بسم الله الرحمن الرحيم
في البداية:كل عام وانتم بخير..
واللي ناويه تحج تعلمنا من الحين عشان نرسل معاها (بدعواتنا الخاصه)وأولها الجنة والتوفيق في الدنيا والاخرة..
ثانيا/ فتحت هالموضوع خصوصا لكل وحده خلصت امتحانات وارتاحت من المذاكره..
أهنيها أول بالإجازه وعقبال مانهنيها بالنجاح..
وفتحت الموضوع كمان عشان أسلم عليكم وحده وحده..وأقولكم :
وحشتوني..وكل الأخوات هنا وحشوني
الإمتحانات ألهتنا عن المنتدى شوي بس رجعنا له في الأخير..أحب أسلم على البنااااااات كلياتهن..ركزوا على(كلياتهن) معناها( كلهم) وليس( جمع كليات) <<<< متعقده من سيرة الكلية (:
وكان ودي أرسل للأخوات فردا فردا رساله على الخاص
بس حبيت أطمن عليكم من هنا عشان ماتخونني الذاكره وأنسى غاليه على قلبي..ياليت تطمنونا عن الإمتحانات واللي طلعت نتيجتها تبشرنا..
أما أنا باقي على أعصابي..النتيجة ماطلعت ..والله الساتر!! تحت الصور راح أسولف لكم شوي عن امتحاناتي..هذا إذا قدرتوا تضغطوا على أعصابكم وتكملوا الموضوع.لنهايته (:
شوفوا يابنات هذي بعض الصور لقطتها وأنا أتمشى في النت.إن شاء الله تعجبكم..
تصدقون امتحاناتي كانت شهر كااامل واسبوع متواصلة
..(يعني امتحانات شهريه وعلى طووول امتحان اخر الفصل) <<<<< محد سألها فيه قرقر كتير
وأيامها كان كل شي مستساغ إلا المذاكره
(مستعده أطبخ وأغسل وأسوي شاي ثلاث مرات في اليوم)
بس أهم شي مايكون قدامي كتاب ومترجم وأذاكر!!
بس بصراحه الإمتحانات لفتت نظري لنقطه هاااامة جدا..
..ياااااااللللللللله يابنات قد إيش إحنا مقصرين!!
لو إنا نحمل هم امتحانات ونتايج الاخرة..
كنا الحين من الأوائل اللي يدخلون الجنة!!
كنا نتسابقنا وتحدينا حتى نكون في المركز الأول ..هذا المركز اللي نتعب عليه كثييييير في الدنيا!!
الإمتحانات هذي عرفتنا معنى( القلق)
وكم ناس يعيشون كل حياتهم قلق في قلق..اللي في العراق وفلسطين واللي في أفغانستان وياما وياما..عمرهم ماعرفوا طعم الراحة ..على طول زي محنا في الإمتحانات ويمكن أكثر!!
الإمتحانات عرفتنا (الدعاء)
علمتنا كيف كل لحظه نقوووول ياااااااارب ..ياااارب نتوفق وننجح..بس كم مره ندعي في غير أيام الإمتحانات؟؟ وهل دعائنا للدنيا والنجاح فقط..أم للاخرة وجنانها؟؟
الإمتحانات علمتنا ( التكافل)
علمتنا نطمن على زميلاتنا وأدائهم في الإمتحانات ..نتصل على الغايبه ونسأل عن المريضة ونشوف امتحان هذي وامتحان الثانيه..وبس تنتهي الإمتحانات..
يقل التواصل تدريجيا بل ربما ينقطع نهائيا!! إلا من رحم ربي
الإمتحانات علمتنا (الصبر) ا
لصبر فكل شي..على الجهد اللي نبذله..على صعوبة وظلم الأسئلة..على الدوام المتواصل دون انقطاع..على السهر وأرق السهر..بس في غير الإمتحانات تضعف إرادتنا.
.وتذبل عزيمتنا ونصير نتأفف ونتعب حتى من أتفه الأعمال وأحيانا (أهم الأعمال)!!
