخدير ومغذي للمريض
لا يا دكتور مو انا المريض
فهد يصرخ والدكتور يعطيه ابر تخدره وينومه في جناح الانتظار
وطلال ياخذ سيارة فهد ويرجع للبيت
ويلقي امه جالسه
وين اخوك فهد يا طلال
يمه اخوي نوموه يقولون انه تعبان وايد
يا وليدي ودني له
لا يمه الحين نايم يكبره نروح له انا وانتي
الله يشفي لاخوي فهد
وهذا الي حصله فهد من مشاكل اليوم الاول والحين نايم في المستشفي تعبان جداا



انتظرونا مع اروع حكايات فهد العزوبي
شكرا لكم

قامت ام فهد في الصباح في زيارة ولدها الي نايم ما صحي وقامت تصيح في المستشفي في الساعه السابعه صباحا وازعجت المرضي وشبت علي العالم وقامت تصيح من اول المستشفي الي اخر الجناح وكلن يسمعها ويدعي عليها وهي تصيح علشان ولدها نايم من تاثير المخدر ما دري عنها ابدا
وصلت غرفة ولدها من كثر ما تصيح صحت ولدها من النوم ومن تاثير المخدر يوم شافته صحي قامت ويببت في الجناح كله لين طلبوا من الان\من يا تسكت او تطرد من المستشفي وما صدقت ام فهد الا وصارت مشكلة من جديد
انت اشتبي انا ام فهد ما تفهم عيون السيح فهوووودي حبيبي المريض
انتم وشسويتم فيه الله يغربلكم ولدي وشفيك
الدكتور يرد عليها
يا حجه انتي مالك ابنك زي البمب ما فيه شي وطيب وبخير والحمد لله علي سلامته ازمة وعدت يا حجه
بمب في عينك مالت عليك انت والي لابسه الي خانقك هذا ولدي بمب شنو هو تواير شايفه مالت عليكم وعلي المستشفي الي تشتغلون فيه
يا حجه عيب الكلام وانتي ازعجتي المستشفي كله والله حرام عليك
حرمت عيشتك انت ما تسحي علي وجهك تقول ما تستحين عيب عليك تكلم وحده اصغر منك
ام فهد خربتها تصغر نفسها وهي عمرها سبعين الله يستر
يا حجه رجا لا تزعجي المرضي ابنك بخير وما فيه شي بس ارهاق صايبه شوي وراح يمشي ويتعدل كويس اوي
يله طلعوه ابي اوديه عند ام شقران تسوي له علاج الي ينفعه انتم خرطي ما عندكم اي سالفه ولا عندكم اي احساس في المرضي من السرير الي القبر
يا حجه رجا جداا اذا تبين تطلعينه علي مسؤوليتك يصير فيه شي نتي تروحي فيها
ام فهد قالوا لها تروحين فيها اسكتت وقالت
الله يخلي الدولة الي وفرت لنا المستشفيات والدكاتره مثل الطبيب الي جدامي والله يوفقكم علي الخير وعمل الاحسان شكرا لكم ويعلكم منها واعلي يا رب
استغرب الدكتور وقال لها هو سيخرج ما فيه شي بس حبيت اطمئنك انه بخير وما فيه شي
مالت عليكم يا رب انتم ومن شغلكم
يقوم فهد من نومه يلقي امه في معركة حامية الوطيس جداا
يمه عسي ما شر انا تعبان يا وايد وانتي تصيحين خلاص بس كنت مرهق ونوموني عندهم والحين ما فيني شي
وابي اطلع من المستشفي الحين بس اصحي شوي واخذ علاجي وكل السبب ولدج الدلوع الي يبيله تكسير راس الي خلاني انوم في المستشفي
يا وليدي قوم خلنا نروح البيت ابي اسوي لك علاج والحين كل الناس تسال عنك في البيت والشارع ويتحمدون لك بالسلامة
يقوم فهد ويخلص اجراءاته وياخذ علاجه ويمشي الي البيت مع امه وطلال وهو متوقع انه يرتاح شوي وينام لو قليلا ولكن حصل غير المتوقع
