السلام عليكم
اولا احب اشكر الاخت moon&stars
علي الخبز الرائع ده وعلي الوصفه دي بجد تجنن وبشجع كل الاخوات الي لسه محجربوهاش يجربوها
انا مش عارفه اقولكم انا سعيده قد ايه ان اول تطبيق ليه من الركن هنا ينجح انا عامله رجيم واول ما دوقته كسرته فورااااا
بس في اخطاء كتير قالتني عاوزه الخبيرات ينصحوني اعمل ايه بعد كده
اولا انا معرفتش اطلعه من الصينيه لانه ماشاء الله ارتفع جامد وخمر بس معرفتش اطلعه الا لما قطعته
ثانيا وانا بعجن طبعا كان منظري يموت من الضحك انا ملحتش احط نص كميه اللبن ولاقيت العجينه سايحه خالص
ومفيش فايده مش بتلم معايا خالص زودته دقيق ولمت شويه
ثالثا العجنه وانا بفردها بالنشابه كانت بتتخرم وكنت حعيييط
بس ميأستش
وقررت اكمل مهما حصل والله انبسط خالص ان شكلها وطعمها طلعو كده
معلش دوشتكو بس انا فرحااااااااااااااااانه
اسيبكو مع الصور
الروابط المفضلة