خبززززززززززززززززز بطحين الارز
الطريقه+المقادير
اخواتي الغاليات اليوم راح اقدم لكم
خبز خفيف وبسيط من طحين الارز
وكان قديما عندنا مثل ما تقول امي انهم كانو يأكلونه علي الفطور صباحا
لتمدهم بالطاقة والنشاط لمكوناته وطبعا مع الايام صرنا نغير فيه
وقديما كانو يحمره علي طقع حجريه علي شكل مستطيل
اللي مليانه في الجبال ويحطونه علي النار طبعا اول كان عندهم حطب
فتمتزج رائحة الخشب من البراري مع صخرة الجبل وطحين الارز من مزارعهم
طبعا بعد الأستواء يدهنونه بدهن البلدي ويقطرون عليه بدبس التمر
فسبحان الله تعطيهم اجمل والذ خبزه مع بساطته وبساطة مكوناته
اما اليوم اختكم في الله زوررررررت في كل الوثائق ههههههههههههههههه
وعامله خبزهم بطريقه مزوره ميه ميه هههههه
لاني اولا اعمله بالغاز وما في لا حطب ولا هم يحزنون
وثانيا لا في صخرة الجبل ولا غيره
وثالثا ما احب دهن البلدي
فزورت بالمقادير علشان يصير موووودرن ماشيه مع الموضه
ما اطول عليكم نبدا بسم الله
ناخذ الارز المكسر او ممكن يكون عندك ارز بقايا عدة انواع
و طبعا ما نقدر نطبخ كل شوي من نوعيه لان راح يخترب علينا الارز
فاجمع من هذي النوعيه وعندنا ارز مكسر بلدي
اجمعهم مع بعض انظفهم واغسلهم
وانقعهم شوي وبعدها اتخلص من الماي واصفيهم
واحطه تحت الشمس لين ينشف واطحنه ويصير من الطحين نااااااااااعم
في مطاحن تطحن الارز وتصير بنعومة الطحين العادي
هذا الرز مغسول وناشف وجايبته لسا من تحت الشمس وراح ينطحن
وهذا بعد الطحن والعجن
طبعا للعجن نحتاج ماء+رشه صغيرة ملح+رشة صغيرة خميره
وفي ناس تحط معاه كميه بسيطه من الطحين العادي
يعني اذا 3 كاسات طحين ارز نحط فيه واحد طحين عادي
طبعا بعد ما اعجنه وتكون سماكته مثل الصوره سائله
ونحطه شوي لين ما تظهر فقاعات صغيره علي الوجه مثل ماهو موضح بالصوره
واجيب صخرتي من الشركه هههههههههه اللي هي التاوه
واحط لين ما تصير حار شوي
واصب شوي شوي زي الكريب او القطايف
اول ما تظهر الفقاعات نقلبه علي وجه الاخر
وبعد ما نحمر من الجهتين ندهنه بالزبده
ونرشه بالسكر المطحوووووون او العسل او دبس التمر وتقدم
كنت اسويها العصاري للاولاد خفيفه وطعمه لذيذ
وتقدم بالهناء والعافيه هي وصفه سهله وبسيطه
والان الكثير يعمله فقط بالطحين العادي
لكن مذاقه طبعا ما راح يكون مثل طحين الارز
وعليكم بالعافيه وربي يبلغنا وايام رمضان هذالعام وكل عام
احبـــــــــــــــــكم في الله
الروابط المفضلة