كيفكم احبتي شخباركم والله الواحد يحتار في منتدى لك في اي بحر يدخل ؟؟ الله يخليه لنا

وانا اتصفح الديكورات حيث الموجة لدي الان نحو الديكور لاني اريد تغير ديكور المنزل في بعض الاماكن

احترت في بعض الامور وكيف انسقها قلت استعين باهل الخبرة والبركة واللي عندهم باع طويل في الديكور مو زي
بصراحة اريد فكرة لترتيب خزانة او بالاصح مخزن الاطعمة او مستودع مع العلم انه مساحته صغيرة وجداره مائل قليلا وكل شئ موجود فيه بكرتون يجعله اكثر ازدحام ويصعب تناول اي شئ بسرعة فهل من طريقة لترتيبه ؟؟
2- غرفة نومي صغيرة نوعا ما واريد ديكور بسيط لها مع العلم اني سوف اغير لون البوية من الابيض الى السماوي وافكر اخلي الموكيت او الفرشة عودي اما السرير والدولاب فهم ابيضا اللون وهو من الخشب الاصلي خسارة اغيره الان لذلك افكر في تغييره لاحقا او ربما اصبغة بلون عودي وسماوي ايش رايكم ؟؟
وكمان في شغلة عندي دولاب للكتب لكن ماشاء الله لم يعد يكفي كتبي فكل سنة تزيد نسبة الكتب والمجلات التي احتفظ بها ولا اريد ان اتخلص منها لجأت الى انقاص مالا احتاجه حاليا في كرتون ووضعه فوق السطح في غرفة اخي >>>>>>>>>>>ماصدقت تزوج استغليت غرفته ؟؟
: )
وبرضه الدولاب لم يعد يكفي باجنن المشكله المساحة اللي فيها الدولاب الحالي ليست كبيرة نظرا لوجودمكتبي بجواره احاول تصويره لكم اذا قدرت بس والله خايفة من الفشله مايستاهل المكان تصوير حوسة المكتب اوراق مجلات رسايل كتب تحضير واخر قربعة ؟؟
في انتظاركم على ناااااااااااااااار لاني بالفعل متضايقة من المستودع وانوي اصلح البيت قبل ماتسافر الخادمة باقيلها شهر

كيفك الليدي ان شاء الله تجدين مايسرك

بالنسبة للمستودع لم تذكري مساحتة من الطول والعرض

التخزين في المستودع يعتمد على الخزائن المتعددة الطوابق كالأرفف

للكراتين والحاجيات غير المستهلكة كثير لألأاسف لا املك صور لها ارجو ان تكون الفكرة وصلت

وممكن عمل مثل هذه الدواليب وهي لغرفة غسيل طبعا مع الاستغناء عن الغسالة تكون دواليب كلها

لحفظ الاغراض وهي مستترة

بالنسبة لغرفة نومك اللون السماوي جميل في غرف النوم

لكن لا انصحك بطلاء الدولاب فألأبيض جميل جدا مع الأزرق

وممكن ادخال الأخضر الفاتح مع الابيض والسماوي كهذه الغرفة الجميلة





هنا غرفة تجتمع فيها الوان السماوي والابيض من مفرش وطلاء وستائر والسجاد ممكن سماوي او ابيض







ايضا اضافة لون الأحمر الغامق على المفرش والتحف والخداديات والسجاد يعطي لمسة حياة جميلة

سادة او مشجر حسب رغبتك لكن اذا غرفتك موكيت الافضل سماوي بعدة درجات






او اللون البيج على الخدادبات والتحف والسجاد او الموكيت والمفرش والستائر وتكون اما تقليمات او تشجيرات

افضل مع السماوي لانة لون هادي فيجب احيائه

الف الف الف لا بل مليون الف شكر على اختيارك بل عاجزة عن الشكر وولا املك سوى ان اقول جزاك الله خير وتستحقين بجدارة وسام المصممة ؟؟ الوان بصراحة ساعدتني كثير في المضي نحو السماوي الهادئ بس لا اخفيك خايفة من ان الدرجة التي بالصور والتي بالفعل هي ما اريد لاتكون بنفس درجة الالوان اللي بدفتر الالوان اعطوني الوان واخترت سماوي فاتح بس خايفة تكون اما فاااااااااااااتحة جدا ولا تبان او غاااااااااامق وتصير الغرفة كئيبة ؟؟ اش رايك مستعدة اصور لك دفتر الالوان بس اخاف ماتبان واضحة ؟؟

اما بالنسبة للمستودع هو للاطعمة فقط ولان المكان صغير اسمع دايم يقولوا 5×6 ما ادري المهم انه صغير وبالفعل فكرت اعمل رفوف لان السقف عندي مائل وتكون زي اللي في الدكان بس اش رايك المنيوم افضل ام خشب ؟؟ فكرت خشب ممكن ياكله العت (دودة الخشب ) بينما المنيوم لا مع انه غالي طبعا

في انتظار ارائك العطرة التي ثقي انها مهما كانت احترمها واقدرها يكفي سعة صدرك واستجابتك من بين 41 زائر شاكرة لك مرة ثانية

السلام عليكم..
مشكوره يالليدي على قلة الخبرة اللي عندك بالديكور مثل حالتي
لاني بصراحة استفدت من سؤالك
وشكرا لكِ ايضاَ سموح على ديكوراتك المميزة لاني لم اتخيل ان يكون اللون الازرق بهذا الجمال حينما نحسن تنسيقه..وياليت تعرضين صور اكثر عن المستودعات وطريقة ترتيبها..ولكم جزيل الشكر

أخواتي....

