غالياتى الليبيات

فى ليبيا و المغتربات

السلام عليكم و رحمة الله و بركاته

ان شاء الله تكونوا طيبات جميعا

نجتمع على خير مرة اخرى

و بذكر الله نفتتح هدرزتنا

السلام عليكم و رحمة الله و بركاته
ان شاء الله غير ما حد فتح موضوع قبلى او بعدى
انى خشيت بسلم عليكم
لقيت الموضوع مسكر
و فتشت ما لقيتش حد فاتح
راجيت شويه ما فتح حد
توكلت على الله و فتحت انى
(ماطولها و هى قصيرة)
الموووووووهيم
كيف حالكم يا غاليات كلكم :
بنت بلادى
سوسو
كميله
ام المنذر
سيفن سيز
فريحه
مس ليبيا
كميله
ليلى
جنان
ام منير
ام جنى
ام ايوب
جباليه
جورى
دموووعه
تماضر االلافى
اروى
ارض النور
الورد و الياسمين
ام عبد الرحمن (راك طولتى الغيبه يا حبيبه )
وكل الغاليات
و اذا نسيت حد اراهو من غير قصد
و السماح بيننا

كميله :

رواد كيف حالك والبقاء والدوام لله

معليش جت متاخره لان معرفتش من اللي ماتلك نين اسالت

يا حبيبه الكلمه الطيبه تجى فى مكانها حتى لو جت متأخرة
بارك الله فيك و شكر سعيك
و ان شاء الله ما تشوفى سؤ

رواد مره انتي سالتيني علي اسمي

ممكن نعرف اعلاش

تعرفى و علاش لا .
مجرد ان الاسم بالكامل لفت نظرى و تهيألى انى سمعته قبل
و هذا السؤال نتذكر سألناه حتى للغاليه تماضر الللافى
لان الاغلبيه هنى تستعمل فى الكنيه او الاسم المستعار
سلامتك يا حبيبه

ام جنى :

رواد البقاء لله و عظم الله اجركم وتقبل الله فقيدكم بواسع رحمته وغفرله ان شاء الله

سامحيني اني ليا مده على الدويره ومش عارفه اني في مني بالضبط انعزي فيك بس قريت من البنات

نورتى الهدرزة يا غاليه
يا حبيبه لا متاخرة و لا شئ
الكلام الباهى يلقى مكانه ديما
يا ستى المتوفى يكون سلفى ..
شاب صغير كان مريض و عانى هلبه ومن اسبوعين توفاه الله
شكر الله سعيك و بارك الله فيك
و ما تحرميناش من طلتك يا غاليه

رواد صحيتى على الدويرة وسبقفينى شنى كليتى قبلى
اهوا جيتك من الصبح زى جماعة الجبل هههه هيا وتى الفطور قاعدة مش فاطرة

واسمعي ياسوسو اني اكبر من ليلي ومازال اكبر مني اثنين
واصغر من ليلي خمسه تراه قولي العدد الكلي الي اخواتي
اني نعرفك شاطره في حل الاغاز هادي

صباح الخير ياكميلة شنى الصغار بدو امتحانات ان شاء الله بالنجاح
ماشاء الله ربى يحفضكم لبعض لكن زى اللى واعر اللغز هدى المرة ههههههه

كيف حالكم ياالغاليات
حتى ان ما كنتش من القائمة يلي تنشدي عليهم يا رواد
لكن والله في البال ودخلت الدويرة وبلغتك تعازي في سلفك ( الله يرحمة ويوسع علية )
عموماً ... كيف حال الجميع وحال صغاركـــــم
ربي يعاونهم في الأمتحانات ويوفقهم وينجحهم قولوا آآآآآآآمين
تعرفي يارواد
انا قعدة نقرا في رساله خاصة من بنت بلادي تقولي تعالي افتحي دويرتك
ربي يحفظها قعدة تذكر في وصايتي في ان نعزمكم في دويرتي
ولما جيت للركن بنفتح لقيتك فاتحة دويرتك بيني وبينك شورا 5 دقايق
معلش خيرها في غيرها ويلي عقبة خوة ما ذل ...
ان شاء الله دويرة معمورة بماليها وناسها ونستفيدو فيها

السلام عليكم
بارك الله فيك يا رواد
مبارك عليكم الدويرة
وعامرةة ديما ان شاء الله

فالحة يا وخيتى معليشي الله غالب
ماعندكش نصيب في فتحها المرة هادى
انا خشيت مالقيت حد فاتح قلت نبعتلك باش تفتحي دويرتك
الله غالب معليشي المرة الجاية ان شاء الله

