السلام عليكم ورحمه الله وبركاته

اخواتى

حياكم الله احترت وقلت ما فيش غير المبدعات اللى ح يجاوبونى

سؤالى واضح من العنوان فى رأيكم ما افضل الخامات لدواليب المطابخ ؟

الحقيقه لما سألنا احترنا الخشب مدحوه انه شكله جميل وخامه غنيه ولكن له عيوب

الالوميتال كتير شكروا فيه وحتى الوانه وتصاميمه اصبحت جديده وجميله وتنظيفه سهل و مقاوم للحشرات

ان شاء الله البيت سيكون فى اكتوبر وهناك التربه صحراويه ويكثر النمل ( وسمعنا انه فى مناطق بها نمل ابيض ) وهذا شىء قلقنى من الخشب

والاسعار لن تختلف كثيرا الفرق ما بينهم 100 او 200 جنيه فى المتر
طبعا السعر من ضمن الاولويات بس لقيناها بسيطه
لكن المرعب مواعيد التسليم احدهم حدد المده بشهرين ونصف معقوله كل هذه المده لتسليم مطبخ خشب

المطبخ مقاييسه غير تقليلديه ولذلك لابد يكون تفصيل

شوروا عليا جزاكم الله خيرا مقدما

حبيبتى مبروك عليكى الشقة الجديدة وان شاء الله ربنا يملهالك بركة
انا كمان باجهز لشقتى والحقيقة الموضوع دة محيرنى جدا بس بعد تفكير عميق
قررت اصمم المطبخ من الخشب ودة لانى شايفة انى اقدر اختار الوانه بحرية ودقة اكبر
كمان لو حبيتى تصممى قطعة الشفاط الهرمى اللى فوق البوتاجاز مش عارفة ممكن تبقى الوميتال ولا لا
انا دايما باشوفها خشب وعمرى ماشوفتها الوميتال
كمان الخشب لو تم اختياره بدقة ومن نوع جيد مع المحافظة والنظافة بيعيش فترات طويلة جدا ودة عن تجربة


دى بقى مجموعة معلومات كنت قراتها عن تصميم وحدات المطابخ وخاماتها
بالنسبة للخشب يفضل استخدام أنواع الأخشاب التي تتميز بالصلابة وتتحمل الأبخرة والرطوبة وكذلك درجات الحرارة العالية ومن أنواع الخشب التي يفضل العمل بها في المطبخ (القرو ، الزان) وتعتبر أكثر الأخشاب ملائمة نظراً لصلابتهم وقلة نسبة الرطوبة فيهم ويكون معامل الانكماش والتمدد فيهم أقل ما يكون ويمكن أن يكون بلونهم الطبيعي الفاتح أو صبغها بأي لون مطلوب .
كذلك يمكن استخدام حشوة خشب M.D.F الجيد جداً في أعمال الدهانات أو القشرة.

كما يمكن استخدام الفورميكا في كسوة وحدات المطبخ من الداخل باللصق ومن مميزاتها أنها تعطي سطح لامع سهل التنظيف خالي من العيوب التقليدية الموجودة في الخشب ومن عيوبها انفصالها في حالة ضعف أو سوء مادة اللصق وفي حالة وجود رطوبة
اما الألمونيوم :
يتميز بأنه غير مسامي وبالتالي فهو أقل ملائمة لبقاء الحشرات وكذلك مقاوم للحريق خلاف قوة تحمله ومقاومته للمياه بصورة عامة وسهولة استبدال أي جزء معيب وقت الصيانة.
أسطح الوحدات:
الجرانيت والرخام : يعتبر أكثر المواد ملائمة لأسطح الأعداد في المطبخ ويرجع ذلك لأنهم أكثر المواد صلابة وأقلها تأثير بالرطوبة والحرارة ويفضل استخدام الجرانيت لقلة قابليته للتآكل وصلابته وبقاء اللمعة مدة أطول بكثير بعد الجلاء وتعدد ألوانه وعدم تأثره بالمواد الحمضية ولا ينصح باستخدام الرخام الفاتح لتغيير ألوانه وهناك مواد صناعية بديلة للرخام والجرانيت مثل الكوريان وهو متوفر بألوان متعددة ولكنه يتأثر بدرجات الحرارة العالية ويفقد بريقه مع الاستخدام ولكن يمكن إعادة تلميعه وإصلاح أي شروخ أو كسر به بصورة أسهل من الجرانيت والرخام.