الأمتحانات تحدي..وقليل اللي يفوز بالتحدي..وكذلك سلعة الله (الجنة)غاليه!!
الإمتحانات علمتنا (قيمة أهلنا)..
حتى اللي في داخل البيت..قليل مانشوفهم..
وقليله اللحظات الل تتكرم فيها الإمتحانات وتسمح لنا نلقاهم.!! الإمتحانات علمتني إن أهلي هم أغلى ناسي وإن واجبي عليهم أهم من أي شي ثاني في الدنيا..
بوجودهم أحس بالأمن والرعاية والإهتمام ..وبغيابي عنهم أحس إن الحياة ناقصة!!
بس وينك عنهم وعن صلة أراحامك في أيام الإجازات؟
الإمتحانات علمتني (المسؤلية)..
بكره امتحانك يعني الليلة لازم تخلصين مذاكره في حدود كم ساعة..
طبعا مستحيل تأجلين الإمتحان لانه مو بكيفك..وصعبة ( تبدأين عمل وماتكملينه)..بس في الأيام العادية أعمال بسيطة مطلوبة منا ونأجلها يوم بعد يوم..
ولو أنجزناها..يكون أدائنا فيها (مقبول) ويمكن (ضعيف) كمان.!! بس في الإمتحان ..نبذل أقصى ما نستطيع وعلى أكمل وجه!!
الإمتحانات علمتنا معنى(الظلم) ..
نتعب ونجتهد وندور لثمرة جهدنا..ونحس بالحرقة والقهر إذا ضاع تعبنا بدون مقابل أو ظلمتنا هذي الدكتورة أو هذي الأستاذة ..نحس بالقهر لو أحد أخذ منا لو درجة..!! في الوقت اللي تاخذ فيه إسرائيل مو درجة
..تاخذ بيوت وأراضي ودولة كاملة من أهلها اللي عاشوا حياتهم كلها ظلم في ظلم..
ويكون ردنا: الله يصبرهم!! وبس!
تعلمت من الإمتحانات ( حقارة الدنيا وتفاهتها)
حقيرة لأنها رغم كل شي تجذبنا نحوها!!
وتافهة لأنه في الوقت اللي احنا ننشغل بالإمتحانات فيه الاف غيرنا يغرق..وينقتل..ويتشرد ..و(تتزلزل به) الأرض..وفيه ناس تبكي وتندب وتتعذب..
واحنا وين؟؟؟؟ ماحنا فاضيين!! في امتحانات ياناس!!
أشياااااااء كثير غابت عن بالنا..وجاءت الإمتحانات وذكرتنا..بس ياليت ما نرجع ننسى مره ثانيه!!
صلاة الفجر ..أيام الإمتحانات..كانت في وقتها ومعاها الأذكار كاملة!! ..
لكن اليوم..؟!؟ سؤال متروكة إجابته للكل..
المعاصي والأغاني والغيبة والنميمة كانت في الإمتحانات ..عدم..لاشيئ!!
لكن اليوم..؟!؟ فضينا والوضع تغير!!
في الإمتحانات من 6 إلى 10 ساعات (قراءة ) و(حفظ ) و( تسميع) كتب ومحاضرات
وبعد الإمتحانات كم ساعه ..كم دقيقة ل(قراءة) و( حفظ ) و(تسميع) القران؟؟
في الإمتحانات ( الوقت) له قيمة وهيبة..واليوم رااااح الوقت وراحت معاه أيام العمر لحظه بعد لحظه!!
الإمتحانات علمتنا إن الدنيا (كلللللها) امتحان ..والمركز الأول في (الفردوس الأعلى)
والنتيجة في يوم الدين يوم لا يضيع مثقال ذرة من خير أو شر..يوم لا تزر وازرة وزر أخرى
ويوم نوفى أجورنا بغير حساب..
فلنرفع أكف الضراعة ونقول:
ياااااااااارب الفردوس الأعلى يارب النجاح الحقيقي
ياارب توفيقك في الدنيا والاخرة..
محبتكم / ألق الفجر
29/12/1425هـ
الروابط المفضلة