مرحبا بنات وقسم الديكور الغالي الي بحبو كتير
شوفو بدون لعي وطق حنك لاني مش فاضية هههههههههه
جبتلكن شي جديد وحلو من ديكورات المعتادين عليها بفنزويلا وهي
sofa cama
يعني كنباية وسرير بنفس الوقت
من الاثاث الازم يتواجد من ضمن الترتيبات لفرش المنزل
هنا في فنزويلا
لان البيوت صغيرة اولا
والعرب منتشرين بكل المناطق الفنزويلية
فلهذا احيانا بيطب علينا ضيف فجأة مسافر جايي من منطقة بعيدة والغرف عنا محدودة وصغيرة جدا يادوب تكفي شخصين
فلهذا بتكون بمثابة نجدة لاصحاب المنزل
فلهذا جبتلكن تشكيلة حلوة كتير
بيجوز تعملي منها سيدتي الجميلة
خلينا ندخل للموضوع فورا
هيدي صوفا حمرا من المخمل العريق كنباية كتير مرتبة وحلوة وشيك مودرن والها وظيفتين
الاولي ... صوفا ** كنباية **
التانية سرير ! وشوفي وهيي وسرير شو مهضومة ودمها خفيف ومرتبة كمان
بتفتح لتصير مطرحين لشخصين
كتير شيك
الصوفا التانية اورانج الها 5 استعمالاات
مريحة جدا ايضا من المخمل الحلو
مرتبة وزوء وبتفتح فتحات متعددة بتنعمل ايضا كسرير ومسند من الخلف للفرجة عالتلفزيون متلا ولاوقات الراحة
وبتفتح كسرير للنوم ..... وكنباية للجلوس ...... وبتفتح نص فتحة لتصير مسند للجلوس كمان
كتير حلوة
هذه كنباية جلد مرتبة ولونها احمر لون رائع وشيك ومودرن
الها 3 استعمالات
الاولي,,,, بتفتح ككنباية للجلوس
التانية ... مسند للجلوس والرااحة
التالتة .... سرير للنوم
والها متل طاولة لوضع صحن اللابوشار او كوب العصير
هذه الكناية بسيطة وشيك بوقت واحد
بتفتح من الوسط بتصير سرير
بس المختلف فيها والحلو
انو الغلاف الي عليها هو نفسو بيصير غلاف للسرير لما يفتح والوانها لطيفة
ومعها مخدتين ناعمين
هذه الكنباية غير عادية بلونها وشكلها ووظيفتها المهمة
بتصير 3 مطارح ل 3 اشخاص
تصوري شو مريحة وناعمة وشيك ومابتاخد مكان كتير
هيدي الكنباية بتفتح من الوسط كتير سمبل
والوانها جذابة
هيدي الكنباية بتفتح لتصير مطرح لشخصين
عريضة شوي
ومن الاسفل بتحمل جارور او درج ليفتح ويساع شخص تاالت
كتير عملية ومنظمة بفتحها وتسكيرها
هيدي كنباية جلد بنية مرتبة ومودرن
ايضا بتستعمل لتلات استعمالات
نفس الكنباية الحمرا الي فوق
هيدي كتير عجبتني شيك والوان مختلفة عن العادة
بتصير سرير لشخصين
وسهلة الفتح ومابتاخد مجال كبير بالصالة
هيدي كتير عجبتني ياريت لاقي منها عملية وحلوة والوانها من الالوان المفضلة عندي
وبيدخلها الوان وخطوط وتدرجات البنفسجي
لما بتفتح بتصير سرير كتير مرتب ومابتقدري تميزي بينه وبين الكنباية
لانو بياخد شكل سرير كامل
بيسع لشخصين
عملي ومرتب
انتهي الموضوع بفضل الله تعالي
بتمني يعجبكن
الكن مني اجمل التحايا
الروابط المفضلة