سامحوني يابنات خشيت على ريحة هالخبيزات متاع ماما الاء والسفيرة اللي تدهب الشيرة

هند ماشاء الله سفرة دايمة ان شاء الله وصحة على قلوبكم

ام تدليل الشكوى لله حتى اني ولدي مهبلني مايكلش ابدا وكان كلي تعالي شوفي حرق الدم اللي يصيرلي يدقق فى الماكلة زي الشيابين ماناقصة غير عدسة مكبرة باش يشوف بيها كان لقي حاجة من اي نوع من الخضرة ينقنق يقول هاذي ريد (احمر) ولا جريين (اخضر) والله لين خلاص ربي يهديهم وخلاص

ام سومة وينك غطستي شن بيديري حلواتك ..... كخخخخخ بنماريك والمعمول ان شاء الله بنديره كان ربي كتب
كيتي وباقي البنات مبروك الجزء الرابع ............ باهي اللي تفكرتي..... والله ماما الاء ذهبتنا شيرتنا ومع الصيام نسيت

السلام عليكم يا بنات ..مبروك الجزء الرابع وربي يعطيكم الصحة ماما الاء تبارك الرحمان لاقوة الابالله حاجة احلي من التانية ربي يحفظك ,هندا ماشاء الله وتسلم يديك وباقي البنات ربي يحفظكم***

شن هدا يالو هبلتينا بسم الله ماشاء الله
وربي رجك اوبيك بالسلامه يارب
اه لو كنتي اهنايا نعزمك وانت متربعه علي سنقت عشره لكن الي يحب المطبخ ميهنيش روحه حتي يعزموه لازم ادير حاجه هههههههههه
مش بعيد حوشكم بالك لما اروح نلقاك طايره اهئ لكن والله ياسعده داعيه اعليه اميمته في ليلة قدر ربي يعطيك مافي بالك ويسعدك انت وزوبا يارب
ام تدليل البسبوسه شكلها اتهبل واني من عشاق البندق حنجربها ونحكيلك ياعسل وربي اخليك ويحفظك
وباقي البنات كل سنة وانتم بالف خير
حتي انا السنه هدي مشس عارف اندير حلو والا لا بصراحه للاسف الشديد لاعندي من اجيني ولا نمشي لحد نتمني لكن الدنيا هك والغربه هك
لكن انحاول اندير كان هدا منحسش انه عيد
اليوم كان فطوري بيتزا وشربه عاديه وبوريك بعجينة الباف وسلاطه وسلامتكم

السلام عليكم
مبارك الجزء الرابع عليكم يااحلي فالحات
وربي يدوم عليكم الصحه والعافيه يارب
وكل عام والجميع بالف خير

السلام عليكم يا بنات كيف حالكم جميعا

الحق مازال ما قريتش و لا رد منكم

نبي نرد على الجزء الثالث و لي عودة للجزء هذا بعون الله

ام تدليل .... بارك الله فيك يا حبيبة و يتقبل الله منك الدعوة الحلوة

ماما الاء .... و أخيرا النت جاك ... و اني نقول وين مغطسة .. توقعتك تشري في حوايج العيد

ام عرفه ... ما شاء الله عليك يا حبوبة ... صار درتي غريبة زمنية باللوز .... يا ريت توريهالنا و نشوفها من تحت ايدياتك و ان شاء الله عيدك مبروك

التائبة لله ... طريقة السمبوسة الهندية :

2 كوب دقيق + 2 ملعقة طعام زيت + نصف ملعقة شاي ملح + ربع كوب ماء و ممكن زيادة على حسب الحاجة + نصف ملعقة شاي بيكنج باودر

تخلط المقادير حتى الحصول على عجينة متماسكة قليلا و سهلة الفرد و احشيها بالحشوة المرغوبة

ماما الاء .... ما شاء الله ... على الفلاحة ما شاء الله

كل طبق احلى من الثاني يا بنتي ما شاء الله

ربنا يحفظك من كل شر

الحق عيوني حوالو و اني نشوف في طبق ننسى في اللي قبله

ربنا يحفظك و يرجعلكم وبيك على خير و عيدكم مبروك يا سموحة

صار قلتي الحوش ورا نادي الترسانة خخخخخخخخخ


ام ياسمين ... صحة فطورك يا حبوبة و عجبني الحلو الغريبة الزمنية يمي يمي يمي

ام تدليل ... علاش تتغششي ... زي ما قلتلك عيلتك صحية مية مية ما شاء الله و ربنا يحفظهم الصغيويرة


هندة .... يسلم الإيديات على الفطور الحلو ما شاء الله ... و الا المحشي اللي قريب ينقز نقز من الشاشة ... ربنا يعطيك الصحة و عيدك مبروك


غدونا .... رنا يهون عليك غربتك يا رب و ترجعي لعيلتك بالسلامة و ديري حلاواتك يا حبوبة راح تلقينا مجتمعين معاك حتى مش معاك غادي ... تلقينا هنا على النت و نحسسوك حتى بفرحة العيد

