يعطيكم العافية صبايا كيفكم
صرلي زمان ما نزلت اشي بها الركن
كل الحق عالكسل ههههههه بعين الله
يوم الخميس كنت عاملة بيتزا ومعجنات
طبعا زاد عندي صلصلة بيتزا
وشوية فطر وشوية زيتون اسود وفليفلة حلوة
خلطهم كلهم مع بعض وحطيتهم بعلبة وعالتلاجة
امبارح ما عرفت شو بدي اعملهم عشا
وكان عندي خبز كماج بايت ويابس شوي
رحت فتحت الخبزة من النص ودهنت كل خبزة بخلطة البيتزا
وحطيتهم بطنجرة الخبيز على بين ما حمر طرفهم
بعدين شلتهم وحطيت عليهم جبنة ورديت شويتهم شوي
عملت 3 كماجات وبعد ما قسمتهم طلع عندي 6 حبات بيتزا
ما تتخيلو جوزي واولادي شو حبوهم
اكلناهم مع كاشة شاي
وهي مقادير صلصلة البيتزا اللي بعملها
بصلة مفرومة ناعم
شوية ملح وشوية بهار وفلفل اسود
شوية زيت زيتون
صلصلة بندورة عادية وحارة
كاتش اب
معلقتين مايونيز
زعتر اخضر مفروم ناعم
وشوية زعتر اوريغانو ازا توفر
انا ضفتلهم شوية فطر وشوية زيتون وفليفلة خضرا مربعات
وهي الصور
ما صورت الا الصورة النهائية
بتمنى مناقيشي يعجبوكم
دمتم بحفظ الرحمن
الروابط المفضلة