سوسو سامحينى امس معاش رديت عليك
راجلي روح ومعاه الضيف معاش قدرت
والبرنامج قعدة اندورلك عليه اصبري بس


ليلي وكميلة الله لا يجيب زعل بيناتنا
وعادى المهم انا وضحت لكم يا حبيبات
وكميلة هادو روابط مواقع العلماء اتفضلي

موقع الشيخ عبدالعزيز بن باز




الشيخ محمد بن صالح العثيمين


الشيخ محمد ناصرالدين الألباني

وينكم يا حبيبات

السلام عليكم
الفالحه
سامحينى .. و الله درت روحى تفكرت و عصرت مخى عصر
منك السماح
ما شاء الله لا قوة الا بالله العويله كبرت
و الاسماء كثرت تبارك الرحمن
لكن المعزة للكل و القلب يسع جميع الحبيايب
و بالنسبه لفتح الموضوع .. انى اسفه جدا ماعنديش علم برغبتك فى فتحه
لكن اهو انقولك : تجاهلى الصفحه الاولى و اعتبري الموضوع موضوعك .. وتصرفى من عندك
و على قلبى زى العسل من جد من بصارة
و بالنسبه للتعزيه .. وصلت من امتى .. شكر الله سعيك و بارك فيك

سوسو .. كيف حالك اليوم ..
صار جايه زي امتعين الجبل هههههههههه لينا سنين عليهم يا غاليه
كل واحد شاد روحه
بنت بلادي .. كيف حالك اليوم
سامحينى حتى انت .. قاعدة تبعتى فى الرسائل و توقضى فى الناس و انى راجيت شويه و فتحت
معليش خيرها فى غيرها
انى بصراحه خشيت باش انرد على العويله ..
لانى ديما ننسي .. و الغاليات يمكن يعاقدوا انه تجاهل منى
و الله اعلم بالقصد
كل واحد شاد روحه .

كتبت بواسطة RAWAD

السلام عليكم
الفالحه
سامحينى .. و الله درت روحى تفكرت و عصرت مخى عصر
منك السماح
ما شاء الله لا قوة الا بالله العويله كبرت
و الاسماء كثرت تبارك الرحمن
لكن المعزة للكل و القلب يسع جميع الحبيايب
و بالنسبه لفتح الموضوع .. انى اسفه جدا ماعنديش علم برغبتك فى فتحه
لكن اهو انقولك : تجاهلى الصفحه الاولى و اعتبري الموضوع موضوعك .. وتصرفى من عندك
و على قلبى زى العسل من جد من بصارة
و بالنسبه للتعزيه .. وصلت من امتى .. شكر الله سعيك و بارك فيك

سوسو .. كيف حالك اليوم ..
صار جايه زي امتعين الجبل هههههههههه لينا سنين عليهم يا غاليه
كل واحد شاد روحه
بنت بلادي .. كيف حالك اليوم
سامحينى حتى انت .. قاعدة تبعتى فى الرسائل و توقضى فى الناس و انى راجيت شويه و فتحت
معليش خيرها فى غيرها
انى بصراحه خشيت باش انرد على العويله ..
لانى ديما ننسي .. و الغاليات يمكن يعاقدوا انه تجاهل منى
و الله اعلم بالقصد
كل واحد شاد روحه .

معليشي يا قلبي
والفالحة قليبها كبير
والدويرة الجاية تفتحها هيا بادن الله

احنا المهم عندنا دويرة ونهدرزو فيها
وانتى ولا الفالحة كلنا وخيات
وقلوبنا على بعض

وربي مايحرمنا من الفالحة
ومنك
ودمتم في رعاية الله

السلام عليكم والرحمه
رواد
صباح الخير ياحبيبه صحيتي علي استقبالك لينا في ادويرتك
وانشاء الله تكون عامره باامليها
رواد اني خاشه بااسمي كامل اولاهدا يعتبر تجمع نسائي
وبعدين امالي اني انطيح في واحده من صحباتي اللي ليا مده علي اخبارهم وزي الجباليه اهي طلعت معرفه
بنت بلادي
الله يبارك فيك علي الروابط
سوسو
كيف حالك ايه والله ابدو الامتحانات اهو مقعمزه في الحوش انساعد في اصغاري في القرايه
وغريبه كيف ماعرفتش اللغز انزيد انوطحلك
اكبر مني اثنين واصغر من ليلي خمسه مجموعنا قداش
هي باش نبعتلك قصه تستفيدي منها زي المره اللي فاتت