بعد ان اكمل فهد اجراءات الخروج من المستشفي واخذ علاجه للخروج للبيت سمع امه تتصل في البيت وتقول هل انتم جاهزين وتمتم لا يعرف ماذا تفعل امه من مفاجاة له في القريب العاجل
سال امه
يمه اشفيج منو تكلمين وشنو مستعدين
لا يا وليدي شي يعجبك باذن الله الحمد لله علي سلامتك والي ردك لنا يا وليدي والله من امس ما نمت من حرتك يا بعد عيوني
الله يسلمك يا يمه بس انا خايف من شي مسويته يمه انا ابي اعود البيت ارتاح يمه ما اابي اي ازعاج او ضوضاء تمسح ذاكرتي واعود للطبيب من جديد
لا يا ولدي ما فيه شي انت بس نمشي للبيت وكل شي تبي تشوفه طيب وترتاح ولا يهمك اي شي يا ولدي الحبيب
الحمد لله علي السلامة وانا اخوك
طلال مالت عليك اوريك بس خلني اقوم شويه واوريك الشغل كله منك ومن سوالفك الي مليت منها خليتني في المستشفي وتقول للطبيب اني تعبان ومو صاحي اوريك
لا ما تشوف شر وانا اخوك والي تبيه سوه فيني انا مهما يكون اخوك الصغير
اوريك بس اصبر علي
تمشي السيارة وفهد وامه وطلال الي البيت ومع الطريق بس صياح امه في الفرح من خروجه من المستشفي ويقول فهد بس عساني اصل للبيت اطيح وانام مرتاح تعبت يا يمه من الابر والتخدير في المستشفي
وصل فهد البيت وشاف سيارات عند الباب وناس وايد وحريم اكثر من الرياييل واشتغرب الحضور القوي له
وانصدم من الناس والورعان ومن يوم نزل من السيارة
وخطف الحريم وسلامات وصياح وبجي وضحك ورقص الفرقة علي الباب ونثر الحلويات ورقص الحريم عند البيت وصياح كلن يسمعه في الفريج
انجن فهد اول ما سلمت عليه ام شقران
فهووووووووووود حبيبي يا ويل قلبي عليك الله يخليك من نصيبي عجوز تبي تتزوج فهد يا عمري بس انت طيب ابي اسوي لك علاج قوي ويريحك من الدنيا كلها يا رب الله يستر عليك ويحفظك وتبوس فيه وتضمه وهو فهد منصدم من الحشد الجماهيري كله ما يدري وشسوي
من وراها ام عنيزان تسلم عليه يا ولدي وشلونك وعساك بخير خلاص انا ذبحت لك خروف ونثرت دمه علي غرفتك عن العين والحسد وتري منيره جبتها معاي
منيره بنت ام عنيزان تبي فهد يتزوجها هي خبله وكلن يقول عنها مجنونه
يا ولدي يا فهد الحمد لله علي السلامة وعساك ما تشوف شر من بعد ام عنيزان وصلت منيره متغطيه ولافه ويها وتمد يدينها بالحسره مستحيه من فهد وما دري فهد الا ورقة بيضاء في يده من منيره ويفتحها الا رقم تلفونها وتقول اتصل بعد الواحده ليلا حيث امي نايمه
اتسغرب فهد منها وضحك والناس تتوالي عليه من الساعه الثامنه صباحا الي الوحده ليلا وهو بس يتلق يالتهانئ من رفيجات امه ورقص
استخف فهد ونظر ايل البيت صار مثل القمامه وما صدق شنو الي صار
وعتب علي امه الناس وعتب علي الجيران يمه انا ياي ارتاح وطالع من المستشفي ابي اريح شوي علشان بكره ابي ادور علي عمل وانتي مسويه المشاكل والتهانئ اشولن لو اني طالع من سجن
يكفيك شره يا ولدي انا ولدي متربي واحسن ولد وهذا شي بسيط وخل الناس تحتفل وتاكل انت حاسدهم علي شي
