آآخ يا ضيقة الصدر !!!
والله مدري تسيف اببدا لكن
ادري انكن حليلات وتي تسمعن حتسيي
واكيد انكن مثلي
لكن اللي ودي افهمة ليش ما تعودنا على ....؟؟؟
ـ ابسوي اثاره _
الموضوع الله يسلمكن
الوداع
وآآآآآآآآآآآآآآآآآآآخ من الوداع ياشينه
والله الامني ودعت احد أنسى كل الوناسه والبسط
على قول أبو حدووج
_ قليلة خاتمة _
أوديتس لاهلتس والا منتس رجعتي لمي ضاق صدرتس
أجل ما يحتاج تروحين لهم ابد
المهم ما علينا
في مرتن من المرات
قعدت قعودا في ليلتن ليلاء
اهوجس هوجستن بالوداع
وتعمقت في الهواجيس لمين وصلت مرحلة التفكير العقلاني
وقلت لروحي باسلوب مقنع _ تعرفون الاقناع مهم ذا اليومين ويقولون ان الواحد بلا اقناع ما يمشي _
والا مني قلت لبو حدووج اقنعن طيب وشوله تبي او ما تبي قال:
ـ يالله الخيره يوم شاب ودوه الكتاب ـ تبيننا بعد ذا العمر نتغير ؟؟؟ العود على اول ركزة
المهم ما علينا
يوم اني فكرت بحالي قلت واري احزن وانا منذ نعومة أظفاري ـ اللي ما عمره نعم الا ببطن امي ـ
وأنا أودع
ودعت بطن امي تخيلن عشت به تسعة اشهرثمن ودعته وجيت للدنيا
جيت وانا
اصييييييييييييح
المهم كبرت و( تعرعرت ) في عشة أمي الحبيبة وودعتها لم _ الكتاتيب _
رحت وانا
اصييييييييييييح
وكبرت وكبرت
وعشت أطوار النمو((( حشا ~~ جراده !!~~ ))) مع حليب نيدوا
ومن مرحلة لمرحله
مغير اودع وانا
اصييييييييييييح
ثمن جا وداع الثنوية
وآآآآآآآآآآآآخ من ذا الثنوية اللي اكلت عقلي اكل
والله اني لمين اليوم الا ذكرت اني ودعت طيبات الذكر
اصييييييييييييح
المهم
كبرت بعد الثنويه تسم من يوم
ثمن
ثمن
طق طنقطق وعليك سعيد ومبارك
اعرست
وودعت أهلي
كلن مبسووووط
تسريحات ولبس ورزة
وانا
اصييييييييييييح
بديت ازور اهلي كما ذكرت لكم والا رحت عنهم جلست
اصييييييييييييح
حنا نودع اليوم الا راح
والساعة
والدقيقة
كلش الا راح ما يرجع
الا
ـ ام حديجان ـ طبعا على قول ابو حدوج
نودع انفسنا حنا يوم بعد يوم
المهم وشوله ذا الصياح ؟؟؟؟؟
الواحد المفروض انه يتعود على الشي الا منه تكرر تسم من مره!!!
ويستفيد من وقته ويحرص عليه بعمل الخير لعل وليت ولكن والى منه احتاج للحسنه لقاه
~~~~ صدق الجنه ما به فراق ~~~~
الله يجعلنا من اهل الجنه قولن آمين
نجتمع بها على سرر متقابلين ان شاء الله
الروابط المفضلة