لخبز... بسم الله ماشاء الله لاقوة الا بالله
(( الملووح🌼 ))... خبز امي🌼
تعز احبك مدينتي الحبيبه.. الله يفرج عنك وعن بلادنا وينصر اهلك على من ظلمهم ويصبر القلوب ويفرحها
ذا خبزنا فتحت عيوني وامي تخبز لنا منه الله يحفظها .. لكن امي ما تعمل سمن لان تنورها مايمسك بالخبز كثيير.. فاضافه السمن من عندي.. ولي 4 سنوات على هذه الطريقه اليوم حسبت المقادير.. ليتعلم الجميع هذه الطريقه مافي افضل منها وهذا شكل الخبز الملووح الصح خفيف ويتفكفك رقاته ومن نفس العجينه نعمل خبز ... الصور توضح
كوبين ماء عليهم ملعقه كبيره سمن سايح.. ثلاثه ارباع ملعقه كبيره ملح .. ملعقه كبيره حليب باودر . نص ملعقه خميره فوريه .. ثلاثه وربع كوب دقيق ابيض.. كوب وثلاثه ارباع كوب دقيق اسمر .. اذا نقص الطحين وعادها رطب ضيفي ابيض تعجن ويعد ربع ساعه عيدي لفها ثم خليها ساعه تتخمر... يعني الكل ساعه وربع... بالشتا زودي الخميره.. الحين صيف تشتا بسرعه
تنوري صغير فلازم اقطع الكرات صغيره اصغر من حجم البيضه كل ملوحه 5 اقراص ولما نكمل العجينه نرجع نلوح 5 اقراص بينهم سمن مسحه لا توصلوه لخارج .. امي كانت تعمل سبعه والكرات اكبر
الحبه السوداء توزع قبل الطبقه الخامسه نتركهم يرتاحوا 5 دقيقه بينما نشغل التنور
ونغطيهم بكيس لما نقطعهم كور وبعد ما نلوحهم عشان ما ينشف الوجه
نلووح باليد ونمد على المخبزه ونخبز .. طبعا استخدم الملقط لاشيله لا تفكروني شجاعه.. 😅
ولما نخلص نخلي الخبز شوي بعدين نغطيه ليظل رطب
يرش عليه بالعسل والسمن وناكله مع الشاي.. او ساده مع الفول والفاصوليا والطبيخ الخضار المشكل ياسلااام.....
Sent from my SM-N9005 using منتديات لكي mobile app
رد مع الاستدلال
كتبت بواسطة الشفاعة
الروابط المفضلة