انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:

عرض نتائج الاستفتاء: ما رأيك في المضوع ؟

المصوتون
22. لا تستطيع التصويت في هذا الاستفتاء
  • ممتاز

    17 77.27%
  • جيد جدا

    1 4.55%
  • جيد

    1 4.55%
  • مقبول

    1 4.55%
  • ضعيف

    2 9.09%
الصفحة 1 من 6 12345 ... الأخيرالأخير
عرض النتائج 1 الى 10 من 59

كورس مجاني لتعليم لهجة أهل الرياض و ضواحبها . لغير الناطقين بها.

(ملتقى الإخــاء والترحيب - منتديات لكِ النسائية - الأرشيف)
...
  1. #1
    أريج الليلك's صورة
    أريج الليلك غير متواجد النجم البرونزي
    تاريخ التسجيل
    May 2005
    الموقع
    أن { لا } قرار ,,
    الردود
    561
    الجنس
    أنثى

    كورس مجاني لتعليم لهجة أهل الرياض و ضواحبها . لغير الناطقين بها.

    الله يسلمكم هذا أول موضوع لي و أتمنى أنه ما يكون مكرر . و بأبريء ذمتي و أقول لكم أن الموضوع
    م ل ط و ش لكن والله فيه تعديلات و اضافات كثيرة مني .


    و أتمنى أن يعجبكم الموضوع و تستفيدون ، و بأعلمكم شيء فيه كلمات اندثرت و ما عاد تستخدم و فيه أيضا كلمات تستخدم في ضاحية من الرياض و لا تستخدم في أخرى .
    نبدأ باسم الله الرحمن الرحيم :
    أول كلمة نبدأ فيها هي :
    تسذا : المعنى بالنسبة لي واضح يعني (( كذا )) ولازم تقولونها و أنتم مادين براطمكم
    .

    فيذا : فيذا يعني: هنـــــا ، مثال : حطوا ردودكم فيذا تحت .
    مـــــــير : بتحسبونها كلمة إيطالية . هذي و الله الورطة وش معناها ذي ، يمكن تكون فاصل إعلاني .
    مثال : تتكلمين أنتِ و صديقتك عن شيء و ذكرك هالشيء بصديقة لك ثانية و فجأة تسألينها : أيه ميــر وش أخبار فلانة عساها بخير فتسولفون عنها و بعدين ترجعون للي كنتوا تتكلمون عنه عاد بكيفكم المهم انها تجي فجأة


    صدز : يعني : صدق ، والله و زي كذا .
    صدزية : صدقية ، حقيقية و بما معنى ذلك .

    زلابة : يعني بطة ، وهذي أنا أول مرة أسمع بها و العمدة هنا على اللي كتبها ما أدري عنه .

    دبوج : بس أنها شينة و إذا أحد قالك إياها تراه يسبك , و فيه أشهر منها و هي :
    دلـــــخ : و هذي سبة بعد و نفس اللي فوق و معناها خبل . معتوووووووه >> حلوة معتوه <<
    دجة : ما عنده سالفة .



    هزع : و تنطق بفتح الهاء و الشدة بالكسر على الزاي و السكون على العين .
    و معنى ذا الكلمة يعني طمن أو أومئ مفهومة إن شاء الله.

    مهيب - و مهوب : تعني بالعربي : لــــــــــيس .
    مثال: هذي الدراعة مهيب لتس يا نوير هذي لأختس حصيصه >> لاحظوا ما فيه تدليع بس عيارات <<

    هق!وتي : و نطقها يكون أولا تنطق هق وبعدين وقفة بسطة تشهقون شهقة خفيفة و تكملون بعدين الـ ( تي )
    و معنى هالكلمة : أغديـــه ، على بالي أشرح ، بس حبيت أقولكم ان غديه نفس هق وتي و المعنى : أظن و أو أعتقد . مثال : ( هق وتي أن دحيم يجي الليلة ) يعني أتوقع أن عبدالرحمن يجي الليلة . و إذا تبدلونها باغديه عادي .


    توحي : تسمع ، مثال : إذا جيت تسلم على شايبن من شيبانكم تهزع على راسه ( سبق شرحها ) و تقوله مساك الله بالخير ، بيقول هاه وشو ؟؟؟؟ على طول أنت قله : أنت توحي طال عمرك .
    أبووو : هذي مالها معنى صدز لكن مثال : قهرك شيء بتقوول أبوو ال........ و تقول اللي قاهرك . لكن مهيب زينة في بعض الأحيان .


