فى البداية اود ان اشكر الاخوات الماهرات اعضاء المنتدى الذى ادين لهم بالشكر والعرفان على مجهودهم الذى استفدت منه كثيرا ولكن للاسف ما نزلتش اى حاجة من قبل لانى ما كان عندى كاميرا اصور بها والحمد لله اشتريت كاميرا وقولت الشمر عن سواعدى و اوريكم اول اعمالى وهو فطائر الباف باستيرى بحشوة الفراخ طبعا اخدتها من الموقع الجميل دا سامحونى طولت عليكم نيجى للمقادير هى ملهاش مقادير معينة حسب الكمية اللى هتعمليها وهى
عملت فطائر الباف باستنيرى بحشوة الفراخ وطلعت حلوة قوى فقلت انزلها تقولولى رايكم فيها ايه وعلشان كانت اول مرة انزل فيها موضوع بصور طلعت الصور يا ساتر يارب كبيرة جدا وكتر خيرها الاخت تغريد قالت لى على طريقة تصغيرها فقلت اجرب تانى مرة جايز تعجبكم المرة دى نيجى
للمقادير هى
باكيت باف باستيرى
بصلة مفرومة
صدور فراخ مقطعة
جزر مبشور وفلفل اخضر
مشروم مقطع
الطريقة
نضع البصل على النار وعندما تصفر نضع الفراخ وعندما تتغير لونها نضع باقى المكونات ونضع البهارات اللى تحبيها ونتركها حتى تستوى الفراخ ونتركها تبرد ودى شكلها بعد ما خلصت
ونلفها فى العجينة ودى شكلها
ونضعها فى الفرن ودى شكلها بعد ما استويت
يارب تعجبكم وفى انتظار ارائكم
واتمنى ان اكون قدرت ارد جزء من الجميل لهذا الموقع الجميل واعذرونى لو طولت عليكم شوية واتمنى تقولولى رايكم ايه
الروابط المفضلة