دخل طلال علي امه واخوه فهد وقال لاخوه
فهد فيه شرطة علي الباب تبي صاحب البيت وهم دورية ومعهم الضابط يسالون عن صاحب البيت
شرطة عسي ماشر يكفينا شرهم
روح يا وليدي شوف شنو المشكلة يمكن مضيعين في البيت او غلط شي
طلع فهد وقلبه علي ايده ولقي الشرطة جدامه قال لهم نعم يا اخوان
انت صاحب البيت
نعم انا صاحبه
يا اخوي تعال معنا الي المخفر مسجلة عليك قضية ازعاج العالم والجيران من الصباح مشتكين عليك جيرانك من سبب صوت الموسيقي
شنو وشتقول
منو مشتكي علينا
واحد اسمه ابوعبدالله علي راس الشارع يقول ازعجتوه من الصباح
ابوعبدالله شايب خطب ام فهد ولم يزوجه فهد وهو كل فرصة ينتقم من فهد باي شي او اي ثمن
يلبس فهد ولسان حاله يقول حسبي الله ونعم الوكيل ويذهب للشرطة



شكرا لكم اخواني
وتابعوا فهد في موقفه في الشرطة راح تشوفون اشياء ما تصدق
شكرا لكم

يلبس فهد ويكشخ بعد عناء طويل في هذا اليوم السئ الذي يواجه فهد واهلكه كثيرا ولسان حاله يقول حسبي الله ونعم الوكيل
يخرج ويركب مع الشرطة الي المركز الشرطه ويصل هناك ويدخل علي الضابط ويقول له
هل انت فهد الفلاني
نعم انا يا حضرت الضابط هل هناك سوء او مشكلة حتي تطلبنا او علينا شكوة في هذه الساعة من الليل والوقت متاخر
نعم انتم يا فهد اشتكي عليكم ابوعبدالله جاركم يقول انكم ناس مزعجين وعندكم رقص واشياء لا يسمح لي ذكرها ابداا وتطويل علي المسجل واشياء كثيره
فهل هذا صحيح
نعم يا حضرة الضابط انا اليوم خرجت من المستشفي وقد قامت الوالده في عمل حفل بسيط وقد اتاخرت الي اخر الليل ولم نستطع ان نطرد الناس حتي يخرجوا كلهم وقد انتهت ونحن نعتذر لكم وللجيران عن اي سوء او مشاكل او ازعاج ومستعد للاي تعهد بعدم الرجوع ايل الازعاج مره اخري او عمل حفلات ثاني مره
الحمد لله علي السلامة يا فهد ونتمني لك الشفاء العاجل ولكن الان سنعمل لكم تعهد حتي لا تطور الامور بينكم وبين جاركم ولكن هل سمحت لي ببطاقتك لدقيقه حتي يكتب الكاتب التعهد لك تفضل يا فهد استريح حتي ياتي في اقرار التعهد لقد تشرفت في معرفة الشباب الطيب الذي تمثله ويمثلك في اخلاق وتهذيب عالي
شكرا لك يا حضرة الضابط واتمني ان نخلص في سرعة حيث انني مريض وخرجت اليوم ولك كل الشرك والتقدير
يجلس فهد عند الضابط وينتظر ورقة التعهد حتي يخرج من مركز الشرطة ليذهب الي بيتهم حتي يستريح من عناء هذا اليوم
ربع ساعه والا اربع من الشرطة ياتون ويطلبون الضابط الي الخارج ويدور بينهم حديث طويل وهم يقولون نعم يا سيدي انه فهد المجرم وقد تاكدنا من اسمه من الكمبيوتر وقد اطلعن علي سجلة الاجرام
ولكن شكله لا يدل علي انه مجرم وهو محترم
يا سيدي لقد تاكدنا صحيحا
اذا دقائق حتي لا يحس بنا سنقبض عليه
دخل الضابط وقال لفهد انت فهد محمد السيد
نعم انا لماذا يا حضرت الضابط
انت مطلوب لنا بقضايا كثيره ومن اشد المجرمين
ماذا ماذا ماذا تقول ليس انا تاكدوا انا انسان بسيط لم ادخل مركز الشطره في حياتي تاكدوا لو سمحتوا
