ممكن اللى عندها خبره فى فن الديكور تدخل تساعدنى
السلام عليكم ورحمة الله وبركاته
الشقة بتاعتى كلها مستوى واحد
وعشان اخلى الشكل بتاعها اجمل رفعت الليفنج درجه
والمشكله اللى قبلتنى لما عملت كده ان شباك الليفنج بقى قصير
يعنى الأول كان بدايته عند صدرى دلوقتى بقت بدايته عند باطنى
وطبعا ده خطر جدا على الأطفال
فكرت افك الشباك وارفعه
العامل قاللى ماينفعش لسبب:
ان السقف بتاع الشقه اصلا واطى
فلما رفعنا الليفنج بقى اوطى
ولو هو رفع الشباك الشيش هايخبط فى السقف من فوق
فهمتوا قصدى؟؟؟؟؟؟؟؟؟
المهم قاللى مافيش غير حل واحد
انه يركب حديد فى نصف الشباك من تحت
ولقيت ان الفكره دى فلاحى شويه
المهم انى وقفت الشغل بتاعه لحد لما الاقى حل افضل
مين بقى تقدر تساعدنى بحل يكون شكله شيك
وياريت اللى عندها صور تحطهالى
وجزاكم الله كل خير
الروابط المفضلة