يادي النور يادي اللنور

مش معقوله روجه منورانا في الركن

اهلا بك حبيبتي ..سعداء جداااا بك معنا

...

بالنسبه لسؤالك

انا اجد الخشب اقيم واجمل لو متاح لديكي مكان للطبخ غير المطبخ الاساسي
بحيث يكون واجهه امام الداخل والخارج

لانك مع الاستعمال ستحتاجي الى تنظيفه واعادة ورنشته مرة كل سنه حتى يظل جميل الشكل نظيفه وخاصة اعلى البوتاجاز واسفل الحوض


لكن لو عندك شقه ومطبخ وحيد فالالوميتال جيد جداااا و اشكاله رائعه وخاصة اللى عند قبنوري

لانه سيتحمل الاتساخ والتنظيف المستمر و الحشرات لا تتواجد به

و ساقول لك شيئ قامت به احدى قريباتي

الا وهو ...تفصيل منطقة الحوض و الكبينه المحيطة بالفرن من الالوميتال

و باقي المطبخ من الخشب مع الاخذ بالاعتبار اللون الموحد لهما

وطلعت النتيجة رائعه

كتبت بواسطة lomaaa

حبيبتى مبروك عليكى الشقة الجديدة وان شاء الله ربنا يملهالك بركة
انا كمان باجهز لشقتى والحقيقة الموضوع دة محيرنى جدا بس بعد تفكير عميق
قررت اصمم المطبخ من الخشب ودة لانى شايفة انى اقدر اختار الوانه بحرية ودقة اكبر
كمان لو حبيتى تصممى قطعة الشفاط الهرمى اللى فوق البوتاجاز مش عارفة ممكن تبقى الوميتال ولا لا
انا دايما باشوفها خشب وعمرى ماشوفتها الوميتال
كمان الخشب لو تم اختياره بدقة ومن نوع جيد مع المحافظة والنظافة بيعيش فترات طويلة جدا ودة عن تجربة
http://www.arb-up.com/files/arb-up-2008-1/J5m23660.jpg
دى بقى مجموعة معلومات كنت قراتها عن تصميم وحدات المطابخ وخاماتها
بالنسبة للخشب يفضل استخدام أنواع الأخشاب التي تتميز بالصلابة وتتحمل الأبخرة والرطوبة وكذلك درجات الحرارة العالية ومن أنواع الخشب التي يفضل العمل بها في المطبخ (القرو ، الزان) وتعتبر أكثر الأخشاب ملائمة نظراً لصلابتهم وقلة نسبة الرطوبة فيهم ويكون معامل الانكماش والتمدد فيهم أقل ما يكون ويمكن أن يكون بلونهم الطبيعي الفاتح أو صبغها بأي لون مطلوب .
كذلك يمكن استخدام حشوة خشب M.D.F الجيد جداً في أعمال الدهانات أو القشرة.

كما يمكن استخدام الفورميكا في كسوة وحدات المطبخ من الداخل باللصق ومن مميزاتها أنها تعطي سطح لامع سهل التنظيف خالي من العيوب التقليدية الموجودة في الخشب ومن عيوبها انفصالها في حالة ضعف أو سوء مادة اللصق وفي حالة وجود رطوبة
اما الألمونيوم :
يتميز بأنه غير مسامي وبالتالي فهو أقل ملائمة لبقاء الحشرات وكذلك مقاوم للحريق خلاف قوة تحمله ومقاومته للمياه بصورة عامة وسهولة استبدال أي جزء معيب وقت الصيانة.
أسطح الوحدات:
الجرانيت والرخام : يعتبر أكثر المواد ملائمة لأسطح الأعداد في المطبخ ويرجع ذلك لأنهم أكثر المواد صلابة وأقلها تأثير بالرطوبة والحرارة ويفضل استخدام الجرانيت لقلة قابليته للتآكل وصلابته وبقاء اللمعة مدة أطول بكثير بعد الجلاء وتعدد ألوانه وعدم تأثره بالمواد الحمضية ولا ينصح باستخدام الرخام الفاتح لتغيير ألوانه وهناك مواد صناعية بديلة للرخام والجرانيت مثل الكوريان وهو متوفر بألوان متعددة ولكنه يتأثر بدرجات الحرارة العالية ويفقد بريقه مع الاستخدام ولكن يمكن إعادة تلميعه وإصلاح أي شروخ أو كسر به بصورة أسهل من الجرانيت والرخام.