رجا لقد تاكدنا قف لا اريد ان تجلس يا شرطي ضع القيود في يديه وافتح التحقيق معه حتي ناخذ اقواله وجرائمه
يا حضرة الضابط انتم غلطانين الله يسامحكم كله من ام شقران هي البلاوي من شفت وجها وهي مشاكل في مشاكل
منو ام شقران يا فهد
هل هي معاونتك
نعم يا سيدي هي معاونتي وهي التي تخطط لنا في كل جريمة وهي من تبيع المحصول لنا وهي من تقطع الجثث
نعم ساعترف بكل شي
فهد يوهق صديقات امه بكل شي وهو لا ذنب له والضابط يسجل كل جريمة لصديقة امه وعنوانها لطلبهم للتحقيق
بدا فهد يسرد حكاية كل صديقه لامه وكم دور لها في جرائمه وهو برئ ولكن يريد ان يعقدهم ويريد ان يدخلهم في مشاكل لا تحصي ولا تعد
حتي ابوعبدالله الي جاي يشتكي خلاه فهد رئيس العصابه في الجريمة وهو الذي يديرها وهو الذي ينضمها بكل اتجاه
حتي منيرة التي تبي تزوجه جارتهم وضعها انها الي تسافر بري وتسوي الصفقات وهي التي تقتل خارجيا وهي التي تدير منظمة كاملة في الجريمة يعني فهد شبك العالم كلهم حتي يطلع منها وهو سالم جداا
يستمع الضابط ايل فهد ويدون كل ملاحظه وهو شغةف في الاستماع له لانه كسب قضيه هامه جدا ويبي يفتخر فيها جدا امام الضباط والوزير حتي يترقي ويكسب نوط الخدمة لبلده في القبض علي اخطر عصابة
وفهد يسرد كل التفاصيل من اول وجديد
وكل افراد الشرطة تستمع لكل تفاصيل وهي خرطي من نسج الخيال من فهد وخياله الذي لا يعلم عنه الا هو ولا يدري عنه كل الناس
يبدا الصباح وفهد يسرد كل قضيه من ناحيه والدنيا تدون
يامر الضابط افراد المركز ويقول لهم كل حرمه وكل بنت وكل ريال يقبض عليه الان وياتي الي الشرطة مقبوضا عليه وفهد يتكلم ويشرح القصص الخياليه من خياله الجميل جدا
والضابط يفتخر امام المركز انه القي القبض عليه ويسرد من القصص الخياليه مثل فهد وهو كاذب ليس عنده شي ابدا
والشرطة ذهبت الي القبض علي الفريج كله ومنهم ابو عبدالله الذي عمره سبعين عاما
وساعتين والفريج في مشاكل وهوشات وام شقران تهجم وتهاوش وهي تطلب من ضابط يلق يالقبض عليها وام منيره عراك لين خلت الشرطي ينحاش وابو عبدالله في عصاه كسر الشرطة والناس حاست صار مو فريج معركة قاتله
لين وصلت الشرطة وجابت كل الناس الي المركز وبدا التحقيق معهم من جديد واحد بعد الثاني من الصباح الي المساء لين صار شي عكس الامور كلها
راح شرطي الي الضابط وقال سيدي هناك غلط كبير اتخذناه وهو ان فهد ليس المجرم الذي قيل عنه او قلناه ابدا ليس هو
ماذا
ماذا تقول
لقد قلت ان فهد غلط ليس هو ولم يكون المجرم
شنو وديتنا بداهيه الله يخرب بيتكم انتم كلكم
روح جيب لي فهد
فهد يا جحش تقول انك مجرم والناس هذي مجرمه وقصص وحكايات ومشاكل وقتل وانت ما تسوي ذبانه يا ذبانه
شنو يا حضرت الضابط
الحين ابي اسوي لك ازعاج سلطات وابي الفريج يسوي لك اتهام باطل تاكل فيها سجن سنتين الي خمس سنين يا جحش يا صغير
يا ويلي وقعت في راسي


بكره نكمل لكم احداث كثيره ورائعه لفهدشكرا لكم
وتابعونا