المسابقه تفجرك ونت فاتح العين !!
بكل اختصار راح اطرح اسأله .. وياللي فيكم قد التحدي يجاوب على كل الاسأله المطروحه .. وبدون لا يقفز ولا سؤال .. حتى ولو كان الجواب مهب صحيح .. بس يجاوب .. وانا اتحداكم كلكم .. وياللي قد التحدي يجاوب .. ياللي خواف وما يقدر يتحدى يوريني عرض كتافه .. (كذا يعني ابا احمسكم .لا تخافون . هاهاهاها)
يالله نبدى بسم الله الرحمن الرحيم ..
1- من تكون .... وايش اسمك ...
بنت, منوة الروح
2 -ليش دخلت هالموضوع بالذات .!!! ..
العنوان شدني
3- شنو غايتك من التحدي !!
اثبات اني قد التحدي
4- سؤال ولا تزعل .. ليش انته رزه .. !!
سبحان الله
5- وين تسكن .. وباي ودوله !!
دبي, الامارات
7-منو تتوقع بيكون صبور في هاي المسابقه !!!
العنيدين مثلي
8- هل في يوم لو رشحت نفسي اكون زعيمت المنتدى تقبلون << اتحدى اللي يقول اقبل
لا طبعا , على أي اساس؟
9- كم عمرك .. !!!
19
10- ومتى ميلادك ..!!
31/8
11- هل قد احتفلت بعيد ميلادك !!!
هيه
12- هل اهدوك هديه فيه ولا ما اهدوك !!!
اذا مايبغون عمارهم لايهدوني خخخخخخخ
13- مين ياللي تحب تسمع له .. سواء نشيد . غناء ... اي شي ..!!
ماعندي شخص معين, اسمع كل شي حلو
14- مين قدوتك في الحياه .. !! وليش !!!
محد, لأن مافي انسان كامل
15- اذا شفت احد يغلط في يوم .. هل بتنصحه ولا بطنش !!
على حسب هالشخص ومدى قربه مني
16- اذا في يوم قالوا لك بنغتال * بوش* .. هل بتساعد في اغتياله ولا بتروح تخبره .. !! .. عطني رايك بكل صراحه ...لاني افكر اغتاله ....هاهاهاهاها
لا هذا ولا هذاك, لأن اذا مات بوش بيي بداله اللي ألعن عنه ومابيتغير شي
17- مين العضو المقرب لك .. وتحب تشوفه وجه لوجه .. او انك تكون قد عرفته من زمان .. .. لازم ثم لازم تحدد .. لا تقولون ليه كلهم .. تراها بعتبرها لواته .. وانته برا المسابقه ...
الوحيدة اللي لين الحين ارتحت معاها هي لؤلؤة قطر, يمكن لأن شخصيتها قريبة من شخصيتي شويه, وأتمنى أشوفها
18- ليش سجلت في ذه المنتدى .. !!
حبيت الروح السايدة بين العضوات
19- كيف عرفت المنتدى ...!!
بالصدفة, عن طريق جوجل
20- كيف تحس دحين وانته تجاوب على اسألتي !!
لين الحين كل شي تمام
21- هل انته الحين فرحان ولا زعلان !!!! .. وليش !!!
فرحانة لأني قادرة ع التحدي لين الحين
22- هل انته دب ولا ضعيف !!!
رشيقة
23- لو لقيت انسان او انسانه وقال انه معجب فيك .. شنو بترد عليه وشنو بيكون شعورك !! .. وخاصه انك تعرفه معرفه جدا قويه !!!!!!!
استوتلي هالحركة , واستهبلت لأني انحرج في هالمواقف, وشعوري طبعا الفرحة والاحراج في نفس الوقت
24- اذا لقيت واحد جوعان وعندك قطعه خبر .. ونت ملحس فيها من شوي .. هل تعطيه اياها ولا تخاف على صحته ولا تعطيه اياه!!!!!!
اذا هو راضي ليش لا
25_لساتك قابل التحدي؟ !!!
طبعا
26- سؤال .. ليش انته لين الحين تجاوب .. ما مليت مني !!!
بالعكس
27- تصدق اني مليت منك !! .. يالله اقلبوا وجوهكم ..*ايش ردكم الحين علي .!!!*
ادري انه مب من قلبج
28- مين اكثر واحد يفهمك في العايله كلها .. !! .. وليش !!
امي, لأني خبز إيدها
29- هل حسيت بالوحده في يوم ولا قدرت تلاقي انسان يفهمك ..!! ... ولش !!
