هنا حتبدأ أول حلقات المسلسل المكسيكي والله يعينكم على الحلقات الباقية
طبعاً ليلتها مانمت كويس فلما جا الصبح وجا اخويا يصحيني اتحايلت عليه وقلت له روح الدوام وقع وانا اخد لي نومة زيادةبعدين على 8,30 ارجع خدني
8,30 أنا في السيارة وطبعاً عشان لازم اسيب انطباع حلو مريت محل الورود واخذت لفوفو بوكيه روز يجنن
<<مادح نفسه كداب>>
على العموم وصلت على مكتب صاحباتي الساعة 9 وموعدي مع فوفو الساعة9.30 طبعاً لما دخلت بالورد مية نظرة ومية سؤال واستفهام لاحقوني
لمين؟؟ ولا عندك معجب ما نعرفه؟؟ ولا جاكي عريس؟؟؟
المهم قلتلهم لمين صراحه ما اعرف حاشوفها بعد 1/2 ساعة
بس من حظي انه يوم الثلاثاء كنت مرة مشغولة
لازم أقابل رئيسة قسمنا وبعدين أروح البنك انشط بطاقتي اللي شفطها الصراف (حكاية تموت ضحك اقولكم هي يمكن بعدين) واحضر معمل ما أعرف المواد تبعه أصلا فين أصلا ما فتحت المذكرة عشان اعرف ايش المفروض احضر
وزيادة على دا كله اعمل استبيان وأوزعه على البنات اللي بعطيهم الدورة تبع التجميل وطبعاً ما ننسى الدورة اللي مدتها ساعتين (اصلا اليوم كان مرة زحمة بالنسبة لي)
<<<<الكلام اتمطط مرة مو مسلسل مكسيكي>>>>
ما علينا
طبعاً طلعت مكياجي البورنزاج تقولوا الواحد ناقص سمار وقعدت الطخ نفسي قال ايه عشان ابين حلوة(وهل يصلح العطار ما افسده الدهر)
وعلى 9,30 جاني اتصال لا زم أروح لمكتبي اللي في مبنى تاني وفوفو على وصول ايش أعمل؟؟؟؟؟؟؟؟؟؟
طبعً ما اعرف اسمها؟
قلتلهم أي بنت تسأل عني اسمها فوفو ... فراولة ...فرولاية..أي حاجه خلوها تستنىواستقبلوها كويس
طبعاً ما سلمت من المصخرة ليه؟؟؟؟
عشان أنا اصغرهم وهما ستات كبار ويابختهم لقيوا احد يستهبلوا عليه
ما علينا
وأنا في مكتبي كنت بكلم صاحبتي عشان مشكلة بالنسبة للمواد الكيميائية (مالكم شغل فيها)
رن التلفون
صاحبتي(وبكل مصخرة وضحك): استاذة آشلي ضيوفك وصلوا
ماكدبت خبر طلعت على طول ولما وصلت الغرفة شوفت فوفو
ياقلبو عليها طعمونه وصغيرة ووجهها مع الكسوف ساير احمر زي الفراولة
سلمت عليها واعطيتها بوكيه الورد<<<بنت تعرف في الأصول والواجب>>>
واتعرفنا على بعض
وصاحباتي شكلهم كانو حيفترسوها يطالعو فيها ويقولو لي صغنطوطة
وسألتها عن أختها ليه ما جابتها معاها؟؟؟؟؟؟؟؟؟؟؟؟؟؟؟؟؟؟؟؟
فاصل إعلاني
الروابط المفضلة