http://www.arb-up.com/files/arb-up-2008-1/E7K23734.jpg

اختى جزاكى الله خيرا

الف شكر معلومات جميله

تسلمى

كما يمكن استخدام الفورميكا في كسوة وحدات المطبخ من الداخل باللصق ومن مميزاتها أنها تعطي سطح لامع سهل التنظيف خالي من العيوب التقليدية الموجودة في الخشب ومن عيوبها انفصالها في حالة ضعف أو سوء مادة اللصق وفي حالة وجود رطوبة

جربت الفورومايكا في مطبخ والدتي بالفعل كان سطح لامع لكن الافضل يكون سطح باب الكبينه بلا تعريجات اي يكون مسطح ليس فيه انحناءات لان الفورومايكا

لن تكون جيدة اللصق

كتبت بواسطة behappy

يادي النور يادي اللنور

مش معقوله روجه منورانا في الركن

اهلا بك حبيبتي ..سعداء جداااا بك معنا

...

بالنسبه لسؤالك

انا اجد الخشب اقيم واجمل لو متاح لديكي مكان للطبخ غير المطبخ الاساسي
بحيث يكون واجهه امام الداخل والخارج

لانك مع الاستعمال ستحتاجي الى تنظيفه واعادة ورنشته مرة كل سنه حتى يظل جميل الشكل نظيفه وخاصة اعلى البوتاجاز واسفل الحوض

لكن لو عندك شقه ومطبخ وحيد فالالوميتال جيد جداااا و اشكاله رائعه وخاصة اللى عند قبنوري

لانه سيتحمل الاتساخ والتنظيف المستمر و الحشرات لا تتواجد به

و ساقول لك شيئ قامت به احدى قريباتي

الا وهو ...تفصيل منطقة الحوض و الكبينه المحيطة بالفرن من الالوميتال

و باقي المطبخ من الخشب مع الاخذ بالاعتبار اللون الموحد لهما

وطلعت النتيجة رائعه

يا حبيبتى ده النور نوركم

ربنا يكرمك جزاك الله خيرا

لأ مش المطبخ الوحيد فيه اوفيس فى الدور التانى بس طبعا جانب غرف النوم

فالطبخ اساسا سيكون فى المطبخ اللى تحت

وورنشته كل سنه ده صعب علينا جوزى لا فاضى يودى ولا يجيب

انا كمان بحب خامه الخشب بس بصراحه حكايه النمل دى مخوفانى وخصوصا ان المطبخ له باب بسلم يودى على جنينه صغيره خلف البيت يعنى امكانيه وصول النمل سهله مش صعبه

ما شاء الله فكره قريبتك جميله بس برضه مواعيد التسليم كده بعد شهرين ونص زى ما النجار قال

وتقصدى الالوميتال من عند قبنورى اللى بيدى تاثير تجزيعه الخشب

وفعلا الفورومايكا مع التنظيف بتعمل زى فجوات هواء وتعرجات

ما شاء الله فكره قريبتك جميله بس برضه مواعيد التسليم كده بعد شهرين ونص زى ما النجار قال

لازم الحاجة تاخذ وقت يا راجية علشان تطلع كويسه ومن كلامك هي فيلا في 6 اكتوبر فلازم تستحملي علشان تكون النتيجة كويسه

انا وزوجي بانيين في التجمع الخامس ايضا فيلا وفيها سلم على الحديقه ففكرت اعمله خشب مع الوميتال ويكون الالوميتال في اماكن اللى ذكرتها لك

