كتبت بواسطة dodymido

اول حاجة السلام عليكم ورحمة الله وبركاته
وشكرا لييييييييييكم على الموضوع المفيد جداااااااااااااااااااا وربنا يجعلوا في ميزان حسناتكم
ثانيا انا من القاهرة ومخطوبة ولقيت شقة بس المقاول هو اللي هيشطب يعني أنا يدوب هختار الألوان

فممكن حد يقولي إيه ألوان الموضة والألوان الكويسة وبلاش البيج لا في السيراميك ولا الحيطان ولا
الفرش (طلب صعب صح ) بس أعمل ايه بحس انه تقليدي

عموما انا كمان الصالة عندي صغيرة بس مش أوي وفيها عمود ودا مضايقني
عايزة أعرف أعمل ايه في العمود وحد يرشحلي الألوان ونوع سيراميك يكون معقول مش غالي لأن المقاول هو اللي هيشطب

معلش طولت عليكم بس أنتم اول ناس فكرت يساعدوني
وربنا يخليكم للغلابة أمثالنا

شكرا ليكم

أهلا بك اختى الحبيبة .. بيت مبارك عليك أن شاء الله .. و زواج موفق
شوفى حبيبتى اللون البيج هو لون محايد يمكن علشان كده كتير بيختاروه .. أنا عن نفسى ما بحب الألوان المحفوظة بشعر ان رغم اناقتها و لكن العين اتعودت عليها
انت اهم شىء تشوفى ايه الألوان اللى بتحبيها عموما و بتلفت نظرك فى الديكورات و الأثاث و ده بيحصل من خلال التصفح لموضوعات أو الألوان اللى بتلاحظى انها بتلفت نظرك و بتحبيها اكتر باى منزل

ساعتها تقدرى تختارى و تنسقى باقى المنزل على ما يتلائم من ألوان حددتيها
و أى استفسار تحت امرك حبيبتى

كتبت بواسطة pringt3000

السلام عليكم ورحمة الله وبركاته
انا لسة مشترتش ولا فتله بس نزلت لفيت في كل الاماكن في وسط البلد شارع عبد العزيروالازهر ودرب سعادة وحمام الثلات , فا انا بطلب منكوالو اي واحدة عندها خبرة باسامي محلات لكل حاجة والاسعار عشان انا خايبة مووت في الفصال والشرا وانا لوحدس محدش معايا فا ارجوا ان حد يكون اشتري ويساعدني , وكمانمحتاجة استشارة بالنسبة للاجهزةعايزة اعرف الانواع المتينةالي تعيش عشان انا محتارة اجيب ايه بجد والي عجبني من الاجهزة كانت غسالة وثلاجة LG بس كانوا غالين اوي فايريت اياخت تكونعندها خبرة بلموضوع دا تردعليا

اهلا بك غاليتى .. شوفى دى الاماكن اللى عموما بيها المفروشات الخاصة بالعروس
لكن بيكون بكل منطقة محل او اتنين مثلا معروفين باسعارهم المعقولة و ذوق مميز
مثلا انا كتبت عن محلين اعرفهم قريبين منى فى المنيل
هما كراكس و سيد
دول بيتوفر عندهم تشكيلات خاصة بادوات المطبخ و الاكسسوارات عموما و اعرف ان اسعارهم معقولة جدا و مش غاليين .. عندك كمان التوحيد و النور جزء المطبخ بيه بعض الأشياء اسعارها متقاربة جدا من حمام التلات و بدون اى فصال
لكن لو حبيتى اشياء مش مكررة و محفوظة او متميزة من اكسسوارات فبيكون عن طريق محلات متفرقة .. و بيكون باكتر من مرة بتنزلى حبيبتى مش مجرد مرة لان الحاجات بتخلص و بتتجدد

الموضوع ده كمان حيفيدك كمان عن تجارب الاخوات للغالية يوميزو جزاها الله كل خير

.•:*¨الى بنات مصر المقبلات على الزوااااااااج¨`*:•.

