بسم الله الرحمن الرحيم
السلام عليكم ورحمة الله وبركاته
شلوونكم بنات .. وش أخباركم .. ان شاء الله مرتاحين .. مبسووطين ..
الحمدلله والشكر ..
ودي أسولف معكم شوي بكم حاجة مضايقتني ..
بتعطوني وجه وتعبرووني ولا بتسوون فيني زي المسابقة الي للحين اشحتكم تشاركوون sid
بسم الله نبدأ
أولا .. بالنسبة للصور الظريفة الي تضعونها بتواقيعكم ..
ماشاء الله تبارك الله أشكـــــال وألوااان ! وأحجام وأعدااد كبيره .. !!
طيب يالغالياات .. شلون راح نقدر نتصفح بسهووله لأنه تحميل الصورة بالصفحة ياخذ وقت
وحنا محنا مضطرين ننتظر تحميل جميع التواقيع !!
يعني ماشاء الله كل وحده منكم لااايقل عن ثلاث !! مب كنها كثيرشوي >>> (( أنواع التخبيص مشوا حالكم ))
طيب يالله ..
نتفق ان كل وحده تحط صورة وحده بس .. أوكي ؟
وودك تكتبين عبارات .. اكتبي الي تبين ..
يمكن تستقلوون انه صورة وحده .. لكن حطي ببالك ان كل عضواات الملتقى بيكون عندهم صور في الموضوع
الي راح يصعب تصفحه ..
لي زميلات بالأركان الثانيه أقولهم وينكم مالكم طلة على الاخاء ! يقولون .. والله التصفح فيه بطيء من كثر الصور والتواقيع !!
يرضيكم كذا شردتوا الناس مننا
خلاص اتفقنا على هالنقطة .. ؟؟
طيب الشي الثـــاني ..
ماشاء الله كل ما أغطس بالبيت شوي .. أرجع ألاقي موااضيع جديدة نازلة ..
أقول ماشاء الله الملتقى صاير حرك ..
لكن ألاقي كل المواضيع مواضيع شخصية ..
الي تنادي زميلتها عشان تهديها توقيع ..
والّي تنادي زميلتها عشان تسألها وش عندك سهرانه اليوم
والألعاااااااب الي تارسة الملتقى بشكل كبير ويومي ..
يعني نحاول ننزل بالملتقى مواضيع زينه ..
اوكي العاب .. بس خفوا علينا شوي
والله ان ودي ألعب معاكم .. بس من كثرها وتشابهها .. اختبصت
عشان كذا نبي الملتقى يرجع يترتب ويتحسن
خلاص اتفقنا على هالنقطة .. ؟؟
شفيكم مكشرين ؟؟
معليش لاتزعلوووون ..
بس أبي أسألكم سؤال ..
تهمك مصلحة ملتقى الاخاء ولا لاء !!!
الي تهمها مصلحة الاخاء وتعتبره شي مهم وغالي .. أكيد راح تحرص انه يظهر بأجمل صورة
سواء قدام العضوات
ولا قدام الزوار غير المسجلين اذا دخلوا ولقوا الملتقى مختبص بهذا الشكل .. !!
أتمنى انكم تتفهموون هالكلام وتقتنعوون فيه وتطبقونه ..
عسى الله يهدينا وياكم ويسعدكم يارب ..
وبانتظار ردوودكم
العضوات الي كانوا معاي بالملتقى أيام اشراف الغاليه (( نيو مون ))
مو موضوعي هذا يشبه كلام نيو مون هذا :
النقطة الأولى: النيـــــة!
نبغى نتفق على إصلاح نياتنا.. ونذكّر بعض دائمًا.. ولازم نسأل أنفسنا قبل لا نفتح الإنترنت: أنا ليش أبغى أفتحه؟ ليش أبغى أدخل المنتدى؟
لازم نحدد لنا هدف عشان لايروح تعبنا على الفاضي.. لازم ننوي نية صالحة عشان نستفيد من قعدتنا على المنتدى بالساعة والساعتين..مو بس ناكل على رؤوسنا فواتير ونخرج خالين الوفاض بلا أجور أو حسنات!!
لأ لازم نكون أذكى من كذا.. نسأل نفسنا هل أنا دخلت عشان أفيد أخواتي المسلمات بما عندي من معلومات..؟
هل دخلت عشان أبذل المساعدة لأي أحد يطلبها؟
هل دخلت عشان أسلم على أخواتي وأحتسب إفشاء السلام وأسأل عن أحوالهم وأحتسب التواصل معهم على الخير وممكن أفيدهم ويفيدوني بكلمة أو كلمتين تذكرنا بالله وتنبهنا على أعمالنا؟
--
صدقوني يابنات.. لو أخلصنا نوايانا..وجعلنا الله هو غاية منانا.. راح نتغير.. للأفضل طبعًا
ووقتها..ماراح تزعلي لأتفه سبب.. ولا عشان سمعتي كلمة ماعجبتك من هنا..أو كلمتي فلانة وماردت عليكِ أو حطيتي مشاركة وانحذفت أو أو...
