شكرا ياللي رحبتوا بيا >>>>شوركم انتوا بس نساوين والباقيين بنات ههههههههههههههه
عالعموم حلو الهدرزة والاحلى تلميدتكم ونتلاقوا علي خير
فيه من في ليبيا والاكلكم برى ؟
خلي اللي فيالبلاد نتلاقوا ونتعرفوا علي بعضنا

الله يبارك فيك يا غالية ويحفضلك بنيتك و وليدك و مولى بيتك
واني مقيمة في بريطانيا , تزوجت وسافرت بعد العرس بشهرين, وتوة ليا سنتين و تمانية شهور في بريطانيا
ومازال ربي مرزقنيش بالدرية الصالحة
وطلعت اني اكبر منك بعام هههههههه والكبير الله
ربي يحفضك

اهلا رائعة الجمال انستينا
عرفينا على نفسك يا غالية

باهي ان شاء الله ربي يرزقك بالذرية الصالحة
انتى ماتفكريش وماتغششيش روحك تو يجو الصغار مازال صغيرة ومعاك الوقت
تو ربي يحن وتعلقي
انا في النرويج حاشاك مافيش ليبين هلبا هنا ينعدو عالصوابع
وربك يفرج على كل مؤمن ضايق بيه الحال

ربي يفرج على الجميع
وربي يعيينا على غربتنا

تعرفي حتى المدينة الى نسكن فيها مفيهاش هالبة ليبيين
ممكن فيها اربع والا خمس عائلات لكن ايجوها طلبة يقرا

السلام عليكم و رحمة الله و بركاته

كيف حالكم يا بنات .. كيف حال صحيحتكم .. ان شاء الله كلكم طيبين ؟

اخواتى الغاليات
فى البداية نحب نرحب بعودة الغالية


ام ايوب

الله يطول فى عمرك .
كيف حالك يا ام ايوب و كيف حال الصغار .
ان شاء الله العائلة كلها بخير

و نرحب ايضا بالاخوات الغاليات
رائعه الجمال
و رويدا



تمنياتى لكم بقضاء الوقت الطيب بيننا

كيف حالك يا مش معقولة ..
صار لازم منها العملية ؟
ربى يسهللك يا غالية ..
توكلى على الله .. و عليك بالدعاء ..
و قلوبنا معاك يا حبيبة
ملاحظه : كملتى موضوع الاسرار السبعة و الا مازال ؟ هو مسلسل مكسيكى مش موضوع


دمووووعه .. كيف حالك يا حبيبتى ..
ربى يسهلك و ينولك ما تتمنى .
اسمعى : انتظرى ردى عليك فى ذكريات الوحم ..راك تنسى.

اروى .. كيف حالك و الله شغلتينى عليك
ان شاء الله لا سوء يا حبيبه.
وينك اللطف .. هكى الناس ايديروا ..؟
يخلوا الضيوف و يهربوا ؟
شن صار فى الموضوع قريتيه و الا مازال ؟


جبالية ..كيف حالك انت و البنيات .. و بوهم
وينك العفووووووووووووو؟
شن نحلفولك باش تخشى؟؟؟؟؟؟؟؟؟؟؟؟
يلا يا حبيبه .. نبوا نتلاقوا قبل شهر رمضان .. ان شاء الله


رحوووووووووووووووبه ..كيف حالك و حال الوالدة .
ان شاء ممنونة من العرس .. و مشى زى ماتبى .
قوليلها الف الف الف مبروووووك .. و ان شاء الله تشوفى حتى رحوبة عروسة
و لا يهمك .. احتى بحداك يا حبيبه ..
وين ما تضيق بيك تلقينا جنبك .ربى ما يوريك ضيق .

كيف حالك يا جورى .. و كيف حال الوالدة .. ان شاء الله بخير .
وينك .. يا طيبه فقدناك راهو ؟
كيف حال نسمة .. و بلغيها سلامى كان كلمتيها .
على فكرة ..
كيف حال العروسة .. ؟؟؟؟


دو ليون .. وينك يا حبيبة
كيف حالك و حال الصغار ..
ان شاء الله طيبين
امتى بتهدرزيلنا على فرنسا .؟ انى نسمع بيها غير سمع راهو .