    كتــــــر : زي معنى حافة أو طرف ، بس هذي تستخدم في الأواني فقط . مثال : اثنين قاعدين ياكلون من صحن واحد مع بعض و الأول أخذ من جهة الثاني فيرد عليه الثاني و يقول : لا تأخذ من كتـــــــــــري .. يعني جهته )
    جـغـمة : يعني رشفة أو جـــرعة .
    تشلق : يعني ، ما أدري وشلون تنقال ذي ، المهم أن عكس ذا الكلمة تغط . مثال : أنت قاعد تاكل شيء في خبزة فلما تغط الخبزة راح يكون الغط خفيف و ما تاخذ كمية كبيرة ، لكن تشلق العكس إذا شلقت بالخبزة بتاخذ نص الصحن .
    بصـــــرك : ترى مهيب أو مو بـــــــصر يعني نظر لاااااااااا ، بصرك تُنطق بفتح الباء و الشدة الخفيفة على الصاد و الفتحة للراء و السكون أو الوقوف للكاف . ومعناها : كيـــــــــــــــفك و براحتك .
    مثال : ناديتي وحده تبينها بشيء و تعذرت هي تقولين لها أنتي ببصرك .



    بــــــــــــعدي : مثال : ولد ذاكر و مستانس راح قال لأبوه : يـــــــبه خلصت مذاكر . بيقوله أبوه : بعدي ولدي
    يعني المهم أنها مـــــدح .

    أمحق : هذي محتارين فيها العلماء اللغويين بس إنشاء الله خيـــــــــر و بيطلعون لها تصريفات ماضي و مضارع .
    و الشرح لذا الكلمة ، زي كلمة أيه هين ، مثلا واحد قاعد يشوف الأخبار و جاء بووش الله يورينا فيه و قال كلام مثل كلامه اللي أزعجنا فيه : سيحل الأمان في الشرق الأوسط قريبا ، فيرد اللي يتابع الأخبار يقول : أمحق هذا وجهي ان صار عندكم سلااااام . أتمنى أني قدرت أوصل شيء من ذا الكلمة .

    (( أقووووووول لو أبو الأسود الدؤلي و لا سيبويه عايشين ما أدري وش بيجيهم , يمكن أقل شيء في شهار ))

    يدربي : يعني : يدحرج ، مثلا إذا قلنا عن واحد : يدربي رويسه . يعني يدحرج راسه . و يدحرج راسه يعني : عايش مع الناس ولا يدري وين ربي حاطه .
    كنادر : يعني جــــزمـــــــــة أو حــــذاء الله يكرمكم . و ما أدري من وين ماخذين هالكلمة
    زبيريات : نوع من النعال (( الله يكرمكم )) و هــــــــو أحسن مبيد فعال للحشرات و الصراصير و الظواطير ( سيأتي شرح هذي الكلمة الآن ).
    الظواطيـــــــــر : لها معاني كثيـــــــــــــرة ، وهي : أبو بريص ، بعرصي أو وزغه كلن يختار اللي يفهم .

    سرسري أو ســـــــــربوت أو سريبيت كلها تعني : داشــــــــــــــــــــر أو صايع في الشوارع و هو أسرع واحد يطيح في التتن اللي هو الدخان .

    بـــــــــــــــــرندا : كيف الحال ؟؟ ما أدري وش بلاهم سموه برندا ، الظاهر علشان أول من شربه في الرياض كان بردان و معه انفلونزا و مزكم قال برندا .

    محلي : ترا ذا الكلمة مو محلي يعني وطني لاااااااااااا تنطق بدون الشدة على اللام و معناها : مصدي ( من الصدأ ) أو قديم.
    يـــــــــا خزيـــــاه : أكثر من يقولها العجز الله يخليهم لنا و يطول في اعمارهم . و هي بمعنى : واعيباه تجي هالكلمتين في حالة الفشيلة أو الحياء .


    و من أشياء العجز عندنا : الديرمة أو الديرم وهي خشـــــبة يحطونها بين الشفايف و يفتحون و يسكرون عليها إلى ان تتلون الشفايف بلون أحمر زاهي ( يا عيني على الكشخة ) و اللي تبي أرسلها من هالروج الحلو ما عندي مانع بس بشرط تعطوني قيمته . يكفي أنه ما له مدة انتهاء و بعدين روج العصر الحجري .