بالعكس..راح تستهيني بهذا كله في سبيل إنك ترضي ربنا وتصلحي نفسك وتساهمي في إصلاح أمتك
فلنتفق على:
1- تفقد نياتنا قبل الإتصال.
2- عدم التعرّض لأي عضو أو عضوة بالإيذاء : إذا عجبنا الموضوع نرد رد طيب وإذا ما عجبنا ماحد جابرنا عالرد "فليقل خيرًا أو ليصمت"..ولو كان الموضوع سيء عندنا زر التبليغ نضغط عليه ونعمل اللي علينا وانتهينا.
3- مراقبة الله فيما نكتبه وننقله.. وعدم التعرض لأحد بالغيبة..
4- نسأل أنفسنا قبل الضغط على زر إضافة موضوع جديد أو إضافة رد: مامدى فائدة ما سأكتبه؟
إتفقنا؟
برضه لاتروحوا بعيد
النقطة الثانية: النكت!
نبغى نتفق على منع النكت منعًا باتًا هنا في الملتقى وفي غيره.. لأنها 99% كذب ومالها أي فائدة إلا الضحك الأجوف اللي يميت القلب! تخيلي نفسك وإنتي ميتة ضحك على شيء ما صار أصلاً!! غير إن الرسول صلى الله عليه وسلم قال: " ويلٌ للذي يحدث فيكذب ليضحك به القوم ويلٌ له ويلٌ له ويلٌ له ".
ولو كان قصدنا ندخل السرور على مسلم فعندنا الكثير والكثير من الطرائف الحقيقية اللي ماهي نكت كاذبة..
غير بعض المواقف اللي تمر علينا في حياتنا وتكون جدًا مضحكة .. سواءً صارت معانا أو صارت لأحد قدامنا أو أحد حكى لنا عنها..
لكن!
يفضل إننا ماننقلها من النت..لأنه ليس كل مايُكتب حقيقة فقد ننقل شيء فطّسنا ضحك ويطلع كذب!
عشان كذا لازم ننتبه..
فلنتفق على:
1-عدم كتابة النكت سواءً اللي قرأناها أو سمعناها أو غيره.
2-عدم نقل المواقف الطريفة من النت.. لأننا لاندري عن صدقها من كذبها.
3-عند كتابة موقف طريف يجب التأكد من إنه صار معنا نحن أو أمامنا أو أخبرنا به من نثق في صدقه.
صدقوني مو تعقيد..لكن طفشنا من التفاهات اللي تنتشر بين الناس.. نبغى نكبّر عقولنا شوي!
مافيها شي لمن نضحك..بس على شي يستاهل..شي فعلاً حقيقي..صح؟
اتفقنا؟النقطة الثالثة: هناك من يتصفح غيرنا!
وهنا أبغاكم أخواتي تتقبلوا صراحتي.. لازم ننتبه لمن نجي نكتب إنه إحنا بنكتب في منتدى على الإنترنت يزوروه الآلاف.. وعدد أعضاؤه فوق الثلاثين ألف وليس كلهم نساء.. كما أنه ليس كلهم يخافون الله ويتقونه..لاندري عن القلوب وماتخفي بداخلها!
لذلك كان تبادل البريد الإلكتروني والرسائل الخاصة ممنوع في منتدانا..وجزى الله إدارته خير الجزاء على ذلك..فهذا دليل على حرصهم على الأمة وبنات الأمة من شياطين الإنس والجن!
ونحن لمن نجي نكتب لازم ننتبه لهذه النقطة.. مو نروح نكتب معلوماتنا الخاصة أو أوصافنا او أي شيء يفترض إنه الناس ما تطّلع عليه..
ومو معناته إننا نسكت خلاص ولاعاد نتكلم..لأ.. لكن ننتبه. فتبادل الخبرات مثلاً حول شيء معين محل معين أو بلد معين أو حتى طريقة معينة بيفيد الكل سواءً أعضاء أو متصفحين
لكن ما أظن إنه معلوماتك الشخصية وصفاتك ممكن تفيد أحد منهم..بل ممكن تضرّك صح؟
باستثناء لمن الوحدة تطلب مساعدة في مشكلة صارت لها أو تبغى تفضفض ومالها غير أخواتها بالمنتدى..بس برضه لازم تنتبه.
لذلك فلنتفق على:
1-عدم كتابة معلوماتنا الشخصية وما لانرغب في انتشاره عنا.
2-عدم تحويل المواضيع إلى محادثات خاصة chat ونسيان بقية الأعضاء و إلغاء فائدة الموضوع.
3-عدم وضع عناويننا الخاصة..وهذا ممنوع تمامًا في منتدانا
اتفقنا؟
جزاك الله خير عزيزتي نيومون .. كانت في يوم من الأيام مشرفة على هذا الركن
الله يسعدك وين مارحتي وكنتي ..
كلامها درر يابنات صح ...؟؟
ياليت تقروون كل كلمة فيه .. وتستوعبوونه
وتتأكدوون والله ان محبتنا لكم ورغبتنا بمصلحتكم ومصلحة المنتدى والملتقى .. هي الهدف الوحيد
جزاكم الله خير .
الروابط المفضلة