دايما هالشعور موجود عندي, يمكن لاني كتومه
30- هل تدعي للاموات !! .. ولا تكتفي بالنسيان !!!
اذا سمعت حد يدعي ادعي معاه
31- تراني فاضي .. هل انته فاضي مثلي !!!
فاضيه للتحدي
32- انا انسان صبور .. هل انته صبور مثلي !!! خ خ
لا
33- متى اخر مره اكلت فيها لحم فار !! .. وشنو شعورك وانته تاكله !!
ماجربته, وشعوري بقولج اياه اذا جربته
34- متى اخر مره زرت مريض !! .. وهل طلبت منه انه يدعيلك !!!
قبل شهر ونص, لا لأن كان بيبي
35- هل تحب الاطفال !!!!.. وليش!!!
كلمة احبهم شويه , انا اتخبل عليهم, لأنهم زينة الحياة الدنيا
36- تصدق اني الحين يالس اتابع توم اند جيري !! .. هاهاهاها
اتوقع كل شي منج
37- شنو الرسوم ياللي صج تحبها ولا تمل منه .!!
انا وأخي
38- عدد لي كل الرسوم ياللي شفتها وانته صغير لين الحين ..!!
كل الرسوم اللي نعرض على شاشات القنوات العربية
39- صراحه صراحه .. متى اخر مره شفت الرسوم المتحركه .. وشنو كانت ..!! ...
قبل يومين مع اخواني الصغار بس ماعرفت اسمه
40- هل تحب الرسوم ولا لا !! .. وليش !!!
مب أي رسوم يعيبني , لأن في بعضهم مملين والقصص معاده
41- الحين بسأل عن البطاقه الشخصيه ...
الله يستر
*******************************
وبنقلب الارقام لنجوم ..هاهاها.. تراني وريتك نجوم الليل في عز الظهر ..هاهاها
*******************************
البطاقه الشخصيه...
* شو رايك بالمنتدى؟ولماذا
فب ايجابيات وسلبيات, لأن هذا حال كل شي في هالدنيا
*شو حكمتك فالحياه؟؟
ان لم تكن ذئبا اكلتك الذئاب
*شو امنيتك فالحياه؟؟
اني اخلص دراستي واعرس
*اذكر لنا اسعد موقف؟؟((شرط انك تذكره))
يوم حبني اخويه وحضني لأول مرة في حياته
*اكره موقف سار لك؟؟((شرط انك تذكره))
مره كنت اسوق سيارتي وطافني واحد مسرع , ومن كثر ماكان مسرع الحصا اللي في الشارع طارت ع سيارتي, انا ماشفت شو استوى بس سمعت الصوت,واختي قالتلي ان الجامة تشرخت, ولحقت الريال ووقفته في الشارع , وبعدين اكتشفت ان السيارة ماستوابها شي وان الشرخ من المخفي وموجود من زمان, بس هزبت الريال عسب مايسرع مرة ثانية خخخخخ
*من في رايك افضل وانشط عضو فالمنتدى؟؟من دون مجامله
مادخل دايما لكن لاحظت نشاط المغتربة
*وشو رايك باسألتي !!؟
في منها الزين وفي منها الشين
*كم وحده او واحد عندك فالماسنجر؟,((شرط الاجابه))
48
*****************************
هاهاهاها.. تراني بعدني ما خلصت ..هاهاها.. وراكم وراكم والزمن طويل
الله يعينا
* شو نوع موباييلك
نوكيا 7610 ونوكيا 6620
* شو احلى دوله زرتها !
استراليا
* شو اكثر مادة تكرها و كسلان فيها؟
البزنس
* و شو اكثر مادة تحبها و تستمتع في مذاكرتها؟
الماث
* شو اكثر شىء تكره في الدنيا ؟
النفاق
* و منو هالشخص اللي تكره وايد و تحس انه دمه ثجيل مثله و فخاطرك تعطيه بكس في عينه وليش !!!
وحدة في الكلية معايه
*و شو اول شيء بتسوي يوم بتتخرج ان شاء الله
بدورلي وظيفة
* و خبرنا متى حسيت انك اغبى شخص في العالم و ليش
يوم اصدق الكذب
*ايش احلى و اغلى هديه وصلتك ومن مين ؟
سيارتي , من ابويه
* ايش اكثر شيء تشتاقله الحينه ؟
ربيعتي
*مين العضو اللي تحس إنه يستحق لقب قلب ذهبي؟
ماعرف
* ايش ناوي تسوي بعد ما تجواب على اسألتي !!
