الله بعين حبيبتي النصيب بيجي .. ان شاء الله
وسمعت متل قصة اختك ان هي ضلت بنت وبالاخر هي طلبت الطلاق وهو ما بده يطلقها لحد ما بينت بالاوراق الثبوتية انها عذراء وهو عنده ضعف ....

تاج انا مو زعلانة على الي كنت بدي اياه
اصلا انا ما كنت احبه حب بس هو كان مهضوم وقريب من القلب ومنيح من جميع النواحي وكان دكتوري فاذا صار نصيب ليه لا واذا ما صار عادي
وابدا ما زعلت بس تضايقت لما عرفت شو عملوا وانهم اجوا بسمعتي وشرفي ليفركشوا الجيزة<<<تخيلي لوين
نهارها لما الدكتور حكالي قعدت ابكي بالجامعه وكانت الدنيا مطر ودعيت ربنا يقطع نصيبهم التنين هي واخوها لانهم بس اجوا بشرفي
وما بدي احكيلك هو شو صار فيه
وطبعا اتصلت مع بيت عمي وحكيت الها واله انا شو دعيت عليهم وقلتلهم اني عرفت شو حكوا عني

المهم شفتي انهم عملولي العريس التاني نبي وهو مو منيح
يعني بس بدهم يخربوا حياتنا

وبالنسبة لبنت عمي سامحتها انا من لما هي صارت متدينة وصارت تعرف الحلال من الحرام
اما ابن عمي لا ما سامحته لانه هاد ابسط شي عمله معي لو احكيلكم والله لتتفاجئوا

بعين الله نكدت عليكم

اه من هالحكي قو قو
بسنحنا بدون محاكم واوراق بالمجادلة تنازلنا عن الذهب والهدوم الجهاز والاثاث والمقدم والمأخر ههههههههههه يعني من المولد بلا حمص

ان شالله ربنا بعوضها خير وبيرزقها عريس احسن

ان شاء الله الله يعوضها حبيبتي والله ما بنسى حد

الله بعينك انسي
اللي بسامح القلب وقلبك ما قادر ينسى الاساءة الله ييسر نصيبك
بس ادعي

وعشان تضحكوا :
كنت وانا بالتوجيهي ادرس عالسطوح ادبي
واذن المغرب فدعيت يا رب ترزقني زوج امور وشخصية وعيونه ملونة وبشتغل بالخليج ولما احط ايدي بايدو كل الصبايا يحسدوني علية

ومرت الايام وكنت اطكرر الدعوة وقت الاذان بالضبط
واخر سنة جامعة تقدمولي تلات بنفس الفترة ومنهم رائد رغم انو ظروفو ازفت واحد من كلشي غير الديون تبعات ابوه
ووافقت علية وصارالنصيب
وكان حلو وامور وعيونة ازرق بأخضر بشبه اليك بالدوين كتير وشخصية وبحبني من زمان وما بعرف
وبشتغل بالسعودية

الله كريم
الان وضعنا فوق الريح الحمد لله بعد سداد الديون وشرينا سيارة وقربنا نعمر
وعندي بنت وولد فية احلا من هيك الله يرزقك يا قوقو والا ء واختي وفاء كمان ياااااااااااااا رب

صبايا انا بستاذن بددي اروح انضف البيت واشطف لانه الزريعه جلطتني مو جايبتلي غير الغبرة والحشرات رح افقع منها
ازا ما رجعت اعرفوا انه بكون كسرت الزريعة وامي اغتالتني

سلام

بتحلفي يمين انك بنت وانت مش بنت ياتاج !!! طب ما انا حضرت سهرتك اللي عالسطوح يعني انتي حرمة [مرة] هههههههههههههههههههههه

الله يهنيكِ يا ندى واكيد بتستاهلي كل خير<<<خطا مطبعي مع النعس بس الله يهنيكم كلكم
قرات اسم تاج ندى عادي بتصير بارقى العائلات
الله يهنيكِ يا تاج ويخليلك زوجك واولادك
انا دائما بدعي يا رب بس ابعد عني اولاد الحرام والي بدهم يسيئولي
ما بدي غير الستر والناس تتركنا بحالنا والله تعبنا من القر والنق

المهم قلبت جروحاتي كلها هلا رح يضرب يوم كآبة وشكلي رح اكسر الزريعة وامي نايمة عشان ما تعرف انه كسرتهم عمدا

الله بعين يا قوقو توكلي على الله وان شاءالله ربنا يرزقك الزوج الصالح ومن هالحكي صار معي انا واختي لكن الله يمهل ولا يهمل ويش هالقصص يا سنو الله يعينها أختك ومبروك زواجك من اللي ببالك