السلام عليكم و رحمة الله و باركاته

كيف حالكم ماشاء الله ياكيتي الملف السفرة الرمضانيةواصل للرابع و اني هذا وين حصلت نت باش انشارك معاكم
بس الحق نتابع معاكم من كلام حنونة ماشاء الله كل البنات ابدعوا في السفرة الرمضانية
ربي يحفظكم
و كا عام و انتم و اسرتكم بخير و سلامة
و يالا انخليكم مع مشاركاتي

هذي البسيسة باللوز








هدي القوارب حلوة حلوة و مش عاديات



هدو خبيزاااتك ياسنفورة ماشاء الله حلوااات بارك الله فيك





هذا كانيلوني بس درته طاجين مش ملفوف خخخخ نوع من التغيير





هدي الشربة البيضا بالكفتة مانحكيلكمش قداش روووعة الشربة على الطريقة التركية ان شاء الله انزللكم طريقتها قررريبا بالتفصيل







و اي حاجة تعجبكم اتفضلوا اسالو و ان شاء الله حنونة تبلعني بسؤالكم و نرد عليكم هدا لو حصلت نت و لو ماحصلتش حنونة تبلكم ان شاء الله بردي ههههههههههه حكاية طويلة

خلي نحكيلكم علي سفرة امس مانقوللكمش قداش كانت مفتلكة و حلوة و قلت ان شاء الله بنصورها للبنات بس و اني رافعة السفرة للدار اتذكرت انني ماصورتهاش جيت بنرجع للمطبخ ههههههه عثرت و انبزقت مني السفرة خخخخخخخخخخخخخخخ شورني خبطها بعين من حلاوتها لا و المشكلة الشربة اتبزعت علي رجل زوجي و هي سخوووونة نار ياناري مشي جري حطها علي مية باردة لاحول و لاقوة الا بالله
هدا في جرايرك ياكيتي خخخخخخخخخخخخخ

خلي انحطلكم الحلو ياحلوااات








و هدي اللقمة



و هذا الكلير




يالا نستااذن توة وقت و ان شاء الله تعجبكم مشاركاتي

احم احم
اني جيت
صباح الخير يا حلوات
كيف حالكم اليوم نفر نفر

جاية وايديا سمن والله قلت خلي نصبح على الجميع
ماهو اني خذيت اجازة الاسبوع هذا ولهذا ما نخشش الصبح

كيتي يا كيتي هكي تخلي القلب متشحتف عليك والله استااااحشتك يا قلبي

ام عموري اهلا بيك حبوبة تسلمي على الاطراء الجميل

غيدونة مش اليوم درت بسبوسة ام تدليل هي ريحة العجينة حلوة بس لتوة ما طيبتهاش خليتها ترتاح زي ما قالت ماما تدليل
تصدقي والله حتى لما ننعزم تلقيني في المطبخ طول نحب نتفرج ونتعلم من الناس
لما قلتي انتي وزوبا قلت في روحي منين عرفت اختي ههههههههه ماهو اختي اسمها زوبة حتى هيا ونقولو عليها زوبة الاعجوبة هذا علاش نقول لزينب محمد زوبة الاعجوبة ،،، عادة وربي ما يقطع لينا عادة خصوصا انه زينب محمد اعجوبة قولا وفعلااااااااااااا

اخت البنين هي تعالي جري اهو قاعدة نعجن تعالي عاونيني والباب مفتوح على مصرعيه هههههههه

ام اسيل منووووووووووورة وينك معاش مبينة

كيتي شفتي العجينة انتي ذهبتي شيرتي بيها
وقعدت كل يوم نفتح في الايميل ونتفرج نتفرج نتفرج ونحلم نحلم نحلم لين درتهاااااااااااااااااااااا
صحيتي يا عسل

ام نور وانااام
تعالي هني يا قلبي
اموووووووواه
تي وين وين وين هالغيبات
حمد لله على السلامة
والله ليك وحشة انتي والغزالات ربي يحفظهملك
تي شنو هذا كله
دلال وعز وفلاحة ونزاكة وحركات
بسم الله ما شاء الله
كل شئ احلى من الثاني والله لين عيوني طلعو معاش عرفت كيف ندخلهم خخخخخخخ
ربي يحفظك من العين يا قلبي وما يحرمنا من اخترعاتك الحلوة
وما تنسيش نبو طريقة شربة الكفتة والسلات متاع الدحي المسلوق وكل كل كل كل شئ

بسم الله ماشالله عين الحاسود فيها عود علي هالابداع والفن \
والله شرفتو المطبخ الليبي ......................
يابنات نبي نطلب منكم طريقة الخبزة اللي يلفوا فيها علي الفطيرة بالله عليكم خاطري انديرها وقريب انموت عليها مرة شايفة ماما الاء منزلتها في المنتدي بس ماعاش لقيتها ساعدووووووووووووووووووووووووووووووووني