كتبت بواسطة dantllaa

عزيزتي اسرار اسفه على التاخير واي خدمه لعيونك يا قمر الحاجات اللي عايزاها دي ممكن تلاقيها في المنشيه الصغيره اللي هي من شارع النصر هتلاقي محلات بتبيع الحاجات دي وفاصلي معاهم جامد ولو عايزه حاجات تري شيك انزلي على الجاليريهات بتاعت لوران هتلاقي حاجات تهبل بس تقلي جيبك شويتين واي خدمه ياقمر ولكل بنات اسكندريه

اهلا بك حبيبتى و تسلمى على مرورك الغالى و مجهودك جزاك الله كل خير و جعله بميزان حسناتك

كتبت بواسطة pringt3000

انا رحت ارض المعارض الشهر الي فات مش لقيت اي حاجة غير السوق التجاري بس
ممكن تقوليلي فين بالظبط وشكرا

اهلا بك غاليتى
بصراحة انا لم افهم استفسارك بالظبط موجه لاى نقطة او لاى اخت اعذرينى

و بالنسبة لأرض المعارض اللى اعرفه ان فى معرض الايام

انا رحت ارض المعارض الشهر الي فات مش لقيت اي حاجة غير السوق التجاري بس
ممكن تقوليلي فين بالظبط وشكرا

لو قصدك على معرض دمياط الدائم يبقى تدخلى من بوابه 10 وتسالي هناك الف مين يدلك

أختي bosy شكرا على الرد

بس ممكن حد يقول لي ايه اللي اعملوا في العمود اللي في الصالة حد يقول لي اعمل في ايهههههههه
وكمان انت قلتي على محلين في المنيل ياريت تقولي عليهم تاني وهما فين بالضبط أنا ساكنة في فيصل

مرسي يا جميل بس طلب تاني ايه الألوان الموضة في العفش

شكرا وجزاك الله خيرا كثيرا
معلش يتتااقل عليكي

بس ممكن حد يقول لي ايه اللي اعملوا في العمود اللي في الصالة حد يقول لي اعمل في ايهههههههه


ممكن لو هتعملي البيت الوان تعملي العمود باللون الغامق بيدي شكل جميل
او تعملي زجاج مرايات عليه هيدي شكل حلو وفي نفس الوقت هيوسع الصالة
وممكن كمان تعملي زجاج الديكور بيبقي فيه اشكال والوان كتير زي المناظر الطبيعية والايات القرانيه ومش غالي اوفر من المرايات
وممكن كمان لو العمود قريب من الحائط تقفلي الجزء ده تعملي مثلا جزامة وفوقها رفوف زجاج تحطي عليها انتيكات وتستفيدي من الجزء ده

والله انتم بنات عشره على عشره انا مجوزه من عشر سنين غلطت كتير وانا بشتري العفش والجهاز اهم حاجه وانتي بتشتري العفش يكون معاكي مقاسات الغرف وكل مكان العفش صغير وبسيط يكون احسن علشان الشقه تكون وسعه ومريحه حتى والله لو كانت كبيره وكمان أعملي حساب الاولاد علشان يعرفوا يلعبوا وانت كمان تعرفي تنظفيها بسهوله بقولكم كده اصل انا عفشي تقيل وبيتعبني في النظيف ومجبيش اللوان فاتحه اوي ولا غامقه اوي وتأني في الشراء علشلن مترجعيش تزعلي وتقولي ياريت كنت جبت -------- وانا مع الاخت اللى قالت متعمليش سرميك في غرف النوم لان عندي نفس المشكله وهاتي ألأوان تديكي احساس بالحيويه ومزهزه لحسن الالوان الهاديه بتهدى اوي وبتبقى مش حلوه أعملي دمج بين اللون القوي واللون الهادي وأهتمي بالتحف والانتيكات لانها بتحي المكان والسجاد مجبهوش كبير علشلن تعرفي تشليه لوحدك وانشاء الله هقول لكم على حجات تانيه اصلي راحه أطبخ للعيال وابوهم وربنا يتمم للعرايس اللي على وش جواز بخير ومتنسوش تعزموني في الفرح ويرزق اللي لسه بعرسان طيبين ومع السلامه لحسن الاكل على النار

الغاب

شكراً جدا على الموضوع الرائع ....... ولكنى من اسكندرية عاوزة عناوين للاثاث والمفروشات والانجيرى ولو من دمياط ولا المناصرة احسن ؟؟؟؟ ارجو الافادة

الستائر رائعة ولكن ارجو ان تزيد مساحة الصور فالديكور لا يمكن الحديث عنة بدون صور

بجد الموضوع هاااااااااااااااااايل

وجه وقته

انا عايزة اجدد الصالون بتاعى ومحتارة اجيب قماش التنجيد نوعه ايه ومنين

انا ممكن انزل القاهرة قريب وبالمرة عايزة اقماش ستاير حلو

وربنا يوفقكو