السلام على من اتبع الهدى
للظبيانية بس ....
بنات منو فيكم تعرف محل في بوظبي يبيع لحف حلوة و ألوانها تكون روعة و فاتحة لأني مليت من الغامجة و بأسعار ما تكون غالية لأني اتفشل من أبوي يوم أطلب منه


و للمبدعات : غرفتي صغيرة وااااايد و مب عارفة شسوي عشان أكبر المساحة أفكر أطلع التسريحة من الغرفة عندكم راي ثاني ؟؟ و أثاثي هو شبرية كوين ( ملكة ) و 2 كامدينو و تسريحة و طاولة دراسة و ثلاجة صغيرة و شماعة ملابس عودة ..

أنا أول مرة أدش هالركن و شفت المبدعات عندكم وايدين ماشالله فقلت أعرض عليكم مشكلتي و أنا متاكدة إنكم ما بتفشلوني

هلا أختي.... الظبيانيه عندج آمري أنتي بس؟؟
بنسبه للمكان اللي يبيعون اللحف بتحصلين أحلى الألوان الفاتحه في Bhs أو جي سي بني
هاذي الأماركن اللي أشتري فيها بس هيه أسعارها شوي غاليه بس في مكان
قالولي عنه وأنا أشتريت من عنده وهو واااااااااااااايد حلوه موديلاته وتيكون الوانه
أوفوايت أو أبيض أو ألأوان فاتحه مثل الوردي و السماوي ومزخرفه بورود صغيره
وهذا المحل أسمه الجزيره وصدقيني أشياء حلوه وبسيطه وما أتكلف وهي نوعيه بعد
وأظن موجود في السوق القديم أو الجديد بس أنا بتأكدلج من مكانه وبرد عليج

تسلمين يالظبيانية
مشكورة بس أبى أعرف إذا عندهم اللون البني و تدرجاته ؟؟
و أتريا ردج

أختي el5a6eera ....
أنا عرفت وين مكانه بتحصلينه في السوق اليديد وبنسبه حق الألوان
أكيد عندهم البني وتدرجاته وأشكال حلوه بعد
والموديل اللي يعيبج بيطلعلج اللون اللي أنتي تريدينه
ونوم العافيه

حسافة لو انتي بالكويت كان ساعدتك
بس حبيت انبهك على شغلة وهي ان السلام على من اتبع الهدى لا تقال للمسلمين ولكن تقال لغير المسلمين رجاء لهم ان يتبعوا الهدى فيكون عليهم السلام
اما للمسلم فنقول السلام عليكم ورحمة الله وبركاته
ادري هذا مو القسم الديني بس حبيت انبهك واتمنى ما اكون ضايقتك

مشكورة أختي انا فعلا ما كنت أعرف هالمعلومة الصغيرة بس قيمة و راح أقولها لرباعتي بعد لأن نحن وايد نستعملها في المدرسة ..

و أكرر شكري لج

أختي العجابة إن شالله هاليومين بروح أشتري و بدعي لج بعد
و مشكورة واااااااااااااااااااااااااااااااااااااااايد

أفاااااااااااااااااااااااااااا وين المبدعات !!
يالله ردوا علي بخصوص غرفتي الصغيرة

السلام و عليكم و رحمة الله تعالى و بركاته
أشحالج أختى الخبيرة إنشاء الله تكونى بخير
أسمحى لى هاى أول مشاركة أشارك فيها و حبيت أنها تكون رد على موضوعج
عزيزتى أعرف حرمة تبيع شراشف خاصة بالفراش وهى تييبهم من لندن مثل ما قالت الأخت
أى نفس إللى عند جسى بينى لكن أسعارها جدا معقولة و بعد ألوانها كلها فواتح من النوع إللى فيهن ورودصغيرة و ألوان صيفية ما أدرى إذا بغيت رقم الحرمة أنا حاضرة و من عيونى
أختج فى الله

هلااااااااااا بهدوء و النعم والله ..
و عليكم السلام و رحمة الله و بركاته ..
منورة المنتدى حبيبتي و يشرفني ان الإفتتاحية تكون بموضوعي
طبعاً أبى رقم الحرمة ..
بس هي عندها محل و لا شو ؟؟