بسم الله الرحمن الرحيم
في اول موضوع ليه في هالمنتدى بعرفكم على نفسي بقصه صارت لي مع وحده.. طلعت روحي ..
وعلى يدها تعبت نفسيتي بشكل ما تتخيلونه ..
وعدتنا انها تزورنا ومن اسلوبها فهمنا انها راح تسكن معانا على طول..
صارت بيني انا وزوجي مشاكل من قبل ما تشرف ..
وصرت على طول تعبانه ولا ليه نفس اكلم احد .. مع اني ما اعرف كيف راح يكون اسلوبها معي لما تجي ..
الا اني ما تفائلت خير لما شفت اثار فعايلها على جسمي ..
ولا ارتاحت الا لما دخلتني المستشفى وانا امر بسكرات الموت .. وبعدها شرفت وقامت تبكي وكأنها متأثره من فعايلها فيني
المهم اني حقدت عليها زياده ..
ونويت اني ما اعطيها وجه ولا حتى اطالع فيها ..
ولكن لما حطوها في يدي وقالوا لي رضعيها .. ولقيتها تدور مني بس لمسة حنان وتخبي وجهها في صدري ..
سامحتها على كل شي .. وذبت في حبها ..
ادعوا لي ان الله يحفظها هي واخوها لي من كل شر
الروابط المفضلة