ازيكم اخواتى حبايبى
يارب تكونوا كلكم بخير و بصحة
عملت شوية فطائر من عجينتى المعتمدة عندى فطائر بحشوة العجوة على اشكال ورد رقيق و شيك و اكيد لذيذ
و ان شاء الله تنول رضاكم
يالا نبتدى بسم الله
المقادير و الطريقة هتلاقوها فى اللينك ده
**وصفة مبتكرة **معجناتى بأشكال مختلفة و ظريفة **يالا جربيها
بس انا هنا هقولكم على طريقة تشكيل العجينة
هنا لما العجينة خمرت ابتديت اعمل كور الاول و احشيها بالعجوة
مع قليل من القرفة و السكر و قليل من الماء و معلقة زبد
و نخلطهم مع بعض على النار و بعدين
افردا الكورة او ابططها بسيط و بعدين ارصها فى صنية
و بعدين لما اخلص الكمية اللى انا عايزة اعملها اجيب المقص و ابتدى اعمل كالتالى
الشكل الاول للوردة : هقص بحرف المقص حرف كور العجين زى كدا مش هدخل لقلب كورة العجين و هتبقى بالشكل ده
و طبعا بعد تشكيل العجين اتركها ترتاح من نص ساعة لساعة قبل الخبز
******************************
الشكل التانى للوردة : هجيب المقص بس هدخل قريب من نص الكورة و بعدين هقص
جمبها قص من طرف العجين و و القص اللى بعدها لنص العجين و اللى القص اللى بعدها من الطرف و هكذا و هتبقى بالشكل ده
************************************
اما الشكل الثالث للوردة: هو انك تعملى كور صغيرة و تحشها و تحطى كورة كبيرة شويه فى النص و تلفى حولها كور صغيرة زى الشكل ده
و هنا و هما كلهم متحدين ههههههههههههه
اتمنى نها تنال اعجابكم حبايب قلبى
فى رعاية الله و حفظه
الروابط المفضلة