السلام عليكم
قصتي قصه مع هالجدوله
جدوله جديده ورائعه رأيتها في احد المواقع الاجنبيه واول ما رايتها قلت سهله كتير وبسرعه بعملها
عجنت العجينه وخمرت وبلشت اعمل يا الله شو طلعت صعبه يعني لما شفت قدامي 12 حبل انعمى ضوي هههههههه
المهم اول تجربه كانت
العجينه مكوناتها
3 كاسات طحين
1 بيضه
ملح
ملعقه صغيره سكر
1 ملعقه كبيره خميره على شان الدنيا برد
3 ملاعق كبار سمنه بيضاء
ماء دافي للعجن
عجنتها وتركتها تخمرت
وبلشت
ولما وصلت هون خلص تخربشت مع التصوير فقدت التركيز
ولفيتها مثل ما بدي انا وطلعت هيك
ومره تانيه عدة الكره تاني يوم
ونفس الشي تخربشت وصرخت صوت ههههههههه وطلعت معي هيك
بالصدفه جائت بنتي عندي وقلتلها شوفي كيف مش زابطه قالت هاي مش زابطه والله الف الف قلت لاء انا عارفه شو بدي
لليوم بنتي مصره انها هي اجمل
وارجعت ثالث يوم بالصدفه بفتش في النت طلعتلي هالصوره مرقمه ارقام بتريح شوي يعني شوي مش كتير قلت اجيبها الكم للتعليم
وهيك بتطلع عنا القاعده
وبعدين نقلبها
وهسا نيجي لخبزتي انا الي اخيراً زبطت
بالله ما هي اجمل من الاصل هههههههه
ارجو ان تنال الاعجاب
وكمان وحده
وكمان عملت شكل اخر من راسي هههههههه عقد الذهب
الروابط المفضلة