ناانه والليدي لا شكر على واجب

صدقيني اكون مستمتعة عندما اساعد احد الاخوات واشجعها خاصة وان

كانت قراراتها واتجاهاتها سليمة في الديكور لكن تحتاج لدفعة تشجيع

اذ بتختاري من كتالوج الالوان دائما يكون اللون اللي اخترتية تجدينه فيما بعد اغمق قليل من اختيارك

بسبب الطباعة لكن لايسبب مشكلة اذا كان لونك فاتح جدا

بالنسبة للمستودع فهذا مساحتة كبيرة كما ذكرتي توكلي على الله واعملية

دواليب الامنيوم أفضل كما قلتي وهناك نوع رخيص من الالمنيوم فقط لانه اخف وزن من الغالي


هذه دواليب لمطابخ خذي منها بعض الافكار في التخزين والحفظ..


هذه الأدراج تنفع في حفظ الاطعمة والمعلبات والمشروبات مناسبة جدا لخزائن المستودع

وهي عبارة عن دواليب طولية غير منفصلة






هذا تصميم عصري وبزاوية جميلة تحفظ اكثر استغني عن المغسل ويصبح للخزن والحفظ

السلام عليكم..
مشششكوره ياسموح..
الكلمة الطيبة صدقه ولها وقع جميل في القلوب فمساعدتكِ لنا مثل الكلمة الطيبة

هلا بك نانونه تصغير وتدليع وحياك قاطة نفسك في موضوعي ليه ؟؟

امزح مافيها شئ كلنا نستفيد وانشاء الله اذا خلصت من المستودع حقي اصوره لكم

سموحة الحلوة ولو ماسويتي كذا ماتكوني سموحة الله يسعدك بالفعل كنت مترددة شويه في اللون بس دحين عجبني مررررررررررة بعد ماشفت الصور ورحت عند الرجال واخترت اللون فاتح سماوي لانه في الكاتلوج طلع مررررررررررة فاتح ولا باين انه سماوي فاخذت درجة شوي اقل ولقيت عنده حركة عجبتني مررررررررررة وحانفذها انشاء الله وهي انهم عاملين اشكال بس طبعا تناسب الاطفال اما انا فقررت اعمل نجوم اقصها على تجليدة اللي تلصق والصقها في السقف وقليل من الجدار وبعد مايضرب الغرفة بوية انزعها وتصير شكلها نجوم بيضاء اش رايك ؟؟
ومعليش لو اقلقتك معاي بس اش نسوي ضريبة الخبرة محتارة في لون الموكيت لاحظت اغلب الصور على البلاط او نوع خشبي فهل يطلع حلو لو اخترت سجادة لون خشبي ؟؟ وهل ينفع فاتح او غامق لان الغرفة لاتنفع سيراميك

الليدي ياوخيتي تراك بتخربين الجدار اذا نزعتي الملصقات 000البوية

حتلصقها في الجدار لكي مرة اعتقد صعب نزعها بس انتي قولي لي من وين

شفتي الطريقة؟!!

يعني انت واثقة من صلاحيتها ...

انا عندي طريقة أحلى وهي انك بعد ما يدهنوا الجدار احضري فلين وشكلية

بالمشرط الشكل اللي انتي عاوزتية وبعدين البسي قفازات وضعي طرفة

في الدهان الأبيض او الاحمر الغامق اللي عاجبكي وأطبعية في الجدار

كل طبعة مرة في اماكن متفرقة...هاه وش رأيك !؟

صدقيني نتائجها سليمة وصحيحه لأنها مو من عقلي

من مجلة ديكور

بالنسبة للموكيت ممكن بيج اذا حابة تدمجية مع السماوي والأحمر الغامق

او اذا انت حابة لون سماوي وابيض وأحمر غامق حيكون الموكيت سماوي

درجة افتح من الدهان لأن الموكيت أحمر مرة مو حلو وممكن تضعي سجاده

أحمر غامق على الموكيت يكون شكلها مناسب لديكور الغرفة..

تحياتي..

السلام عليكم..
يقولون حشره مع الناس عيد..
المهم لاتنسين صور المستودع وغرفتك بعد لأن اختي مثلك ماصدقت اني
اتزوج عشان تغير الغرفه على مزاجها..وكلي صدر رحب.