آخذ فترة نقاهة لمدة يوم كامل من المنتدى
* وش شعورك الحين .. هل مليت .. ولا بعدك تتحدى . هاهاهاها
افا عليج قدها وقدود
* منو ياللي رافع ضغطك اكثر شي .. انا ولا انسان ثاني !!
وحدة من الي ويايه عالماسنجر
* ايش رايك باسألتي !!
في منها الزين ومنها الشين
* ايش رايك بالامتحان .. هل هوه يسوى انك ترد عليه وتتحدى .. ولا تلتزم الصمت وتسكت !!
يسوى ونص
* وش الشي ياللي رفع ضغطك في اسألتي !!
كل شي تبغيله تفسير
* ليش انته لين الحين مصر وبشده انك تجاوب على كل شي ..!
لأني عنيدة
* هل تعتقد انه اسألتي صعبه عليك !! وليش !!
بعضها صعبة لأن يبالها صراحة وجرأة
* وش رايك باللعبه الجديده اللي نزلتها؟ !! .. ولاا لساتك ما شفتها ؟ وليش؟؟
ماشفتها لان هالموضوع لفت نظري اكثر
* مين ياللي ترتاح له اكثر شي في حياتك !!!.. الصديق ولا الاخ !! .. وليش !!
الصديق, لأن مابيكون صديق الا اذا جمعتنا اشياء مشتركة وهذا اللي ماينوجد في الاخوة
* ايش رايك بالايس كريم !!
حلو بس مب في كل وقت, ومب أي نكهة
* ايش رايك بالاكل كعامه .....!!
الانسان ياكل عسب يعيش
* ايش ياللي تحبه من الاكل .. وشو ياللي ما تحبه .. !!
كل شي مافيه سمج
* الحين نفسك في ايش!!
في فالودة
* هل تحب ولا ما تحب .. تراه يقول مسترعنقليزي ما من غصن ولا هزته الرياح ..هاهاهاهاها
احب
* ايش رايك بشباب اليومين هذيلا !! ..
يبالهم ضرب
* وش رايك ببنات اليومين هذيلا !!<< احترم نفسك ونت ترد
يبالهن ضرب
* مين الشخص ياللي يقهرك اكثر كل ما تشوفه في التلفزيون .. غير شارون .. هذا صار معروف .. نبي غيره .!!!
ميشيل قزي
* اي قناه تحب .. وليش !!
دبي الرياضية, لاني احب الرياضة ومتابعة المباريات
* هل تحب الاخبار ولا تكرهها مثلي !!
مب مسألة حب أو كره كثر ماهي مسألة فضول
* منو الشخص ياللي تبي تعطيه بكوس وطراقات حاليا .. طبعا غيري انا ..هاهاهاها
وحدة معايه عالماسنجر
الحين .. قولي ... ايش شعورك .. تعبت ولا بعدك ..
قلتلج قدها وقدود
* هل للعدوا ايجابيات مثل ما له سلبيات؟ !!!
كل شي له إيجابيات وسلبيات
* مين اخر شخص كلمته في البيت !!!
اخويه
* مين اخر واحد دق عليك التليفون اليوم !!
بنت خالي
* مين الشخص ياللي يوم تشوف رقمه ما ترد .. وليش !!!
اختي, لأنها بتقول ظهريني
* هل تتوقع انك بتاخذ الدرجه كامله في هالامتحان ..نيا هاهاهاهاهاهاي .. ولا لا !!!!
ماتوقع
* ليش الدنيا دوم سودا في اعيون الناس !!
لأن الناس يشوفونها بهالطريقة
* ليش تتوقع انك متحمل لين الحين كل هالاسئله ..!!
لأني عنيدة
* انا بعدني ما خلصت . .هل تتوقع اني بطول عليك !!!
اتوقع كل شي منج
* ليش كل واحد فينا في هالايام يفكر بنفسه اكثر عن غيره .. وصارت الانانيه تعبتر شي مطلوب في حياه كل شخص !!!
ان لم تكن ذئبا اكلتك الذئاب
* ليش الانسان بطبعه طماع ..!!
لأن فضل حياة الدنيا عن الآخرة
* ايش رايك بشهر رمضان !!
فرصة لكل مسلم انه يزيد من الاجر والثواب
* ايش رايك فيني بعد كل هالاسئله ...!!
فضولية
وأبغي اجاباتج على كل هالاسإلة
<< تنفعي في صااادوه >>
* الحين بخليك .. بس تراني وراك وراك .. للمستوى الثاني من هاي المسابقه القويه ..هاهاها
حشا مابغيتي
بس بنتظر المستوى الثاني
================
قمرخالد.
الروابط المفضلة