    يصطــــــــر : يعني يكفخ أو يصفق أو يصفع . مثال : تهدد واحد قله ترى باصفقك كف ولا ترا باكفخك . على طول ينحاش .
    السواني : روحوا للجنادرية و تعرفونها ، مهوب تروحون الفيصلية و تفشلونا . و هذي الله يسلمكم البعارين اللي تعمل في إخراج الماء من البئر .
    سماط : لا تروحون للجنادرية ، لا روحوا لمحل أواني و قولوا له عطنا سمــاط بيعطيكم سفرة أكل .
    دارسين : خشب يحطونه في الطبخ يمكن أنه عود . لا أمزح أخاف الحين تحطون العود في الطبخ معروف أنه هو القرفة .

    نـــنــتـــسب : باعلمكم وش لون تنطق أول ، تنطقون النونين بسرعة مع بعض ثم توقفون لمدة ثانية و تقولون تسب بسرعة . المعنى من هالكلمة : يعني نغرف الغداء أو نحط الغداء .


    مراصيع : و فيه رواية أخرى رصع .. هو نفسه بس بطريقة ثانية ، و يسمونه احيانا مصابيب .



    تِرم تِرم : هذا فيلم كرتون من أول يسمونه تِرم تِرم ، و الحين صار أسمه النمر الوردي و عيال النعمة سيمونه بينك بانثر . سبحان مغير الأحوال .



    عــــــــــوافــــــي الله : هذي الكلمة عقدت البزارين كلهم دائما تستخدمها الأمهات لتخويف البزران إذا بغوا يطلعون الشارع في الليل و يقولون لهم : تــــــــرى بتجيك عوافي الله .


    و البزران : الأطفال الصغار .



    وشذا : يعني ما هذا what is this ؟

    لابد : ننطقها مع بعض مو معناها لا بد يعني يجب لاااااااااا ، معناها مختبأ أو قاعد و هو مسوي شيء غلط مثال لذلك : وراك لابدن فيذا و أنا أدورك من صباح الله .

    رد : يعني طـــــــرف أو سكر . و مثالها : ردي الباب يعني سكري الباب .

    خــــــــــوش : وذي وشلون أشرح معناها ، لا تحسبون أنها كلمة تخوف لا عادية .
    صدوا للبر : عبرة تدل على التعجب ، ما أدري وش معناها بالظبط .

    الحوي : الحوش و الفناء اللي يكون في وسط البيت ، هذا من أول يوم كانت البيوت فيها في الوسط زي المساحة الصغيرة لكن الحين تغيرت الحال الحمدلله .
    هون ، أو هونت : وتنطق بالشد على الواو و تعني : مثلا واحد كان ناوي يطلع لمكان أو يسافر و صار له شيء و هون .
    مــــــــــيده ، أو ميدها : مو ميد المحل ، لا هذا معناه : وش رايكم نضرب مثال أصرف :
    مثلا واحد شاف اخو صديقه و سلم عليه وقاله : قل مـــــــــــــيد أخوك أني أسلم عليه و مشتاق له .

    زدر : قدر اللي ينطبخ فيه .

    أنقلع + أذلف + فارق + طس = (go away)!
    أمصع : المصع المعط بأقوووووووووى شيء . مثال : أم تقول لولدها تعال ولا ترى بامصع أذانك .

    و ختــــــــتم بحـــــمد الله و فضـــــــــله

    متى تبغون الأختبار ؟؟


    أتمنى أن يكون عجبكم .




    .

  2. #2
    فاقده غاليه's صورة
    فاقده غاليه غير متواجد النجم البرونزي
    تاريخ التسجيل
    Mar 2005
    الموقع
    رحلت وكلي شووق لمن احببت هنــــــــــــا
    الردود
    786
    الجنس
    ذكر
    ههههههههههههههههههههههههههههههههاي


    حلوووووووووووووووه اروووووووووجه


    بس لحظه انتي تتكلمين الكلام هذا دااااااااااااااااايم


    والالالالالالا في المنااااااااسبااااااااااات


    شكرررررررررررررااا على القااااااااااااموس الريااااااااااااضي

  3. #3
    - asma -'s صورة
    - asma - غير متواجد كبار الشخصيات
    تاريخ التسجيل
    Jul 2002
    الموقع
    There... Far Away
    الردود
    14,041
    الجنس
    امرأة



    مشكورة على الترجمة

    كأنها لغة تانية مو عربية


    you know where you can find me
    التوقيع مخالف به صور نسائية

  4. #4
    أريج الليلك's صورة
    أريج الليلك غير متواجد النجم البرونزي
    تاريخ التسجيل
    May 2005
    الموقع
    أن { لا } قرار ,,
    الردود
    561
    الجنس
    أنثى
    ما شاء الله عليكم هنووووووووفة و صدو أمداكم تقرون .

