السلام عليكم ورحمة الله وبركاته
احلى سلااام لاحلى عضوات فى احلى منتدى وكفاية حلاوة بقى احسن السكر يعمل ازمة ف البلدههههه
فى الحقيقة انا عندى مشكلة قاااد كدهو وقلت مفيش غير عضوات منتدانا الجميل اللى يقدرو يساعدونى فيها
مشكلتى هى مطبخى..باصمم شقة زواجى ونفسى تكون شقة شيك ومحصلتش.والمطبخ عندى بقى مهم جدا
باتمنى من ربنا عز وجل انه يوفقنى ويطلع ف احسن صورة
المطبخ ضيق ومش عارفة ارتب الحاجة فيه ازاى احترت خااالص
دى صورته

المفروض يترتب فيه تلاجة ومغسل بحوض واحد والغسالة وبوتاجاز عرضه 80 سم وفوقه شفاط هرمى
الحوض والغسالة يبقو على او قريبين من حائط الشباك لان جاية منه مواسير الصرف
المطبخ مفتوح على السفرة وانا باحب الستايل المودرن عامة..
ياللا بقى ياحلوين ورونى الشطارة
ويارريت كمان لو فيها رزالة اللى عنده معلومات عن الشفاط اقدر اجيبه منين واسعاره ف مصر اية وطريقة تركيبه ازااى
انا عارفة انى باتقل عليكو اوى بس الحقيقة عشمى فيكم كبير
طبعا بتسالونى ع الجايزة
هقولكو عليها بعد ماشوف همتكو
عشان تبقى مفاجاة
وجزاكم الله خيرا