ان شاء الله ما نسيتش حد .
و الله يدى عيت من الكتابة سا محونى .

السلام عليكم ورحمة الله وبركاتـــه

كيف حالكن يابنات؟؟ والله لكن وحشة بس اهو فريحة اتوصلي في اخباركن ^_^

انا بخير والحمد لله والصحة عال العال بس النفسية sid اهووو متكدرة اشوية وماعنديش نية انخش للنت بكل

المهم كلكن بخير ومرحبتين بالناس الجديدة علينا ياربي هما معش جدد انا اللي جديدة توة ههههههههه

ان شاء الله نتلاقوا

سلامات توة

كتبت بواسطة RAWAD

دو ليون .. وينك يا حبيبة
كيف حالك و حال الصغار ..
ان شاء الله طيبين
امتى بتهدرزيلنا على فرنسا .؟ انى نسمع بيها غير سمع راهو .

ان شاء الله

ما نسيتش حد .
و الله يدى عيت من الكتابة سا محونى .

سلام عليكم

كيف حالك يارواد راهو ليك معزة خاصة سبحان الله في الله لله

لكن باين عليك بنت عيلة ولا هانوا الباقيات

الواحد معنداش غير هاللكيمات ايحطهم وخلاص ويدعي ربه ينجيه من اللي مايخافوش ربي

ويقدروا يكتبوا اي كلمة تخطر علي بالهم من غير حسيب لا رقيب

الله يعافينا بس

تعرفي اني مش كاتبة قبل اللهم لما لقيت طلبك قلت في خاطري غالية والطلب رخيص

لما نكتبلها وخاصة لا حظت انه الهدرزة 8 احسن من اللي قبلها وفيها جو حلو وراقي

علاش لا وانتي تكتبي كل يوم >>>>>اذا عرف السبب بطل العجب

لا قمل لا سيبان ولا اختلاقات ماانزل الله بها من سلطان


قلتي تبيني انهدرزللك علي فرانسا

بحداكم عاد انتي في بريطانيا صح ؟؟؟

ياستي فرانسا من اجمل البلدان في العالم وهذه حقيقة مايختلفوش عليها تنين

واحسن ما فيها انني درت هلبة حاجات انحس فيهم من احلى اعمالي في الدنيا

الله لا يحرمنا اجرهم يااااااااااااااااااااااااااااااااارب

وانا ساكنة في تاني اكبر مدينة بعد باريس واسمها مدينة ليون وحتى اسمي يرمز للنبلاء

لما تلقوا DE في اي اسم اعرفوه علي طول من النبلاء زمان >>>>تتذكروا في كوزيت وجون فالجان خخخخخ

فالمهم عدد المسلمين لله الحمد والمنة 150 الف مسلم ماشاء الله لا قوة الا بالله

وفي كل حي تلقي مسجد لاداء الصلاة جماعة لسكان الحي

وفي شهر رمضان الله ينصر الاسلام والمسلمين حاجة مش عادية

اكبر المحلات توتي معانا وحالة عليك جو وخلاص

وفي العيد بالنسبة للصلوات يتجمعوا في المسجد الكبير باذن كان عرفت توا احطلكم صورته حاجة صح بصراحة

والا في الصالات الرياضية ويجي العمدة او بالاصح رئيس البلدية للمنطقة ايعيد على المسلمين

يعني فيه حرية واهتمام بهالجالية



وشني تاني >>>>طولت عليكم صح !!!!صح لكن كلامي حلو احم احم

من هني نبي انسلم على جوري والجبالية وبنقوللهم الله يستر عليكم وعلينا زعميته نعرفهم من المنتدى التاني

ونبي تقول للمريض ربي يشفيك ويلبسك ثوب العافية يااااااااارب عاجل غير ا~جل قولوا اااااااااااااامين

وتوا علي سلامتكم واي حاجة اني حاضرة

دوو ليون

استغفر الله لي ولكم

لا اله الا الله

..............>>>>>انتوا:-

KK