فطيرة السكر الرااائعة **لفة جميلة وسهلة**لاقتحام المطابخ و طبق انستغرام
معجناتى بأشكال مختلفة و ظريفة *
فطيرة السكر الرااائعة **لفة جميلة وسهلة**
ازيكم اخواتى فى الله يا رب تكونوا كلكم بخير ياااااااارب
بقالى كتييييييير منزلتش مواضيع و بالذات فى قسم المعجنات الاقرب الى قلبى
ان شاء الرحمن هنعمل سوا النهاردة لفة جديدة و جميلة و شيك و سهلة جدا فى نفس الوقت
صورة تشويقية تجويعية كدا
المقادير
اى عجينة انتى معتمداها و بترتاحى فيها
انا مابغيرش عجنتى لانى برتاح فيها جداااااااا و نتيجيتها بفضل الرحمن اكثر من رااااااااائعة
و هتلاقيها فى اللينك ده
بس انا هكتب المقادير للجماعة اللى بيكسلو يفتحو لينكات هههههههههه
مقاديرنا هى ...
3 كوب دقيق
3 معالق كبيرة سكر
نص معلقة صغيرة ملح
حوالى كوب ماء او لبن دافئ
بيضة واحدةو رشة فانيليا للعجينة +بيضة مع فانيليا لدهان الوجه
قطعة خميرة فى حجم الليمونهاو معلقة كبيرة خميرة
ربع كوب زيت +معلقة كبيرة ممسوحة سمن او زبد
2 معلقة لبن بودرة او 2 معلقة زبادى (اختيرى بس وجودها بيعطى طرواة اكتر للعجينة)
الحشو (هنا هيكون زيت او زبدة + سكر )
الطريقة
*هندوب الاول الخميرة فى شويه ميه من الكوب مع شوية سكر
*هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء
* و بعدين نسبها تخمر ساعة و بعدين نتبدى نشكلها كالاتى .....
هنا لما خمرت ..
هنا هنحاول نسويها لسهولة تقسيمها
** هتاخدى العجينة و تقسميها الى 8 قطع بالشكل ده
يعنى هنقسم العجينة 2 و بعدين 4 قطع و بعدين 8 قطع و طبعا يكونوا متساويين
الى حد ما و هنكورهم عشان يتفردو معانا بسهولة
و هنفرد قطعتين بالشكل ده عشان هنحطهم على بعض
....بس الاول لما نفرد قطعة العجين الاولى ندهنها زيت او زبدة سايحة(المتاح عندك)و بعدين ترشى عليها شوية سكر ...
.و هنحط قطعة العحين المفرودة التانية عليها و لو لقتيها صغرت افرديها بالنشابة عادى على القطعة اللى تحتيها لحد ما يكونوا القطعتين سوا وااااحد
و بعدين ندهن تانى زيت او زبد و نرش سكر و بعدين نلفها روووووول بالشكل دا
** بعد ما ننتهى من العجين كله او ال8 كور اللى عندنا هيكون عندنا فى الاخر 4 رول
نبتدى نقطع طرفى او حرف الرول كدا من الناحيتين و اللى هيعطونا ورديتن بالشكل دا
يعنى هيكون عندنا من 4 رول هيعطينا 8 وردات و هنحطهم بالشكل دا فى الصنية اللى مدهونة زين و اللى حروفها عالية زى بتاعة الكيك
وردة فى النص و الباقى حواليها
** و بعد كدا بقى الرول هنقطعه زى المثلثات بالشكل ده و نبتدى نرصه فى الصنية حوالين الورد بالشكل ده
URL=http://www.lakii.com/vb/uploader/freeupload.php][/URL]
و نسيبة يرتاح ساعة او ساعة و نص حسب الجو وبعدها ندهنه بيض مع فانيلا
و ندخله فرن ساخن يعنى شغال قبلها بعش دقايق فى الرف اللى فى النص على نار متوسطة
..او على حسب فرن كل واحدة فينا
و لما تستوى ووشها يحمر نخرجها من الفرن و نغطيها شوية عشان نفضل طرية
ماشاء الله شايفين الجمال و الشياكة
ها...ايه رايكو ...يا رب تنول رضاكم
فى رعاية الله و حفظه اخواتى فى الله
احبكم فى الله
رد مع الاستدلال
كتبت بواسطة درة السنة
الروابط المفضلة