صباحكم ومساءكم ورد وكادى
اول موضوع ليا بعد ما لبست فستان العيد
الكريب بصوص استوائى
بصراحة روعة وان شاء الله تجربوه ويعجبكم
الكريب انا عاملاه هنا
نيجى بقى للصوص
علبة اناناس بالعصير بتاعها (هانحتاج نصفها بس)
نصف علبة حليب جوز الهند (نصف كوب)
حبة كيوى
ملعقة كبيرة نشا
ربع كوب سكر (4 ملاعق أكل)
بشر ليمونة
فى حلة على النار نرفع عصير الأناناس
ولغاية ما يغلى
نخلط النشا مع السكر فى طبق
ونقطع الأناناس
وكمان الكيوى
وبس يغلى عصير الاناناس
نضيف حليب جوز الهند
ونضيف خليط النشا والسكر ونقلب بسرعة علشان ما يتكتل
واول ما يسمك نفسه شوية اضيف الأناناس
والكيوى
وأقلب
وكدة الصوص جاهز
نجهز الكريب كالمعتاد
ونجهز طبق التقديم
نضع جزء من الصوص <<< الصوص المرة الجاية اخففه شوية بس كان حلو
وعليه الكريب مطبق اربع ارباع وفى الأخير بشر الليمون
وبألف هنا وشفا
الروابط المفضلة