السلام عليكم ورحمة الله وبركاته
بمناسبة المعجنات الغير تقليدية أحب أقدملكم الوصفة اللذيذة ده وهي للأسف مترجمة مش من تصويري بس حقيقي مش فاضية اليومين دول خاالص أعمل وأصور بس حبيت أشارك بالوصفة وياريت نشوف تطبيق من أخواتنا الشاطرين
Dulce de coco bread
المقادير
3 كوب دقيق
1/2 كوب دقيق سيمولينا
(يمكن إستبداله بدقيق عادي هو فقط لزيادة جودة العجينة وده قاعدة عامة في معجنات الخميرة (
1 ملعقة صغيرة ملح
1/4 كوب سكر
1/1/2 ملعقة صغيرة خميرة
2 بيض
3/4 كوب ماء دافيء
3 ملعقة كبيرة زيت أو زبدة سايحة
كوب من صوص الكراميل بنكهة جوز الهند
كوب من المكسرات
تذاب الخميرة في الماء الدافيء وتترك 10 دقائق لتتفاعل
تخلط جميع المكونات وتعجن جيداااا العجينة تكون طرية شوية
تترك العجينة لتخمر مرة أولى
نضع المكسرات في قاع اناء الخبز
بعد إختمار العجينة لحوالي الساعة تقطع الى كور متساوية الحجم
تحشى الكرات بجوز هند مبشور ثم تغلق
تغطس في صوص الكراميل وترص فوق المكسرات
وتغطى بباقي الصوص والمكسرات
تترك لتخمر مرة تانية
تخبز في فرن مسخن مسبقا على درجة حرارة 180م
لمدة 25 دقيقة تقريبا
وده قطع للي عايز يدوق
طريقة كراميل جوز الهند
كوب من السكر
علبة من حليب جوز الهند
ملعقتان من الماء
يوضع السكر مع الماء على النار حتى يتحول إلى كراميل
يسكب فقهم حليب جوز الهند
يقلب جيدا حتى تمام الذوبان
يترك على نار هادئة حتي يتقل المزيج شوية
وفي طريقة تانية انك تعملي كراميل عادي بطريقتك اللي تضبط معاكي وفي الأخر تضيفي له شوية جوز هند ناعم ومحمص قليلا
طريقة حليب جوز الهند
عشان محدش يزعل
تجيبي ثمرة جوز الهند وتستخرجي المية اللي جواها
تقشري الثمرة
تبشري جوز الهند الجزء الأبيض بالمبشرة كويس
تضعي الماء اللي كان بداخل الثمرة مع بشر جوز الهند في الخلاط
تضربيهم كويس
تصفي المزيج بمصفاة ناعمة أو شاشة
السائل اللي طلع عندك هو ده حليب جوز الهند
بالهنا والشفا
دعواتكم يابنات
الروابط المفضلة