اتفضلوا صوره تشويقيه وهناك المزيييييييييييد خخخخخ
بصراحه في توارد خواطر جامد جدا خخخخ
كل ما الواحد يفكر بنوع جديد وفكره يلاقي التطبيقات ما شاءالله نزللللللللت
بس فعلا كل واحده ولها لمساتها حتى لو نوع واحد من المخبوزات الجميله والنقوشات المميزه والجديده والحصريه فقط على منتدى لك
السينابون من المخبوزات اللذيذه والشهيره والمفضله عندي كثييييييييييرا وعند عائلتي ايضا
وأمس لما اعطيت بنوتي تاكل سينابونهايه خخخخخخخ
ميني لقيتها فرحااااااااانه جدا
وبتقولي كنت بستناها من زمان هههههه
قلتلها تاخديها معاكي الحضانه قالتلي طبعااااااااا
وهنا نفس عجينة الكيزر
وهنا التفاصيل تاني للافاده باذن الله
بسم الله نبدأ
المقادير
4ك دقيق
م ك خميره (او طازجه حجم عين جمل)
م ك نيدو2
م ص ملح (انا بزود نص كمان)
م ك سكر 2
ربع كوب زيت
ك ماء دافئ للعجن
وانا بستخدم الملاعق والأكواب العياريه والميزان دايما
وبدائلهم معروفه الكوب الشاي المج ده معروف
وم ص بتاعة الشاي والكبيره للأكل
بسم الله نبدأ
بنخل الدقيق
وعليه بخلط النيدو والملح
والملح دي عليها كلام كتير ناس تقول الملح آخر شئ ولكن انا طريقتي بالخميره اني بخليها تتفاعل اولا ثم بضيفها يبقى الملح مش هيأثر على أدائها او تفاعلها صح
وهنا تفاعلت الخميره ماشاءالله وبقت روعه وجاهزه للعمل بها
وتقليبه بالملعقه للمواد الجافه
ونعمل حفره بالوسط لتجميع المواد السائله بالوسط
الخميره
قطعة خميره طازجه حجم عين جمل
وم ص سكر
ورشة دقيق (شفتها مره على ال تي في ولقيتها بتسرع جدا التفاعل وجربوها)
وتعجن كويس بضهر الملعقه حتى تنعم وتتجانس وبعدها الميه الدافيه
2 م ك مائ دافئ
ويقلبوا تماما وتغطى وتترك تتفاعل
لو مستعجله بمجرد عمل طبقه على الوجه رغويه دهنيه خلاص بشتغل بيها
لكن لو حابه تشوفي الشكل ده يبقى تنتظري اكتر
وعلى الحفره بوسط الدقيق وعلى الزيت كمان وقلبيهم مع بعض
ثم بالملعقه كمان قلبي كويس كله وزودي الميه شويه بشويه وتدريجيا طبعا ودايما دايما لا تضيفي السوائل مره واحده
يعني مثلا اكتفي بنصف كوب ماء
ولا تنسي ماء الخميره وكمان الزيت وكل دي سوائل
ولما تحتاجي زودي براحتك وحسب العجينه
عشان كدا العجينه تبقى زايده سوائل وتبقى مهما زودتي دقيق خرجتي عن العجينه الاصليه وعملتي منتج تاني خالص ممكن لا ترضي عنه
لكن لو العجينه جافه ومحتاجه سوايل تبقى اسهل بكتير وعن تجربه
وكدا حسيتي انك مش متأكده من السوايل كويسه ولا لا
ترفعي المعلقه خلاص خلصت مهمتها لمساعدتك
وبايديكي يا قمرنا
ولما تمسكي العجين ممكن تحسي غير المعلقه
الملمس يختلف
وتعجني جوه الطبق وتشوفي ايه الميه المناسبه كميتها تلم العجين وتخليها ناعمه كدا ومظبوطه واكيد
بتتأتى معرفتك بالظبط كدا مع التجارب اكيد
خلاص اتلمت العجينه وبقت كويسه كدا
يلا انقليها للرخامه واعجني بقى وهات يا لت وعجن
وممكن ترفعيها وتهبديها على الرخامه وتعجني تاني وده ممكن 5 الى 6 مرات لو تحبي
واديلو بقه بوكسات وفييييييين يوجعك طااااااااخ طوخ طييييييييييخ
تعجن جيدا
وتترك تخمر
تغطية العيش للتخمير
كنت بغطيها الاول بفوطه نضيفه وبس
ولقيت انها ممكن تنشف شويه من الوجه لكن مع التجربه لقيت كيس الاول وبعدين فوطه افضل النتايج باذن الله
ولو حابه تسرعي من التخمير ومستعجله تسخني الفرن على اعلى درجه ثواني يسخن وتطفي وتحطي ايديكي جوا الفرن وتحسي الحراره دافيه بس
لأن لو سخن اوي ممكن يبوظ العجينه تمام
ونفس الحكايه مع مراحل التخمير المختلفه
بعد التشكيل
وتترك تتضاعف حتى 3 اضعاف
وهتاحسي بالتخمر من الحجم طبعا وكمان تحسي العجينه بقت شفافه وده من الهوا اللي دخل للعجينه من التخمير وتفاعل الخميره داخلها
تنزلي العجينه
او تهبطيها يعني بدوووووون عجن
وعلى الرخامه نبدأ نقسمها حسب نوع المخبوزات المطلوب
تشكيل السينابون
هنا تفرد جزء من العجينه مستطيل
وتدهن زبده او سمنه وترش بالسكر (ويفضل بني) يعطي المخبوزات مضغه جميله وستيكي
والقررررررررفه (نجم الحفل طبعا)
ويلف رول ومن ثم يقطع الى قطع حسب الحجم المرغوب
والفكره اللي جاتلي بدلا من وضع السينابون كالعاده
وضعته بشكل انه ممكن يسمح بالفن الجديييييييييييد
وهو التزيين على المخبوزات
وزووووووووووم طبعا اترككم مع مجموعه من صور التعذيب خخخخخخخ
وبس هاهي الفكره
بس عقبال ما الواحد ظروفه سمحت بالتطبيق
انتو عارفين
عيد الاضحى المبارك
كل عام وانتم بالف خير
خرجت السينابون في وسط مدة الخبز
يعني فرن 180
ورسمنا الرسومات
أدوات التزيين
في هذه المره استخدمت الكاكاو
وبصراحه كنت صايمه والروايح رووووعه بس الحمد لله
ولا القرررررررفه وجمالها تملى البيت دفا
كاكاو ذوبته مع ماء ساخن حتى قوام عجينه
ثم جزء من صفار فقط
وطبعا طعم الشيكولا بيغي على البيض
والريشع الرفيعه صديقتي معايا
منتظره نقوشاتي
بصراحه ممتعه جدا جدا
وشكل راقي جدا جدا
حتى المحلات لم نرى هذا الفن حتى الان
ممكن بعدنا يجربواههههههههه
وهنا صور لتقديم السينابون
ولعشاق الصوص لهم نصيب لا يزعلوا
ما انا كمان بحبه جدا
صوص التوفي
ك سكر
وعلبة قشطه
يكرمل السكر حتى غامق شويه ثم يطفئ بالقششششششطه
وانا بحتفظ بيه عندي بالفريزر
وعلشان ابين الرسومات زودت ميه على الصوص ليخف ويصبح شبه شفاف ليتسنى رؤية الرسم
وقد كان
ايه رايكم
بتمنى تكون عجبتكم سينابوناتي
دمتن بود
الروابط المفضلة