وتقصدى الالوميتال من عند قبنورى اللى بيدى تاثير تجزيعه الخشب

تمام خشبالومنيوم ...متستخريش في الحاجة لانها منزل العمر

ربنا يوفقك ويتمم لك بخيييير

كتبت بواسطة behappy

لازم الحاجة تاخذ وقت يا راجية علشان تطلع كويسه ومن كلامك هي فيلا في 6 اكتوبر فلازم تستحملي علشان تكون النتيجة كويسه

انا وزوجي بانيين في التجمع الخامس ايضا فيلا وفيها سلم على الحديقه ففكرت اعمله خشب مع الوميتال ويكون الالوميتال في اماكن اللى ذكرتها لك



تمام خشبالومنيوم ...متستخريش في الحاجة لانها منزل العمر

ربنا يوفقك ويتمم لك بخيييير

التجمع ما شاء الله جميل بس بعيد علينا كل اهلى الناحيه دى فكان صعب نبعد هى فيلا محندقه الارض 288 متر

والله مش حكايه استخصار انتى عارفه ده المطبخ يعنى اهم عندى من غرف النوم بس انا مره سمعت من صاحب اخويا عن قبنورى وتعاملهم صراحه وحش جدا
رنوا الجرس عليهم الساعه تقريبا 2 الصبح وباللفظ مطبخكم تحت فى بير السلم تعالوا استلموه
ومشيوا وسابوا المطبخ فى بير السلم
وكانوا دافعين مبلغ محترم طبعا لو حصل كده معايا ممكن تجينى سكته قلبيه فيها

والقصه اننا بقالنا كتير بنشطب وعاملين حسابنا ان المطبخ على اكتر تقدير ياخد شهر او شهر ونص واننا ننقل قبل الدراسه عشان انتى عارفه نلحق ننقل المدارس وكده
بالشكل ده شكلى ح انقل من غير مطبخ يا جمالى

التجمع ما شاء الله جميل بس بعيد علينا كل اهلى الناحيه دى فكان صعب نبعد هى فيلا محندقه الارض 288 متر

ماشاء الله ربنا يبارك لكم فيها و يسعدكم يارب

بس انا مره سمعت من صاحب اخويا عن قبنورى وتعاملهم صراحه وحش جدا
رنوا الجرس عليهم الساعه تقريبا 2 الصبح وباللفظ مطبخكم تحت فى بير السلم تعالوا استلموه

مش عارفه بهذا الخصوص ...بس صراحة ليهم مركز تحت مكتبنا فيها اشكال راااائعه

و في ناس بتشتري فعلا

والقصه اننا بقالنا كتير بنشطب وعاملين

ههههههه بقالنا 4 ولسه وشطبناش الحاجة غالية قوي ياراجية والاسعار عمالة ترتفع ربنا يكون في عون الشباب

بالشكل ده شكلى ح انقل من غير مطبخ يا جمالى

ههههههههههههه

ان شاء الله تقدري تعمليه ومش مشكله في السخانات الصغيرة وممكن تقضيها حتى ينتهى

ربنا معاكي

اهلا براجية نورت الركن عزيزتى

بالنسبة لاستفسارك كما قالت الغالية يى هابى ملهاش حل غير فى الالوميتال

ولكن بالنسبة للنمل فليس له حل سواء كان المطبخ خشب او الوميتال المشكلة تكمن فى الصراصير خاصة وانتِ تقولى ان هناك سلم على الحديقة يعنى امكانية الدخول للمطبخ سهلة

اذا عملتى خشب فيفضل دهان الكبائن من الداخل بدوكو او لاكيه او بطبقة عازلة عن الخشب حتى لا تربىصراصير فيه

انا مع مها فى اللجوء الى قبنورى فهو منتجاته رائعة وبعدين يمكنك التفاهم معهم على التسليم واخبارهم بالحصل مع قريبتك لانه مستحيل يرموا المطبخ فى بير السلم دون تركيب ... التسليم بيكون مع التركيب بالطبع امال مين الى هايركبه ؟

عموماً فكرى جيدا وروحى وشوفى قبنورى وبعين حددى اى طريق ستسلكين الخشب ام الالوميتال

بالتوفيق