حبايب ألبي بنات بلدي بتشرف وبنبسط والبحس إنو الدنيا مو سايعاني من الفرح لما بيزيدوا حبيباتي الفلسطينيات ولإنو الغربة شتّتتنا وغربتنا وبعدتنا عن بعض وحرمتنا من ريحة بلادنا الطيبة اللي والله لا أعوضها بمال الدنيا (والله إنكم بكيتوا من الفرحة ودموعي مو راضية تتوقف ) يا جماعة فلسطين حبها دابحني وحموت عشان أرجعلها لكن لظروفنا الخاصة لا نستيطع حالياً ،،، مع أني مواطنة أنا وزوجي وأبنائي (أكبر نعمة طبعاً) بس للأسف لا أستطيع السفر إليها حالياً .......... يارب تجمع شمل الفلسطينيين ... يارب فيكم على خير وأشوفكم عن قرب وكلكم بتشرفوني في بيتي ..... مع إنو بيني صغير 3 غرف وحمامين ومطبخ نزام أمريكي بس مو مشكلة كل غرفة 150 شخص بتكفي عشان متل ما بحكوا امهاتنا بيت الضيق بوسع 100 صديق أعتقد إنو هيك بس أنا بيتي بوسع 150 عشان الحبايب اللي فعلاً مبسوطة فيهم .
هالة يا هالة منورة حبيبتي يا نابلسية جماعتنا أنا عايشة بالمخفية يا روحي جنب جامعة النجاح ,,, ياريتك تروحي هالمنطقة بشارع رفيديا وتشوفي شو حلوة ........
العندليب ... القمر يا بنت غزة الصمود على فكرة أول مرة بسمع بالمغار بس بتشرف إني سمعت فيها وصاحبتي بحي الزيتون بس ما بعرف وين بالزبط .... بس هي من عيلة أبو زور وزوجها المشهراوي .. إذا وصلتيلها؟؟؟
أم أيموني ... اسم دلع كتير حلو يا أحلى بلد صفد والنعم والله وكمان مجدل كل الحلاوة الفلسطينية باينة من صورة ابنك العسل الله يخليلك إياه يارب ويبارك في جميع الشباب والاطفال ....

بحبكم وبتمنى يزيدوا الغاليات كمان وكمان وبدنا نتعرف على كمان لا تقطعوا يا غاليات يا بنات الغالية فلسطيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييييين

اختي انا كنت برفيديا مرارا واكلنا بمطعم المائده هناك بس الوقت هدا ممنوع نروح غضب الله مانعينا نروح الله يهونها والله حاسين بك وباشتياقك وان شاء الله يلم شملك ببلدك وبلدنا الحلبيب

انشالله حبيبتي الفتاة الطويلة يارب يلتم شملنا وكلكم بدون استثناء معزومين عندي
وعلى فكرة مطعم المائدة الذهبية لقريبي ودائماً كنا نروح عليه وعنجد بيجنن وياريت تهدى الأوضاع ونرجع وأتقابل معاكي هناك لإنك لحد عندو وصلتي وطبعاً بنضلنا مراسلين بعض ان الله راد ولما برجع فلسطين وتهدى الأرضع بنتواعد وبنتلاقى وطبعاً كل البنات انشالله ............ حياكم الله يا أروع بنات
ياريت لو أخت فلسطينية تعمل موضوع جديد للفلسطينيات ونتشارك فيه لإنو هيك بنحس إنو ببلادنا لما بنتلاقى وكل وحدة تحكي اللي عندها عن فلسطين لإنو بصراحة متغربين عن أرضنا بس ما بدنا نفضل عايشين بهالهم فهيك بننسى شوي من الغربة ومن البعد صح ولا أنا غلطانة .....؟؟؟؟؟ شو شايفين ؟؟؟؟ وهلأ حفتح موضوع جديد وياريت تشاركوني فيه ... يالله رايحة .. باي

سبحان الله وبحمده ....... سبحان الله العظيم