السلام عليكم ورحمة الله وبركاته..
تعرفون طبعاً أن نومة الإنسان ينعكس عليها مزاجه وحالته النفسية والجسديّة قبل النوم...
..
مثلاً إذا كنتي نايمة بعد وقت عصيب من مذاكرتك للإمتحان ..بتكون نومتك كلها كوابيس..
مثل ما صار مع إختي ..بعد مذاكرة إستمرت ساعات طوال..صارت طول الحلم وهي تركض منحاشة (طاقّة)..(هربانة)..من القلم والكتاب اللي يلحقونها
**
أنا بصراحة ما أذكر حالتي النفسية في هذي السالفة..
الوقت:القايلة..
المكان:غرفة خالي متسدحين قدام الأتاري
الزمان :القرن الماضي<<حشى..معمّرين
وضعي الجسدي:مسندة رجلي على فيش المكيّف <<خبركم بيوت حكوميّة والفِيَش كلّها بمتناول الأطفال..
كنت أجاكر خالتي عند الأتاري أبي ألعب الطيارات ..بس هي على بنّة كبيرة ما عطتني القير..
ما أدري شلون ...وغفيت ..
في هذي الغفوة..تحلّمت إنّي ماسكة ضب بإيدي وحاطة إبهامي على راسه من فوق..وسبّابتي تحت حلقه..وأركض ورى خالتي..أبي أخرّعها..وهي تصارخ ..وتركض منحاشة مني ..
وفجأة ...
فلت الضب منّي..وطاح على الأرض<<يعني وين راح يطيح ..على السماء؟؟؟
ومامداني أكمّل صرختي..إلا والضب عاض إبهام رجلي ..وحسّيت بلسعة عضّته ..وأقوم وأنا مخترعة..
فلقيت إنّ..
إبهام رجولي محترق من فيش المكيّف...
،،
معلومة ..هل تعلمين بأن صغير الضب يسمّى بــ الحسل..
يعني هذا الحسل من من ذاك الضب
الروابط المفضلة