بسم الله الرحمن الرحيم
السلام عليكم ورحمة الله
انا اخوي بيتزوج في الصيف وابغاكم تساعدوني في تاثيث البيت انا من جده ابغاكم تدلوني على محلات بس يكون
سعرها معقول وافكار جديده الله يخليكم كل وحده تدخل وتعطيني فكره حتى اللي من خارج السعوديه ممكن تعطي فكره تفيد
في كمان سؤال انا عندي 3000ريال ايش ممكن اجيب فيها هديه كل وحده تعطيني فكره انا فكرة اشتري فيها اشياء للمطبخ
تصميم البيت غرفة مجلس كبيرة مع حمام برة وبعد كدا صالة ومطبخ وبعد كدا حمام وغرفتين غرفة كبيره وغرفه صغيره 4في4 وغرفة نوم بحمامها
انا بارجع افتح الموضوع المغرب واتمنى الاقي ردود

وعليكم السلام ورحمة الله وبركاته

مبارك لأخيك عزيزتى

انا اخوي بيتزوج في الصيف وابغاكم تساعدوني في تاثيث البيت انا من جده ابغاكم تدلوني على محلات بس يكون
سعرها معقول وافكار جديده

اتمنى من ساكنات جدة ان يفيدوك فى هذا الجزء ان شاء الله

اللي من خارج السعوديه ممكن تعطي فكره تفيد

نحن تحت امرك بس اخيتى لم تذكرى اذا كان تم التشطيب للشقة ام مازالت فى مرحلة التشطيب
ايضا اعطينا بعض التفاصيل اكثر عن ذوق اخيك فى الوان الحائط ونوع الفرش ولونه وايضا الارضيات التى سيستخدمها والوانها .... الخ من هذة التفاصيل ونحن نساعدك

تصميم البيت غرفة مجلس كبيرة مع حمام برة وبعد كدا صالة ومطبخ وبعد كدا حمام وغرفتين غرفة كبيره وغرفه صغيره 4في4 وغرفة نوم بحمامها
انا بارجع افتح الموضوع المغرب واتمنى الاقي ردود

انا افضل ان توضحى بالرسم
وانا تحت امرك
بالتوفيق

مع الغاليه شذى ..بانتظار ردك على اسئلتها
وان شاء الله نقدم ا نستطيع

الف مبروك

شكرا اخواتي شدى وpehappy
واسفه على تاخري انشغلت المهم بادخل في الموضوع بالنسبه للشقه فهي مشطبه جاهز بس باقي الاثاث ولون السراميك كري غامق والبراويز افتح درجات البني لون الحمامات الثلاثه الخربزي بدرجاته يعني حمام خربزي فاتح والثاني غامق وهكدا ولون المطبخ بيج على خربزي ونسيت اقول لون الجدران اغمق من لون السيراميك بثلاث دجات وبالنسه للتصميم ماقدر انزله اخاف تقلدوني {امزح}والله انا ماعرف انزل صورة ولدي وهي موجوده على الجهاز بانزل تصميم شقه قوووووووووووووووووووووووووووووووووووووووووويه
وبالنسبه لاخوي ماعليك منه لأنه اتكالي يعني انا بسوي كل شي واتمنى انكم تساعدوني

حياك الله اخيتى..

بالنسبة لتأثيث فى جدة فهو فى متناول اليد انت وميزانيتك فى الغالى وفيه الرخيص..

وراح ابدأ لك خطوة خطوة..

غرف النوم...شوفى شارع الستين فيه العبد اللطيف وهوم كمفورت والصبان والجودى وكمان هوم بلازا..وكلها اسعارهم متفاوتة..

عندك تنجيد المجالس والستائر شوفى سوق البدو فى محمود سعيد وعندك كمان نهاية شارع الستين عند البيك اللى فى حراء محلات تنجيد طيبة جدا ..

المطابخ شوفى شارع صارى فيه محلات المنيوم وخشب والوميتال ..

تجهيزات المطبخ لايفوتك شارع الشرفية فيه بادحمان والسيف وربات البيوت...


اما هديتك بما انها 3000ريال ممكن تشترين بها بوتجاز كهربائى او ثلاجة مع مكنسة...
او تشترين بها طقم للضيافة مع طقم صينى ...
او تشترين طقم كنب صغير لااحد الغرف..

هذا اللى عندى واى استفسار انا جاهزة..

الف شكر اختي الكروان بالنسبه للمحلات هدي كلها انا اعرفها بس انا حابه اعرف في افكار جديده اتمنى تكوني فهمتيني وبالنسبه لفكرة مجلس لاحد الغرف انا فكرة اجيب كم طقم كنب صغير للغرفة الصغيره بحيث كون غرفة معيشه بس هو حاب تكون قعده في الصاه وفي هدي الحاله ان ماني عارفه ايش اخلي الغرفه هدي

حرام عليكم اروح وارجع ولااحد يرد معقول مافي ولافكره من 121وحده دخلتالموضوع

السلام عليكم
ممكن تلاقي اثاث حلو وكنب صالونات وجلسلت حلوه عند محلات ( القطب والسقاف) بجدة
وسوق الشاطئ من الخلف فيه محلات تفصيل اثاث حلوه
وبالنسبة لهديتك ممكن تكون طقم صيني راقي للضيافة وممكن تلاقي اشياء حلوه وباسعار طيبة عند محل ( اللوفر) في سوق المساعدية .......... ارجو ان اكون افدتكِ بشئ ....... ومبروك مقدماً وبالتوفيق .