عجينة البف بيسترى من المعجنات المميزه والجميله جدا فى طعمها بس انا معملتهاش قبل كده فى اللبيت
بجيب العجينه جاهزه والمره دى عملت منها مقبلات وعجبت اطفالى وحبوها يارب تعجبكم
اول حاجه طبعا العجينه
ونجيب فرنكفورتر دجاج وسلقته شويه صغيرين وسيبته لما برد
فردت العجينه بشوية دقيق علشان متلزقش
وبعدين حطيت عليها صف زيتون اسود وبعدين عليه الفرنكفورتر وبعدين صف زيتون تانى
وبعدين لفيت العجينه بالشكل ده
وبقست كده بعد اللف وحطيتها فى صينيه ودهنتها ببيض عليه ملح وفلفل وشويه لبن ودخلتها الفرن
وده شكلها بع ما طلعت من الفرن
الجزء التانى من العجينه فردته على شكل دائره وحطيت عليه كاتشب وفردته بالفرشاه
وبعدين حطيت عليه بيضه مسلوقه ولفيته كويس وحطيته فى الصينيه ودهنته بردو بالبيض واللبن ودخلته الفرن
لغاية لما اخد اللون الدهبى وطلع بالشكل ده
وده الشكل من جوه
شكلت العجينه هنا بعد ماحطيت البيضه على شكل بونبونايه ولفيت اطرافها بعيدان البقدونس وزينتها بالكاتشب والمسترده
وده شكلها
وده شكلها من جوه وعجبت اطفالى جدا وبقوا بيتخنوا عليها بدل ما كنت انا اللى بجرى وراهم علشان ياكلوا البيضه ههههههههه
يارب يكون الموضوع عجبكم
فى امان الله
الروابط المفضلة