    بس لحظه انتي تتكلمين الكلام هذا دااااااااااااااااايم


    والالالالالالا في المنااااااااسبااااااااااات
    والله نصه ما أدري وش السالفة بس أكيييييييييد أسمع اللي حولي وأفهم عليهم بس ما أتكلم إلا إذا كانت اللي أتكلم معها عجوز ما تفهم علي .

    و صدو صح كل منطقة من الدول العربية لها كلامها و نص الدول العربية ومناطقها لها شيء بعييييييييد عن اللغة العربية .

    و تسلمووووون على الردود الحلوة .

  5. #5
    بنـ البدوــت's صورة
    بنـ البدوــت غير متواجد النجم البرونزي
    تاريخ التسجيل
    Mar 2005
    الردود
    673
    الجنس
    امرأة
    هههههههههههههههههههههه


    حلوه أروجه
    بس ما قلتي وين بتعطون الكورس هذا
    لا يكون بخيمتي

  6. #6
    شيماء الإسلام's صورة
    شيماء الإسلام غير متواجد النجم الفضي
    تاريخ التسجيل
    Apr 2005
    الموقع
    بقلب أغلى ناسي
    الردود
    1,416
    الجنس
    أنثى
    هههههههههههههه


    حلووووووووووووووه يا أروووووجه وش رأيكم أسوي كورس مجاني لتعليم لهجة أهل الجنوووب
    وش رأيك شووووقه كذا كلامك ولا مو؟؟؟ اعترفي....

  7. #7
    المغتربه..'s صورة
    المغتربه.. غير متواجد كبار الشخصيات
    تاريخ التسجيل
    Sep 2004
    الموقع
    في المنطقة الشرقية ( الظهران )
    الردود
    12,071
    الجنس
    امرأة
    مشكوووووووره حبيبتي والله كني أسوولف مه جدتي الله يسعدها
    هههههههه
    .
    آخــر كتــآبــآتي :
    * متيــّـــــمـــــــــة *

    .

  8. #8
    كيتكات's صورة
    كيتكات غير متواجد مبدعة الملتقى2
    تاريخ التسجيل
    Mar 2005
    الموقع
    ××ّ((أحلـــــــــــ إمارات ـــــــــى))ّ××
    الردود
    2,021
    الجنس
    ذكر
    هههههههههههههههه
    تسلمين حبيبتي
    الصراحة وبدون زعل في كلام غريب شوية
    بس حلو تتعلمين كلام غيرج

  9. #9
    *ياملحي* غير متواجد النجم الفضي
    تاريخ التسجيل
    Mar 2004
    الموقع
    الرياض
    الردود
    1,688
    الجنس
    امرأة
    ههههههههههههههههههههههههههههههه
    تسني جالستن في جمعة العجز حقت جدتي
    الجمعه الصباحيه والمسائية والظهريه والعصريه
    مشكوووووووووورة
    ذكرتيني فيهن ولو اني اقول بعض الكلمات
    مثل فيـــــــــذا ومهوب اعزهن مررررررره هالكلمتين

  10. #10
    أريج الليلك's صورة
    أريج الليلك غير متواجد النجم البرونزي
    تاريخ التسجيل
    May 2005
    الموقع
    أن { لا } قرار ,,
    الردود
    561
    الجنس
    أنثى
    حلوه أروجه
    بس ما قلتي وين بتعطون الكورس هذا
    لا يكون بخيمتي
    إلا أن شاء الله يا بدوووووووووي خيمتك أحسن مكان لها الكورس . بـــــس فيها بروجكتر علشان الشرح .

مواضيع مشابهه

  1. الردود: 3
    اخر موضوع: 13-04-2010, 04:33 PM
  2. كورس مجاني في الالومبيا بالتعاون مع مستشفي فقيه
    بواسطة المشـ دفء ـاعر في الحمل والولادة و الرضاعة
    الردود: 7
    اخر موضوع: 10-12-2009, 05:27 PM
  3. لبنات الرياض خاصة وممنوع الدخول لغير بنات الرياض
    بواسطة *نجمة* في جمالكِ سيدتي وأناقتك حواء
    الردود: 3
    اخر موضوع: 14-08-2004, 04:00 AM
  4. لغير الناطقين بلغة أهل الرياض...!!!
    بواسطة بـــتـــول في نافذة إجتماعية
    الردود: 16
    اخر موضوع: 12-07-2003, 02:50 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96